Malaykeen tisap ākōō kōrōōytiin tisap chēpō lēt
15
1 Kyaaroo tukun walak nkōō parak chēpō kwōng'uut chēpō *malaykeen tisap choo kyoopuuy kōōrōōytiin tisap chēpō lēt akiiwoong'uuy :kōōrōōytiinēchoochēē ng'woonin pō Iriin.2 Kitoomō ku kyaaroo kir nyoo lēē araaray nyoo kii ryālēy kilēē kii-ōōy akiiwaar keey ākōō ma. Akaareer aroo pichoochēē kiipēlēy tyoonyoonēē ākōō kāānoomwēēnyiin ākōō kii-iitoo kaarineenyiin. Kiikiiryoong'ō kamas nyēpō araarayoonēē, kukanam pukantiin choo kiitēnii :Iriin. 3 Kiituumēy :pichoochēē tuumpō *Muusa, kipāyityoontoo Iriin akuuloosuuy *Waawaa keecha. Kiituumēy kilē,
“Kiptaayaan Iriin nyoo pāyuuy kir aka tōkōl,
ēēchō aku pō kwōng'uut nyaa tyaan tukun choo i-irēy.
Pāytooyiintoo piich tōkōl,
chuulootēēn aku pō man oortineekuuk.
4 Ng'oo nyuun :nyoo mēēwāriin, aa Kiptaayaan,
amēētōrōōrēy kaarineeng'uung'?
Inyēēn ākityōōn nyoo tiliil.
Pkoonēy :kōōrootinō tōkōl kukutung'uun,
āmu kiikutooku :iruutēkuuk chēpō man.”
5 Kii nēē woonyō nyoonēē, aroo kuyaata *:Kōpō Iriin nyēpō wōlipoor nkōō kipsēnkwēt 6 akupkaana :malaykeenichoochēē tisap choo kyoopuuy kōōrōōytiin tisap. Kiikiilaak :malaykeenichoochēē sirōōy choo tiliilēēn akuuryālsōōt /ākiiweer takat anka nyoo kiiting'ēy iitōōnpō *kōōlti. 7 Kiitē :akoong'o nkōō tukuuchoochēē ang'wan sāpyootēēn malaykeenichoochēē tisap kētupoon tisap choo /kiiku-ira *kōōlti. Kiinyiryaat kētupoonichoochēē :siitoo Iriin. 8 Kinyir *Kōpō Iriin :iirēt nyēpō tōrōōrinpō Iriin ākōō kaamuukeenyiin, āmoomii :chiich nyoo kiimuukēy kuchuut Kōyoonēē ākōy kuuwoonyō kōōrōōytiinēchoochēē tisap choo kyoopuuy :malaykeenichoochēē tisap.