तिमोतिंकु पौलुस रासता मोदाटा सिट्टि
इस पुस्तकोमता बारेमते परिचयम
इद पुस्तकोम रासतोना पोर्रोल: पौलुस.
इद सिट्टि येसु सामिना वरोर प्रेरित पौलुस इनानोर, ओना मर्रिनसोंटा तिमोति इनानोन्क रासतोर. इपिसुस सहरते मनना विस्वासुल्कुन पेन हुपिस्ता हर्दाल तप्सनाहाटीं तप्पुड बोदा कराहनोर वेल्लेन लोकुल्क तयार आतुर. अय्ते आ तप्पुड बोदानाल अगटा विस्वासुल्कुन बल्हा तप्सना आनि ओर्कुन विस्वासमते बल्हा गट्टि पळसना इंका ओर अंटोरतोनि बल्हा कलियसि-मेलियसि बक्ति मनना. इसोंटव वेल्लेन पोल्लें पौलुस इद सिट्टिते रासि तिमोतिंकु हिम्मत हीतोर.
पेन उंदे आंद. इंका पेनदाल लक्कु आता मनकलोर्कुन अंटोर्कुन मर्रा पेनतोनि कल्पानोरगुडा वरोरे आंदुर. ओरे मनकना रूपमते पुटता येसु किरिस्तु आंदुर. अंटोर मनकलोरा पापाल्क मापि आयनाहाटीं येसु कुद्दु क्रुसुनपोर्रो ओना जीवातुन हीतोर. इचोने आयका अंटोर विस्वासुल्क वेरेतोरतोनि बल्हा मान-मर्यादाते मनना, पेन हुपिस्ता हर्दे बल्हा ताकाना इल्हा वेल्लेन पोल्लें पौलुस तिमोतिंकु इद सिट्टिते रासि लोहतोर.
बगा बतल मंता
पौलुसना नमस्कारम 1:1-2
तप्पुड बोदानाल जेगर्ता मंदना बारेमते 1:3-11
पौलुसना पोर्रो पेनदा दया 1:12-17
तिमोतिना जिम्मेदारीं1:18-20
मुर्ताह्क-मांडसाहाटीं नियमकु2:1-15
चर्चता अदिकारिर्क बल्हा मनना 3:1-7
चर्चता सेवक 3:8-13
मना विस्वासमता मर्मम 3:14-16
तप्पुड बोदानाल जेगर्ता 4:1-5
किरिस्तुना बेस सेवक आयगोम 4:6-16
बोनतोनि बल्हा वळकना बारेमते कोन्नि पोल्लें 5:1-25
दासुल्कुनाहाटीं कोन्नि नियम्कु 6:1-2
आबद्दम बोदा आनि निजम दनम बारेमते कोन्नि पोल्लें 6:3-10
तिमोतिंकु पौलुसना आकिर पोल्ले 6:11-21