रूत
इद पुस्तकोमता बारेमते गिचचो परिचयम
इद पुस्तकोमते पुरागा रूत पोर्रोलता उंदि मुरतड़ता बारेमते राससि मंता. येसु सामि इद दुनियाते पुट्टका मुन्ने दगेर-दग्गेरा १००० वर्साना लोप्पो इद गटना जर्गुता. इद गटना जर्गुतस्के बूमिपोर्रो न्यायम कियानोरा राज्येम मत्ता. न्यायम कियानोर राज्येम कियना कालमते गरिब आसिगुडा पेंदा नदरते बेस मत्तोरा पिसवर बल्हा मत्ता इत्ता संगति मनाकु तेळियंता. अद कालमते लोकुल्क वेल्ले बोम्मा पूजें कियमड़ते मुंळगिस मत्तुर. निजमाता पेंदा पोर्रो गिचचोगुडा विस्वासम हिल्ले. असोंटा परिस्तितितेगुडा पेंदा पोर्रो बरोसा इरसि पिसानोरा पिसवर बल्हा-बतल मनंता इत्तद मनाकु दिस अर्रंता. इद वेसुडते मनना मुरतड़ रूत मोआब इनना वेरे देसेमतद आंद. दाना जाति वेरे, दाना कुलम वेरे. आयना अद निजमाता पेंदा पोर्रो बरोसा इरसि, दाना पोराटा सेवा कियनाहाटीं देसेम, परिवारतुन होळसि वाता अय्ते पेन दानकु बल्हा सहायम कीता इत्ता संगत तेळियंता.
बगा बतल मंता
एलिमेलेकुना परिवारुंक वेल्लेन कस्टाल्क वायमड़ १:१-५
नाओमि बेतलहेम सहर मल्सि होनना निर्नायम कियमड़ १:६-१८
नाओमि आनि रूत बेतलहेम सहरते एवमड़ १:१९-२२
रूत बोआज इनना मनकना नेदे पर्गे पेर्रालय होनमड़ २:१-७
बोआज रूतुनपोर्रो दया हुपुस्मड़ २:८-१३
बोआज रूतुना बारेमते ओनगा कबळ कियानोर्कुंक वेहमड़ २:१४-१६
बोआजुना बारेमते रूत नाओमिंक वेहमड़ २:१७-२३
नाओमि रूतुंकु बोआजुना कडातगा होनालय वेहमड़ ३:१-५
रूत बोआजुंक कलियालय ओना कडातगा होनमड़ ३:६-१५
रूत कडातगाटाल मल्सि नाओमिनगा वायमड़ ३:१६-१८
बोआज एलिमेलेकुना बेस दग्गेटा पालिगानकु कलियमड़ ४:१-१२
रूत नेला तपसि मर्रिन कनंता ४:१३-१७
रूत आनि बोआजुना वंसावलि ४:१६-२२