Kooyoomiisō nyēpō chōōnātoo Kiptaayaan
3
1 Chamanichuuch, parwaa ārēēny :nyēēnyi āsirwook. Kyaasirwaak parweenichu tōkōl āchēērook akaang'eet kāāpkootuutēkwook tākuchuuliisyō kukaraam. 2 Āmārēy tāmooruutyēērēē ng'al choo kiimwoorēy *:ōōrkooyiipō Iriin kēny ākōō ng'ātuutyoo Kiptaayaan aku *Sāruuniin nyoo kiineetaak *kāāyooytooyiik. 3 Mārēy ānkēt kukaraam kilē pkooney :piich choo kiikupāyu :makuut chēpō pōōrwēyiikwaak nkōō pērēētuus chēpō lēt. Roorēchinook 4 akimwoorēy kilē, “Kiiyoomiis Yēēsu, kilē wārākēē, ara mii ānō :kāāyoomiisoonoonēē? Nku kung'eetee pērēētuusyēpō mpō kuukō ākōy aniinee kutākuuryoong'oot :kir aka tōkōl kilēē paani kiilēē /kēē-irēy ng'wēny.”5 Irtooy keey :pichoochēē choo kiikuruutyēērō kilē kii-ir :Iriin kēny im ākōō ng'wēny kupunuunō ng'ālyoontēēnyiin. Kiing'ēētuunō :kōōrēē pēr akuukwēēn pēr 6 /ākiikuuwaang'a piich choo kiipō kōōroonoonēē pō taay pēr nkōō pērēētuunoonēē kiipō chēēmurwoompēy. 7 Riipēē :Iriin im ākōō ng'wēny nyēpō paanyēēnyi ng'ālyoontēēnyiin ākōy pērēētuu nyoo /kuuwoong'ēē ma paani /kutilchinii kiirwook /akeewaang' piich choo mā pō Iriin.
8 Chamanichuuch, mooruutyēērēē kilē nkōō wōloo mii :Iriin ku lēē pērēētuu ākoong'o kēnyiis ēlup ākoong'o aku lēē kēnyiisyō ēlup ākoong'o pērēētuu ākoong'o. 9 Māsiistooy Iriin ki-ir kiyoo kiikuuyoomiis kilēē paani pkootēy :piich walak. Aku riirēē piich āmu māmārēy kilē kupēt :chiich mpō ākoong'o, aku mārēy piich tōkōl kuwāliisyō nkōō ng'ōōkiikwaak.
10 Aku chōōnēy :pērēētuu Kiptaayaan kilēē chōōriin. Pētēy :imu pērēētuunoonēē nkōō chērāt nyoo ōōw kipootō kookeel nkōō araawa, /akēēpēēlēy ng'wēny ākōō tukun tōkōl choo mii :ng'wēny. 11 Ara nēē /kung'āmēy tukuuchu tōkōl, kilēē nyoonēē oo, /kēēmārēy a-ir nee nyuun? Maraat ātēpi nkōō tiliilin ākootāpoonchi keey Iriin, 12 ākānyēy ākoo-irēy kichooku pērēētuunoonēē pō Iriin. /Kipēēlēē ma /akeeng'am pērēētuunoonēē im aku root kilēku pēr :kookeel ākōō tukun walak tōkōl. 13 Aku kukānyēēchaan kiyoo kiikuuyoomiis :Iriin: kipsēnkwēt nyoo rēēl ākōō ng'wēny nyoo rēēl wōloo mii :man.
14 Kunyuun oo chamanichuuch, nēē āmii ākānyēy pērēētuunoonēē, atyam nkōō oor aka tōkōl a-ir tukun choo tiliilēēn amāting'ēy tisya, sikunyōōrwook :Kiptaayaan āting'ēy kaalya. 15 Ānkēt :akwaan kilē riirēē :Iriin piich /tākēēsāru. Kiisirwaak kilēē nyoonēē mpō :tuupchēē Paawulō nyoo chamaat, kupāyiisyēērēē ng'ōrōōmnyō nyoo kiitēnii :Iriin. 16 Mwoorēy :inyeentee ng'al choo lēē chu nkōō parweenichiich tōkōl. Mii :ng'ala walak parweenichiich choo kōlkōlō /keesōwu. Kwoong'kwoong'ēy ng'aleechiich :piich choo lēē sālwēy ākōō choo mēēnkēt oor nyoo pēētii. Nyēērēē :pichu mpō siruutēpō Iriin walak aku irēy :nyoonēē kupētyō :akwaaneek.