2
1 इल्हा मब्बु,
बूमि अगा मत्तव अन्निa तयार आतां.
2 एडुं रोजकुंक पेन दाना कबहकुन महता,
पजा अद कीता अन्नि कबहकुनाल एडोव रोजुननाड आराम कीता.
3 सृष्टी तयार कियाना कबहकु महाचि एडोव रोजु आराम कीताहाटीं आ रोजुन पेन आसिर्वादम हिसी उंदि पवित्र रोजु कीता.
मनकन पुटुस्मड़
4 यहोवा पेनb बस्के अय्ते बूमि आनि मब्बु इव अन्नि तयार कीतनो,
आस्केटा परिस्तिती बलहा मत्ता इत्ते,
5 अस्के बूमिपोर्रो बतले मोल्का मोलिया हिल्ले,
बदे मरा इंका मनाहिल्ले,
बारित्ते अदवेरदाका यहोवा पेन बूमिपोर्रो पिर्रु अरहमड सुरु किया हिल्ले.
आनि नेलिं कियालय बोर मनकल इंका मना हिल्लोर.
6 गानि बूमिताल मूडम पोर्रो होनुंदु,
दाना हेंदाले बूमिपोर्रो मच्चु अर्सि बूमिअंता नांदुंदु.
7 अस्के यहोवा पेन बूमिताल इच्चुंन तोड़ी पीसि दानतोटि मनकन तयार कीता.
तयार कीसि ओना मोसोटे जीवोत्रम उह्कुता.
अस्के ओर जिवाता मनकल पुटतोर.
पेन बगिचा वाटंता
8 पजा एदेन इनना एरियाता पोळद पेयसानेके यहोवा पेन उंदि बगिचा तयार कीता.
आ बगिचाते अद तयार कीता मनकन इरता.
9 अस्के,
दिसालय बेस,
तित्ते इरगा रुसि मनानव अन्नि तीरुकुना पंडिना मराकुन यहोवा पेन बूमिपोर्रो पुटिस्ता.
बगिचाता नड्डुम बारे पिस्वर हियना मरा आनि मंचि सेड्डता तेल्वि हीयना मरातुन पुटिस्ता.
10 बगिचाक एर हुप्सालय एदेनते उंदि बेरेड पोंगसेके मत्ता.
आ बेरेड मुन्ने होंचि नालुं सिन्ने-सिन्ने बेरेह्क आतां.
11 मोदाटा बेरेटुन पिसोन बेरेड इनुंदुर.
ई बेरेड हाविल देसेम सुट्टु पोंगांता.
अगा बंगारम दोर्कंता.
12 आ देसेमते दोर्कना बंगारम कलति हिल्वा बेस बंगारम आंदु.
अगा गुगलेम आनि वेल्ले दराता रत्नाल्कुc इंका दोर्कंतां.
13 रेंडोव बेरेड गीहोन.
अद पूरा कुस देसेम सुट्टु पोंगांता.
14 मुडोदी हिद्दकेल बेरेड.
इद अस्सुर शहरता पोळद पेयसानेके पोंगसेक दांता.
नालूंगो बेरेड परात आंद.
15 एदेन बगिचाते पोतम कीसि दान कावेल कियालय यहोवा पेन आ मनकन इरता.
16 आनि यहोवा पेन आदामुंक हुकुम हीता गदा,
‘ई बगिचाताल नीकु इष्टमाता मराता पंडि कोय्सि तिना वच्चु,
17 गानि मंचि-सेड्डाता तेल्वि हियना मराता पंडि बस्के अय्ते तिंतिनो अस्के निमे तप्पकोंटा हासि दांतिन,
दानहाटीं तिनुमा.”
इंचि वेहता.
मोदाटा मुरतळ
18 पजा यहोवा पेन इनुकुत्ता गदा,
‘मनकल वरोरे मनमड बेस आयो,
ओनालेसीं कलियनसंटोर वरोन सायतागान कींतन,’
इंचि इत्ता.
19 अय्ते बूमि पोर्रोटव अन्नि जिवरासीं,
मब्बुने तिरियना अन्नि पिट्टेन यहोवा पेन तोड़ीते तयार कीसि मत्ता.
आनि आदाम अवुंकु बता-बता पोर्रोलीं दोसंतोर हूळालय अवुनंता पेन ओना दग्गेरकु तत्ता.
अस्के आदाम आ जिवरासींक बव पोर्रोल्क दोसतोरो अदे पोर्रोल अरसि होत्ता.
20 ओर नाटेना अन्नि तीरकुना जिवरासींकु,
मब्बुने तिरियना अन्नि तीरकुना पिट्टेंकु आनि केडाता अन्नि रकाल्कुना जिवरासींकु पोर्रोलिं दोसतोर.
गानि आदामुंकु ओनालेसीं कलियनसंटोर सायतागाल बोरे दोर्का हिल्लोर.
21 अस्के यहोवा पेन आदामुंकु बागा निद्र वायागोटसि ओर मींडतस्के ओना बरबद्दा बोक्कानाल उंदि बोक्कतुन तेंडता.
तेंडसि आ बोक्कता जेगाते हव्वि निहाता.
22 आदामुनाल तेंडता आ बरबद्दा बोक्काताले यहोवा पेन उंदि मुर्तटुन तयार कीता.
कीसि दान आदामुन मुन्ने तत्ता.
23 अस्के,
“इंदके,
दीना बोक्का ना बोक्का,
दीना हव्वी ना हव्वी,
उंदेतीर मंता.
इद मांडसाताल तेंडतद
इंचि दीनु मुरतळ इंतन.”
इंचि आदाम इत्तोर.
24 अदुनहाटीं मांडसा ओना यावन-बान होळसि ओना मुत्तोनतोनि कलियसि मनंतोर.
ओर इव्वुर उंदे मेंदुल आसि मनांतुर.
25 अस्के आदाम आनि ओना मुत्तो इव्वुर इंका कुळकेंगें मत्तुर.
गानि ओर्क सिग्गु इत्तद मनाहिल्ले.