Waawaa keecha ākōō piichiich
14
1 Nēē mii yoonēē, amararta. Kyaaroo kuuryoong'ēē *:Waawaa keecha tulwoo *Saayoon, kiimii ākōō piich 144,000 choo /kiikusirchi tōkōōchiikwaak kaarinaa Waawaanoonēē ākōō nyēpō Paapeenyiin. 2 Kyaateer kuut nyoo kiichōōnēē parak nyoo kii-uumēy kilēē pēr choo suruurtooy. Kiichērēy :kii-uumoonoonēē kilēē iilat nyoo kōrōōm. Kii lēē :kuutiinoonēē kyootēērēy pukantiin choo /kākuput. 3 Kituum :pichoochēē tuum nyoo rēēl nkōō taayuu ng'acharaa pāyuunāt ākōō nyēpō tukuuchoochēē sāpyootēēn ang'wan ākōō pooyichoochēē. Moomii :chiich nyoo kiimuukēy kuuneet keey tuumoonēē, kung'ētu pichoochēē lēē 144,000 choo /kiikēēsāru mu ng'wēny. 4 Pichoochēē ku choo kiiriip keey kimanam :simnyoon, tiliilō kilēē peerkeeyiin. Tuupootēy :pichoochēē Waawaa keecha. /Kiikee-al kupeera wōloo mii :piich chēpō ng'wēny aku akwaaneek chēpō taay /kēētē Iriin ākōō Waawaanoonēē pō keecha. 5 Māmwoorēy ng'uurnan, amāting'ēy tisya.Kiing'uutu :malaykeen sōmōk pērēētuu nyēpō kiirwook
6 Kyaaroo *malayiika aka kutiriirtooy nkōō parak. Kiiting'ēy *:malayiikayaantaanoonēē lōkōōy choo kāroomēēn chēpō ākōy nkōō ākōy choo kiimārēy ku-āmchi piich choo māng'ēy ng'wēny ku-iti kōōr aka tōkōl, oor aka tōkōl, kuut aka tōkōl ākōō pōrōr aka tōkōl. 7 Kiikuurtō nkōō kuut nyoo ōōw kilē, “Awara Iriin ākooloosu ōōwintanyiin, āmu kaaku-it :pērēētuu nyoo tilchinii piich kiirwook. Ākutunchii inyeentee nyoo ki-irēy parak, ng'wēny, araaray ākōō pēr tōkōl.”
8 Kutuupu *:malayiika nyēpō ārēēny nyi kāpō taay akimwooru kilē, “Kaakuruul, kaakuruul :Pāpulōōn kōōroonoonēē ting'ēy kaamuuka nyoo ōōw nyoo ki-ir piich nkōō kōōrootin tōkōl kupōōkityō nkōō takal.”
9 Kutuup *:malayiikayaantaa sōmōk chuuchō akukuurtō nkōō kuut nyoo ōōw kilē, “Chiich nyoo kākutunchi tyoonyoonēē ākōō kāānoomwēēnyiin, /akēēturchi tokoch ntā ku ēēruunyiin pēēruutyoo tyoonyoonēē, 10 rēēy :chiichoonēē *tiipaay chēpō ng'wooninpō Iriin nyoo kiikuroonchi :inyeentee kunyir kikoompa nyēpō ng'woonintanyiin nyoo ng'waan kitya. /Kuwiirchinii chiichoonēē ma ākōō korin choo lārsōōt, kuurōōtēy *:malaykeen choo pēērēy keey ākōō *Waawaa keecha. 11 Wēētiiy parak :iirēt nyēpō wōloonēē /kiinyāriilēē akwaaneek ākōy nkōō ākōy. Moomii :kiimuny pērēēt ākōō lang'a nkōō wōloo mii :pichoochēē kutunchinii tyoonyoonēē ākōō kāānoomwēēnyiin, ākōō chiich aka tōkōl nyoo ting'ēy turwoo pēēruutyoonoonēē pō kaarinaa tyoonyoonēē.” 12 Maraat nyuun kumurta :piipō *Kiriistō choo riipēy ng'ātuutēpō Iriin akutiirēē keey Yēēsu.
13 Nēē mii yoonēē, ateer kuut nyoo chōōnēē kipsēnkwēt kilē, “Sira ng'aleechu: Pēēruurootēēn :piich choo mēērsōōt nkōō pāyiisyoo Kiptaayaan kung'eetee aniinee. Kumwooru :Toomirmiir nyoo Tiliil kilē, ‘Ēē, muung'ēy nkōō pāyiisyeeng'waang' /akēētē mālāk nkōō tukun choo kiiku-ir.’ ”
Kaswaa piipō ng'wēny
14 Kyaamararta, aroo kilē kiimii taayuunyuun :pooltō nyoo rēēl, akiitēpēē :kir nyoo lēē chiich pooltoonoonēē. Kiikiilaak :chiichoonēē kuutwoo pāyuunāt nyoo /kiiku-ira *kōōlti akuting'ēy nkōō ēēruunyiin kipkaswa nyoo ng'atiip. 15 Nkōō yoonēē, kuchōōnō *:malayiika aka *Kōpō Iriin akukuur nkōō kuut nyoo ōōw chiichoonēē kiitēpēē pooltoonoonēē kilē, “Kāsiisyēērēē kipkasweeng'uung', āmu kaaku-it :pērēētuu nyoo /kukāsiisyēy akiikururyō pareek.” 16 Yoonēē nyuun kunam :chiichoonēē kiimii pooltō kipkaswa akukāsiisyō.
17 Kichōōnō *:malayiika aka *Kōpō Iriin mu kipsēnkwēt akiiting'ēy :mpō kipkaswa nyoo ng'atiip. 18 Kuureer kuchō :mpō *malayiika aka mu kaapkōrōs nyoo kiiryoonchinii ma, akukuur *malayiika nyoo kiiting'ēy kipkaswa nyoo ng'atiip kilē, “Kāsiisyēērēē kipkasweeng'uung'. Akiiruruuk *sapiipuun nkōō ng'wēny, āmu kiikururyō :sāpiipuunēchoochēē.” 19 Kiikāsiisyō *:malayiikayaantaanoonēē nyuun, nēē ityō kuwiirchi sāpiipuunēchoochēē kēpēnēēng'waang' yoo nyoorēē :Iriin nkōō nareekichiich. 20 /Kiikuunyaar sāpiipuunēchoochēē nkōō saang' nyēpō kōōroonoonēē. Kiirōōtuunō :kērēti kēpēnoonoonēē choo kiiroot kiilomiiteen pōkōl sōmōk ākiilōōw nyoo luumēy sikiryō nēē tilta.