Parwa nyēpō ārēēny nyoo kiisir
:PĒĒTĒRŌ
Tookwēēsuut
1
1 Aneen Siimnyōn Pēētērō nyoo ā-irchinii Yēēsu *Kiriistō pāyit akaaneen *kāāyooytooyiintēēnyiin. Āsirwookwaan choo kyoonyōōru kaarana nyaa karaam kitya kilēē achaan /akiikeecham /kēētiliilook kupunuunō Yēēsu *Kiriistō nyoo Iriintēēnyoon aku Sāruuniintēēnyoon.2 Kuupēēruurook :Iriin kitya ānyōōruu kaalya, nēē ātāsēy taay āsōwuuy inyeentee nkōō Yēēsu Kiptaayaantēēnyoon.
Ānāryēē nkōō ng'oroomnyoo Kiriistō
3 Kiikōōnēēch :Iriin kir aka tōkōl nkōō kaamuukeenyiin sikēētēpii kilēē wōloo mārtooy :inyeentee. Kiimuukēy kēētēpi kilēē nyoonēē, āmu kiinkēt inyeentee nyoo kiikuurēēch keeramtee ōōwintanyiin ākōō kāroomnyēēnyiin. 4 Nkōō kaamuukaanoonēē ku kiikukōōnēēch :Iriin tukun choo kāroomēēn kitya choo kiiyoomiisēēch, sikēēnyōōruu sopoon nyēpō Toomirmiiryeenyiin akeechirila rāyiityoo ng'wēny nyoo āpuuy :makuut chaa raacheen. 5 Kunyuun, aroo wōloo āmuuktooy ātāsi kaarana kāroomin, ātāsi kāroomin ng'ōrōōmnyō, 6 ātāsi ng'ōrōōmnyō riipotoo keey, ātāsi riipotoo keey murtaar, ātāsi murtaar kōōnunātoo keey, 7 ātāsi kōōnunātoo keey choomnyoot nyoo āchāmēy choo ātuupcho, ātāsi choomnyoonoonēē choomnyoot nyoo āchāmēy piich tōkōl.
8 Nēē āting'ēy ng'aleechu kuyam, āpāyiisyēēchinii Iriin nkōō oor nyaa karaam kitya ākookiilyō nkōō ng'oroomnyoo Kiptaayaantēēnyoon Yēēsu *Kiriistō. 9 Piich choo māting'ēy ng'aleechu, ku kōryootēēn āmēēnkēt kiyoo mārēy :Iriin ākiikuruutyēērō kilē /kikēē-uuntoochi ng'ōōkiikwaak. 10 Kunyuun oo, choo kituupchō, atyama wōloo āmuuktooy a-ir kiyoo ng'uutuuy kilē kiikukuurook :Iriin ālēkuu chaachiich. Nēē a-ir kilēē nyoonēē, ku moopētsōōt mpō āsip ākoong'o, 11 /akēētookook achuuta Kaa Kiptaayaantēēnyoon Yēēsu *Kiriistō nyoo *Sāruuniin, wōloo āpoomāng'ēy ākōy.
12 Āpkootwook ng'aleechu, mpō nēē ānkēt :akwaan, akyookiilchi ng'ālyoontoo man nyoo kyoonyōōru. 13 Ārōōtēy kilē karaam āng'uutwook ng'aleechu, kutoosopēy, 14 āmu ānkēt kilē āmētooy pōōri kilēēkit, kilēē paani kiing'uutwoon :Kiptaayaantēēnyoon Yēēsu *Kiriistō. 15 Ātyāmēy nkōō kaamuukeenyuun āng'uutwook ng'aleechu, soopkootēy pērēētuus tōkōl mpō nēē kaameer.
16 Kii nēē kimwoorwook akipō chōōnētoo :Kiptaayaantēēnyoon Yēēsu *Kiriistō ākōō kaamuukaa Iriin, ku maakumwoorunēēnook ātiintoon chēpō chiirana, āmu kiikeeroo ōōwintanyiin. 17 Kiitōrōōr :Paapa Iriin inyeentee aku-ir ku-ōōwiit, paani kiimwoorēy kilē, “Inyēēn wēēriinyuun nyoo āchāmēy ākoopāypāychinii.” 18 Kiikuteer :achaan kuut kuchōōnēē im kēēmii ākōō inyeentee tulwoonoonēē tiliil.
Ateera iit ōōrkooy chēpō Iriin
19 Kunyuun, kiirānēy ng'al choo kiimwoorēy *:ōōrkooyiipō Iriin. Karaam āyāpchii iit ōōrkooyichoochēē, āmu lēē taayit nyoo lārēy nkōō tuurin ākōy kuurir :kōōrēē akutooku :kookeelyaantaa kutākwoorō kuulopooyook. 20 Mārēy āsōwuu kir nyoo ōōw. Nyoonēē ku nyi: māsōwuunēē :chiich kāāpkootuutēchiich kiyoo ng'uutuuy :ng'alēēpō *ōōrkooyiipō Iriin mu siruut 21 āmu, kiimāmwooruuy :ōōrkooyiichoochēē ng'aleekwaak kipaat, aku king'uutinii :Toomirmiir nyoo Tiliil kimwooru ng'alēēpō Iriin.