Dewtere
Ayuuba
Kabaaru dewtere Ayuuba
«Mi laatake keddoriiɗo ƴi'e ɓole, nguru tan keddodiimi. Njurmee kam, onon yigiraaɓe am, sabo junngo Laamɗo tappii kam!»
Torra januɗo dow Ayuuba oon wanaa batala koy.
Dewtere nde na humpita en kabaaru neɗɗo dartiiɗo mo Laamɗo yiɗi. Ammaa fay ko Ayuuba laatii laaɓuɗo bosiiɗo fuu ko boni, Laamɗo hokki Ibiliisa laawol torrude ɗum faa jawdi muuɗum e koreeji muuɗum fuu kalkaa.
Yigiraaɓe muuɗum tato ngarii faa mbaaltina ɓernde muuɗum, de ko ɓe nani Ayuuba mimsiti nyannde rimeede muuɗum faa ina huɗa nguurndam muuɗum ɗuum, iɓe pela ɗum, iɓe mbi'a Ayuuba wo hakke mum waɗi de heɓi torra oon. Yigiraaɓe ɓeen ina tindina Ayuuba sanaa tuuba e hakke muuɗum, kam du jaaboto ina wi'a wo laaɓuɗo faa hannden, faamaay fuu ko waɗi de bone oon saami dow muuɗum. Yigiraaɓe ɓeen kaa na keddii e siinude wo o jom feloore.
Ndelle na tilsi paamen, fay si wiide Laamɗo wo carotooɗo hakkeeji yimɓe wo goonga, en kaanaa miilaade ko ɓe peldi Ayuuba ɗuum kaa wo goonga. Si goonga, e timmoode dewtere nde eɗen nji'a no Joomiraaɗo holliri wo Ayuuba jeyi goonga.
E dewtere Ayuuba nde, eɗen nji'a neɗɗo ponnditiiɗo laatiiɗo torraaɗo de faamaay fuu ko saabii. Eɗen nji'a neɗɗo laaɓuɗo na woya, na holla Joomiraaɗo fuu ko waanni ɗum. Ko sakiti du Joomiraaɗo na jaabanoo mo duwaawuuji makko, na barkina mo.