10
1 नावा विस्वासुल्कुनिटा! नावा इस्राएल लोकुल्कुंक पेन मुक्ति हिय्यि इंचि नावा वेल्लेन मनसु मंता. अदुनहाटीं नना पेनदुक पारतना कीसेकेन मंचंतन. 2 पेनदा सेवा कियना इंचि ओर्क वेल्लेन जिद्दु मंता, इदुन नना कुद्दु हूळतन. गानि पेनदा सेवा कियना निजम हर्रि ओर्क तेळियो. 3 बारित्ते पेने लोकुल्कुन सत्तेमंतुल्क कींता इत्ता संगति ओर्क तेळियका, मूसाना नियमते वेहचि मत्ताप ताकसि सत्तेमंतुल्क आंतोम इंचि ओर इन्कुत्तुर. इल्हा ओर पेन हुपिस्ता हर्दुन ओप्कुना हिल्लुर. 4 गानि किरिस्तु मनाहाटीं मोक्कु आसि, मूसाना नियमते बरोसा कियना हर्दुन बंद कीतोर आनि पेनदा मुन्ने सत्तेमंतुल्क आयनाहाटीं विस्वासमता हर्रि हूपिस्तोर. इंदके बोरय्ते येसुनपोर्रो विस्वासम इर्रंतोर, ओरे पेनदा मुन्ने सत्तेमंतुड आंतोर.पेन अंटोर्कुन पिसागोटंता
5 दर्मसास्त्रमते मूसाल बतल रासतोर इत्ते, “बोर-बोरय्ते दर्मसास्त्रमते मत्ताप ताकसि सत्तेमंतुड आयालय हूळंतुर, ओर उंदि नियमगुडा तप्पाकोंटा ताका पींता, अस्केन ओर अवुनहेंदाल सत्तेमंतुड आंतोर.”a 6-8 मिमेट, “माकु पेनदा पोल्लें कराहलासि स्वर्गमते होंचि किरिस्तुन इदु बूमिपोर्रो बोर तर्रा परांतोर, हिलाकुंटे हातोरव्टेटाल किरिस्तुन जीवाते तेहचि तर्रालय बोर दांतोर?” इंचि इनकुनमट. गानि विस्वासम कीसि सत्तेमंतुड आयनोरा बारेमते दर्मसास्त्रम बतल वेहंता इत्ते, “पेनदा पोल्ले निहागेन मंता, नीवा मनसुना लोप्पो आनि नीवा तोळदेन मंता.” मोमोट मीकु वेहता पोल्लें इवे आंदुं. 9 अद बल्हा इत्ते, नीवा पिसवरते, “येसुए नावा सामि” इंचि निमे तोळदाल ओप्कुंचि, ओन पेन हातोरव्टेटाल मर्रा जीवाते तेहता, इंचि निमे नीवा मनसुनाल विस्वासम कीते, पेन नीकु मुक्ति हींता. 10 बारित्ते मनम मनसुनाल विस्वासम कीतोम इंचि मनाकुन पेन सत्तेमंतुल्क कींता. आनि तोळदाल ओप्कुत्तोम इंचि मनाकु पेन मुक्ति हींता. 11 दर्मसास्त्रमतेगुडा इल्हा राससि मंता: “ओन पोर्रो विस्वासम कियानोर बोरे आयिर, पेनदा मुन्ने ओनद बस्केन सिन्नातनम आयो.”b 12 पेनदापोर्रो विस्वासम इर्रनोर बोरे आयिर, ओर यहुदि आयिर यहुदि आयवोर आयिर अंटोर उंदे, अंटोर्कुंक ओर वरोरे सामि आंदुर. ओना पोर्रोल येतसि पारतना कियना अंटोर्कुंक ओर वेल्लेन आसिर्वादम हींतोर. 13 “सामिना पोर्रोल येतसि पारतना कियनोर ओर बोरन्ना आयिर पेन ओन पिसागोटंता,”c इंचि दर्मसास्त्रमते रासतद मंता.
14 गानि बोरय्ते किरिस्तुन बारेमते केंजसि विस्वासम किया हिल्लुरो, ओना पोर्रोल येतसि पारतना किया परुर. ओना बारेमते केंजगोम इत्ते बोरन्ना होंचि ओर्क वेहुवद ओर बल्हा केंजांतुर? 15 “बेसता कबुरतुन पीसि वायना लोकुल्कुन हूळते बचोन कुसि आंता!”d इंचि राससि मंता 16 गानि इस्राएल लोकुल्क अद बेसता कबुरतुन केंजसिगुडा अंटोर विस्वासम किया हिल्लुर. बारित्ते दर्मसास्त्रमते, “ए सामि! मोमोट वेहता कबुरतुन बोर नम्मुतुर?”e इंचि यशायाहल रासतोर. 17 इल्हा किरिस्तुना बारेमता बेसता कबुरतुन बोरन्ना वेहतेने केंजांतुर, केंजतेने विस्वासम किया परांतुर.
18 अयना नना उंदि पोल्ले पूसकींतन, इस्राएलतोर इद कबुरतुन केंजा हिल्लुरा? तप्पाकोंटा केंजतुर. इदुना बारेमते,
“ओरा लेंग दुनियंता केंजा होत्ता.
ओरा पोल्ले दुनियाता मूला-मूलादाका एव्ता,”f
“इस्राएल लोकुल्क कबुर केंजतस्के
अद ओर्क तेळियतना तेळिया हिल्लेना?”
तप्पाकोंटा तेळियता. मूसाना नियमते मुन्नेन राससि मत्ताप,
“विलवा हिलुवा यहुदि आयवोर्कुन नना पावरम कीसि,
मीकु कळ्क पोत्तानाल कींतन.
अल्हा कीसि नाकुन एरपाट कियवा यहुदि आयवोरहेंदाल,
मीकु होंगु वायनाल कींतन,”g
“नाकुन पह्कवोर नाकुन दोर्किच्कुत्तुर.
नाकुन पूसकियवोर्कुंक ननाने कुद्दु दिसतन,”h
इल्हा पेन वेहता पोल्लेतुन दैरनेम कीसि यशायाहलगुडा रासतोर. 21 गानि इस्राएल लोकुल्कुना बारेमते पेन बतल इत्ता इत्ते,
“ना पोल्ले केंजाकोंटा मर्लाबळता लोकुल्कुनाहाटीं,
नना दिन्नम एदुर हूळसेक मत्तन,”i
इंचि पेन वेहता पोल्लेतुन यशायाहल रासतोर.