Takalaanti nyoo mii kaaniisa
5
1 Ātēēraa kilē ōōw :takalaanti nkōō wōloo āmiikwaan aku ra takalaantiinoonēē kitya nyoo mā-irēy mpō :piich choo mēēnkēt Iriin. Kālē mii :chiich nkōō akwaan nyoo rwēēy nkōō cheepyooseetaa paapeenyiin. 2 Ālāstookwaan keey nyuun ānō? Kātā kaakung'woonchook :ng'ālyoontoonoonēē aku kātā kyaa-oon :akwaan chiich nyoo ki-ir ng'ālyoon nyoo lēē nyoonēē. 3 Mpō nēē mākumii tōkōl ārii ākoong'o, ku kēēmii tōkōl nkōō Toomirmiir. Kyootilchaa ng'al kēny chiichoonēē ki-ir ng'aleechoochēē kilēē yoo kiikumii tōkōl. 4-5 Nēē āruruuchi keey ārii ākoong'o ākoomii :aneen nkōō akwaan nkōō Toomirmiir, akumiitō mpō kaamuuka nyēpō Kiptaayaantēēnyoon Yēēsu, ku maraat nkōō kaarinaa Kiptaayaantēēnyoon Yēēsu ātētō chiichoonēē ka-ir ng'aleechoochēē kuwō wōloo mii *:Syeetaani /sikeeluluuk pōōrtanyiin nyoo irēy ng'ōōki /ākēēsāru toomirmiiryeenyiin nkōō pērēētuu nyoo wārākēē :Kiptaayaan Yēēsu.6 Ma karaam alas keey. Moonkēt :akwaan kilē sēētēy :rāyiityō nyoo mining' ākōy kuyāmu piich tōkōl? 7 Ā-istoorēē keey rāyiityoonoonēē pō kēny soomāng'iisyēē sopoon nyoo rēēl nyoo kyoonyōōru kilēē paani kiima *Kiriistō akipō achaan. Inyeentee ku waawaa keecha nyēpō kōrōs nyēpō *Pasaka. 8 Akanya nyuun kee-ama tuumi nkōō oor nyoo tiliil nkōō man kusiir kee-ama nkōō oortin choo kiipō kēny choo kiipō rāyiityō nkōō lēēluut.
9 Paani kyaasirwaak parweenyuun, ku kyoomwoorwook kilē ā-istoorēē keey piich choo lēē kiptakaliis. 10 Kii moomii :aneen nyuun āmwoorēy akipō piich choo toomō kusōwu Iriin choo lēē kiptakaliis, chēēmootiin, chōōr ntā ku choo kutunchinii kaanaamōōn. Ntā kyoomwooraa kilē ā-istoorēē keey pichoochēē, ku ākōy āpētēē ng'wēny kilē wirwir. 11 Kir nyoo kyoomwooraa ku kilē ā-istoorēē keey wōloo mii :chiich nyoo mwoorēy kilē :inyeentee ku chiich man nyēpō Iriin akutā kutākāloonēy, kimoo, ntā ku nyoo kutunchinii kaanaamōōn, kipseemseemyaan, kipōōkityoon ntā ku chōōriin. Kimoo-āmiisyō mpō nkōō chiich nyoo lēē nyoonēē. 12-13 Māpootaa ārwoochi piich choo toomō kunāmchi keey ng'ālyoontoo Iriin. Iriin nyoo rwoochinii akwaaneek. Ku maraat nyuun :akwaan ārwoochi piich choo mwoorēy kilē pō Iriin aku-irēy ng'ōōki, kilēē paani mwoorēy :siruut nyuun, “Ā-istoorēē keey kipng'ōōkiyoon.”†