Moorwookēē keey kōōk
6
1 Nēē kwiintoochi keey :chiich nkōō chiitō aka nyēpō *Kiriistō, ku mamakaat ā-āpchi ng'aleechoochēē piich choo mēēnkēt Iriin kuurwookwook. Maraat nyuun ā-āpchi ng'aleechoochēē piich chēpō *Kiriistō sikuchuul. 2 Moonkēt :akwaan kilē piich chēpō *Kiriistō :choo rwoochinii pērēētuu aka piich chēpō ng'wēnyuuni? Nēē āpēētiiy ārwoochinii piich chēpō ng'wēny oo, ku siirook atil ng'al choo mēnkēēchēēn choo lēē chwēēchu? 3 Moonkēt :akwaan kilē kuurwoochiniichaan *malaykeen? Pō man nyuun kilē kiimuukēēchaan kēērwoochi tukun choo mēnkēēchēēn chēpō ng'wēnyuuni. 4 Ku nēē pka nyuun :ng'ala choo lēē choochēē oo, ara ku-āpchinii piich choo mēēkoonyitēy :piich chēpō *Kiriistō sikuchuul ng'aleechoochēē? 5 Āmwooraa kilēē nyoonēē, ang'alaaleenaak nyoo mā karaam. Āmāraa ateep kilē oo, moomii :chiich mpō ākoong'o nkōō akwaan nyoo chikanaat nyoo nkēt kiyoo irēy nyoo muukēy kuchuul ng'aleechoochēē? 6 Āmu nee nyuun tākuwō :tuupchēēnyoon aka kukuurtoochi kōōk tuupchēēnyoon nyiinō aka akuutē piich choo toomō kuuran Iriin kuurwoochi? 7 Akwaan :piich chēpō *Kiriistō, nēē kuurtoochi :tuupchēēnyoon tuupchēēnyoon aka kōōk, ku kaakung'uutu keey kilē kāmoomuukēēkwaan kir. Kaykay /kee-irwaak nyaa ra ntā /keechooreenaak tukuukwook. 8 Nku :akwaan nyuun ākwoonēēk chu ā-irchinii keey nyaa ra ākoomēlmēēlēy choo ātuupchō.9 Moonkēt :akwaan kilē māchuutēy :kipng'ōōkiis Kaa Iriin? Āmoomēlmēēl keey. Māchuutēy Kaa Iriin :chiich nyoo lēē kiptakalyaan, nyoo kutunchinii kaanaamōōn, nyoo siirēy karwa, mēlmēliin 10 chōōr, chēēmootiin, kipōōkitiis, choo muulootēy piich ntā ku choo sārootēērēē piich tukuukwaak. 11 Kyaakarkeey :akwaan walak nkōō pichoochēē. Ku paannyēēnyi nyuun, /kikēē-isto ng'ōōkikwook /akeetapaanaak āpoyiitu Iriin. /Kikeetyaaytaak ātililiitu kupunuunō Kiptaayaan Yēēsu *Kiriistō ākōō Toomirmiiryoo Iriintēēnyoon.
Ākoonyitō Iriin mu pōōrwēyiikwook
12 Muukēy :chiich nkōō akwaan kumwa kilē, “Nku /kuchāmwoon a-ir kir aka tōkōl.” Āmwoorwook nyuun kilē mā karaam :kir aka tōkōl. /Kuchāmwoon kir aka tōkōl aku māmārēy nyuun āchāmchi keey kupaytaan :tukuuchoochēē. 13 Muukēy mpō :chiich kumwa kilē, “Pō :āmiisyō moo aku pō :moo āmiisyō.” Man nyoonēē, aku nyuun pootēy :Iriin tukuuchoochēē tōkōl pērēētuu aka. /Maaku-ir nyuun pōōrpō chiich /sikee-ira takal. /Kiiku-ir kupāyiisyēēchi :Kiptaayaan aku riipēy :Kiptaayaan pōōr. 14 Kiing'eeta :Iriin pōōrpō Kiptaayaan meerat, akung'ēētēē mpō pōōrwēyiichooch meerat nkōō kaamuukeenyiin. 15 Moonkēt :akwaan kilē pō :pōōrwēyiikwook *Kiriistō? Muukēē kilē nee kēētuuyō pōōr nyēpō *Kiriistō nkōō cheepyooso nyoo lēē mēlmēliin? 16 Ntā moonkēt akwaan kilē chiich nyoo kāru nkōō cheepyooso nyoo lēē mēlmēliin, ku kaakulēku kir ākoong'o nkōō cheepyoosoonoonēē? Āmwooraa kilēē nyoonēē āmu mwoorēy :siruut chēpō Iriin kilē, “Lēkuuy :pichoochēē tōkōl kir ākoong'o.”† 17 Ku chiich nyuun nyoo kēētuuyō keey nkōō Kiptaayaan kulēkuuy :tōkōl kir ākoong'o nkōō Toomirmiir.
18 Lēyyē, ā-istoorēē keey takal. Moomii ng'ōōki aka tōkōl nyoo irēy :chiich nyoo muukēy kung'am pōōrpō chiich kitya kusiir nyēēnyi. Chiich nyuun nyoo ka-ir takal kukaakung'am pōōrtanyiin. 19 Ntā moonkēt :akwaan kilē pōōrpō chiich nyēpō Iriin ku kōpō Toomirmiir nyoo Tiliil? Iriin nyi kiikōōnook Toomirmiiryoonoonēē mii pōōrwēyiikwook. Mā āpookwaan keey, 20 āmu kiikuwaleenaak keey :Iriin paani kiikōōnu wēēriinyiin kima akipō akwaan. Āpāyiisyēērēē nyuun pōōrwēyiikwook ku karaam /sikēēkoonyitēē Iriin.