Āriipēē keey koonēēt chēpō ng'uurnan
2
1 Kiimii kēny *:ōōrkooy chēpō ng'uurnan *Israayeel, aku nkōō oor nyoo lēē nyoonēē ku pkoonēy :koonēēt chēpō ng'uurnan wōloo āmiikwaan. Chuutēē koonēētuut choo mā pō man choo mēlmēēlēy piich akutay mpō Kiptaayaan nyoo kii-ālēy akwaaneek, aku nkōō yoonēē nyuun ku-āpchinii keey :koonēētiichoochēē ng'āmiisyō nyēpō kwōng'uut. 2 Tuupēy :piich chaa chaang' ng'ōōkiipō koonēētiichoochēē, aku irēy /keemwaarteera rāyiityō araa man. 3 Āmu kimootiin :koonēētiichu, kuumēlmēēlēēnook ātiintoon chēpō ng'uurnan siku-am roopiyēēkwook. Kiikuchēp keey nkōō pērēētuus chaa chaang' :Iriin kutilchi kiirwook pichoochēē aku mii kichōōnēy ng'amweeng'waang'.4 Maariira :Iriin *malaykeen choo ki-ir ng'ōōki, aku kiiwiirchi wōloo tuur aku rātootēēn nkōō āng'ōōy kukānyēy pērēētuu nyoo kipa /kēētilchinii kiirwook. 5 Amaariira :Iriin ng'wēny nyoo kiipō kēny, aku kiikōōnu chēēmurwoompēy kuchō kōōroonoonēē kiimii :piich choo kiimākoonyitēy inyeentee. Piich kipaat choo /kiikisāru ku Noowa, nyoo kii āmuuy lōkōōyipō man, ākōō katanyiin. Kii piich sisiit akwaaneek. 6 Kiiwaang'a :Iriin ma kōōrootinēēpō Sotom ākōō Komoora tākulēku :nyoonēē koonēētuut nkōō wōloo mii :piich choo mātuupēy ng'alēēpō Iriin. 7 Kisāru :Iriin Lōōt, chiich nyoo kiipēērēy keey nyoo kii-iimēy :ng'alēēpō takal choo kii-irēy piich ākōō rāyityō nyoo kiimii kōōrēē. 8 Kiimāng'iisyō :chiichoonēē kiipēērēy keey nkōō pichoochēē akiiro rāyiityooni kii-irēy :pichoochēē pērēēt ākōō lang'a. Kii-iimēy :ng'ōōkiipō pichoochēē kāāpkootuutēchiich choo tiliilēēn. 9 Kunyuun, nkēt :Iriin wōloo sāruntooy piich choo tuupēy inyeentee kung'eetee nyāriluut, akuunkēt wōloo riiptooy choo raacheen ākōy pērēētuu nyoo /kitilchiinēē piich tōkōl kiirwook. 10 Aku choo ng'woonchinii kitya ku choo tuupēy mākuutēkwaak chaa raacheen akutāyēy /kēēpāyu.
Lāsē keey :koonēētiichu pō ng'uurnan aku āwēēsō amēēwārēy mpō kumuul toomirmiirēy choo ting'ēy kaamuuka. 11 Mpō *malaykeen choo ting'ēy kaamuuka kusiir koonēētiichoochēē ku māmuulēy toomirmiirēyiichoochēē mu taayuu Kiptaayaan. 12 Muulsyēyii :pichu akipō tukun choo mēēnkēt. Karkeey :akwaaneek ākōō tyoong'in choo irēy tukun choo mēēnkēt, choo /kiiku-ir /sikēēnāmēy /ākēēpārēy. Pētsōōt :pichu kilēē tyoong'iichoochēē. 13 Mālāk pō pichoochēē ku /kēēng'am akipō tukun choo kii-ir :akwaaneek. Chāmēy ku-irēy takal pērēēt. Sōōr :pichu choo nēē kimii tōkōl kaaptuum kuchuunsōōt. 14 Mārārtooy :pichoochēē kumārēy ku-ir takal amāpiryoong'ēy ku-irēy ng'ōōki. Mēlmēēlootēy choo kuskusēēn ku-ir ng'al chaa raacheen aku piich choo kiikuuneet keey kitya kilēku kimootiin. /Kitilchinii pichu kiirwook. 15 Kiikumētō oor nyoo chuulaat ākiikupētyō. Kiikutuup araa Palaam wēēroo Pēēyōōr nyoo kiichāmēy kunyōōruuy rōōpiyō chēpō rāyiityō nyoo ki-irēy. 16 /Kiikukar koong' Palaam nkōō ng'ōōkistanyiin paani kiing'alaal :sikiryō kilēē chiich akukar sālwoontii Palaam nyoo kii *ōōrkooyoontoo Iriin.
17 Karkeey :koonēētiichu pō ng'uurnan ākōō ēēnwēy choo kiikutēēng'ō, aku lēē kipuurēēt nyoo āpēy :yoomēt. Kiikuchēpchi :Iriin pichoochēē āriing'waang' mu saang' wōloo mii :tuurin. 18 Mwoorēy ng'al choo lēē sālwēy choo mātoorētēy kir kulāsēy keey, akupāyiisyēērēē mākuutēkwaak chaa raacheen kuuchuut piich choo kātākuchirilēē ātēp nyaa ra. 19 Yoomiisēy :koonēētiichoochēē pichoochēē kaatyaaka, aku ōōtwook :akwaaneek chēpō ātēpuut choo rāāchēēn, āmu nēē pāyu :kir chiich ku ōōtwookiin chiichoonēē nyēpō kiyoonēē. 20 Nēē chirila :piich rāyiityoo ng'wēny, āmu nkēt Kiptaayaantēēnyoon nyoo Sāruuniintēēnyoon Yēēsu *Kiriistō akunaarnaara keey ng'ōōkiichoochēē akuureer kilēku ōōtwookiintoo ātēpuutēchoochēē, kumii :yoo ra kitya kusiir taay. 21 Kii kaykay ntā kitoomō kusōwu araa man kusiir kusōwu akuureer kutay ng'ālyoontoo Iriin nyoo tiliil nyoo /kiikiineet akwaaneek. 22 Irēy :pichoochēē kir nyoo mwoorēy koolēwēnichu pō man kilē, “Wārāchinii keey :sukōyō kiing'uung'aanichiich” ntā “Rēērēy kumiimilēē keey nkurwēēt nyoo /kākii-uun nyaarkwaat.” †