4
1 पेन निनवे सहरतुन नासडेम कियवाहाटीं योनंक होंग वाता. 2 पजा योनल इल्हा इंचेके पेनदुक पारतना कीतोर, “पेनबाबा, निमे दया कियानोन, आसिर्वादम हियानोन आंदिन. होंगुन ओपके पियाना पावरमगला पेनदुन आंदिन. ओर पापाल्कुन होडसियानय्ते, ओर्कुन नासडेम कियाकोंटा मापि कींतिन इंचि नाकु एरपाट मत्ता. नना नावा देसेमते मननेंके इल्हा आंता इंचि नाकु एरपाट मत्ता. अदुनहाटीं नना निनवे सहरते होनाका, तर्सिस नाटे वित्सेके मत्तन. 3 गानि पेनबाबा, नाकुन हव्का, बारित्ते नना पीसि मनना दानकन्ना, हातेन बेस,” इंचि पेनदुक दन्यवाद कीतोर. 4 अद केंजसि पेन, “नना ओर्कुन नासडेम कीयवाहाटीं, निमे इच्चोन होंग आयमळ बेसे ना?” इंचि योनान इत्ता.वेलि आनि पुडि
5 योनल अद सहरताल पेय्सि, पोळ्दु पेय्सना बाजुंक उंदि पंदिर वाटसि, “सहरकु बतल आंतोनो,” इंचि हूळसेक पंदिर हिडु निडाते उदतोर. 6 पेन योनना होंगुन सल्लगा कियालय, बिराना बेर्सना उंदि वेलि पुटिस्ता आनि ओना तल्लापोर्रो निडा कीता. अद वेलितुन हूळसि योनांक वेल्ले आनंदम आता. 7 गानि इंकुंदि रोजु पंगायनेंके पेन वेलितुन तिनालय उंदि पुडितुन लोहता. अद पुडि वेलितुन कोर्कता आनि वेलि वाडसि होत्ता. 8 पोळदु पेय्सि कडक एद्दि आतारित्ते, पोळदु पेय्सना हेंदाल कास्ता वळि वायमड सुरु आता. योनना तल्लक एद्दि दल्गिस बेहोस आयालय आतोर. अस्के योनल, “नना पीसि मनना दानकन्ना, हातेन बेस,” इंचि पेनदुन इत्तोर. 9 अस्के पेन योनानतोनि, “इद वेलिताहाटीं होंग वायमड बेसे ना?” इंचि इत्ता. योनल इत्तोर, “होंग वायमड बेसे, नाकु हायनच्चो होंग वासेक मंता,” इत्तोर. 10 पेन योनानु, “ई वेलिताहाटीं निमे कस्टम किया हिल्लिन, दान बेर्सागोटा हिल्लिन. इद उंदि नर्काने पुटता बेर्सता आनि उंदि रोजुने वाडसि होत्ता. ई वेलिताहाटीं निमे इच्चोन विचारम कीसेक मंतिन. 11 अय्ते, निनवे इनना पेद्दा सहरते रोड्डा कय बतल, तिना कय बतल इंचि तेडियवा असंटोर उंदि लक्सा इरवय वेय्कुंकन्ना एक्को मंदि मंतुर आनि वेल्लेने नाटेना जिवरासिं मंतां, अय्ते मरि नाकु बच्चोन विचारम किया पींता,” इंचि पेन योनानतोनि इत्ता.