Ng'ālyoon akipō āpiisyō
7
1 Kutuup keey nkōō ng'al choo kyaasirwaan, karaam kimāmāng'iisyō :chiich nyoo lēē murēn nkōō cheepyooso. 2 Aku āmu kii ku-ōōwiit nyuun takalaanti nkōō kōōrēē, ku maraat kuting'ēy :murēnō cheepyooseenyiin, kuting'ēy :cheepyooso poonteenyiin. 3 Maraat :pooyoon ākōō cheepyooseenyiin kutēērchiinō paani ruusōōt tōkōl. 4 Māpāytooy :cheepyooso inyeentee pōōrtanyiin, poonteenyiin nyi pāytooy. Kulēē nyuun nyoonēē mpō poontee, māpāytooy pōōrtanyiin inyeentee, :cheepyooseenyiin nyi pāytooy. 5 Maatayee keey nyuun pōōrwēyiikwook kung'ētu ātoo kootēērchiinēē :tōkōl nkōō pērēētuus walak soonyōōru pārooyiin nyēpō soowuut. Nēē mii lētuun nyuun, atas taay nkōō ātēp nyēpō pooyoon ākōō cheepyooseenyiin. A-ira kilēē nyoonēē simeetyamaak *:Syeetaani āmu moomuukēy āriip keey. 6 Moomii :aneen āmwoorwook kilē maraat ku-āpiisyō :chiich, āmwooraa kipaat kilē nee kacham :chiich ku-āpiisyō, ku-āpiisyō. 7 Āmwoorēy kilē ntā kiilēē :piich tōkōl wōloo ālēē :aneen. Aku nyuun oo, ting'ēy :chiich aka tōkōl kōōnunēēnyiin nyoo chōōnēē wōloo mii :Iriin. Ting'ēy :chiitō aka kōōnunō nyoo ng'ulēy ākōō nyēpō aka.8 Āmwoochinaa nyuun paannyēēnyi pooy choo maakiting'ēy chēēpyōōsōōy ākōō mōsōōk kilē karaam kitas taay kumāng'iisyō kilēē aneen. 9 Ku nēē mēēmuukēy kuriip keey, ku karaam ku-āpiisyō ntā /kēē-āp kusiir yoo kātēē-iimēy :pōōrtanyiin.
10 Akipō nyuun piich chēpō *Kiriistō choo kiiku-āp keey, āmwoorwook kilē mamakaat :cheepyooso kumētō keey nkōō poonteenyiin. Ng'ātuut nyēēnyi nyoo chōōnēē wōloo mii Kiptaayaan. 11 Ku nēē mētō keey ku mamakaat ku-āp chiitō aka cheepyoosoonoonēē. Ntā nēē māmārēy kumāng'iisyō :inyeentee ākityōōn, kuchoomnyō nkōō saanteenyiin akuureer kumāng'iisyō tōkōl. Mamakaat mpō :pooyoon ku-oon cheepyooseenyiin.
12 Āting'ēy ng'ālyoon nyoo āmāraa āmwoochi chiich nyēpō Iriin nyoo ting'ēy cheepyooseenyiin nyoo toomō kuuran Iriin mpō ntā mā ng'ātuut nyēēnyi nyoo chōōnēē wōloo mii :Iriin. Nee cham :cheepyoosoonoonēē kumāng'iisyō nkōō saanteenyiin, ku mamakaat ku-oon :chiichoonēē. 13 Ntā nēē ting'ēy :cheepyooso nyoo kiikuuran Iriin poonteenyiin nyoo toomō kuuran Iriin akichāmēy :poontoonoonēē kilē kutēpō nkōō cheepyooseenyiin, ku mamakaat :cheepyoosoonoonēē kumētō poonteenyiin. 14 Āmwooraa kilēē nyoonēē, āmu /kiikēētiliil poontoonoonēē toomō kuuran Iriin kupunuunō wōloo mii :cheepyooseenyiin nyoo kiikuuran Iriin, aku /kiikēētiliil cheepyooso nyoo toomō kuuran Iriin kupunuunō wōloo mii :saanteenyiin nyoo kiikuuran Iriin. Ntā kiimālēē nyoonēē, ntā kiimātiliilō :laakōōkwook, aku āmu lēē nyuun nyoonēē ku tiliilō nkōō taayuu Iriin.
15 Ku nēē ka-oon nyuun :chiich nyoo toomō kuuran Iriin cheepyooseenyiin, kuutyaakaat :cheepyoosoonoonēē kuwēēchi keey. Ntā nēē mārēy :cheepyooso nyoo toomō kuuran Iriin kilē kumētō saanteenyiin, /kēēchāmchi kuwēēchi keey. Mārātēy cheepyooso ntā ku murēn :nyoo kiikuuran Iriin :ng'ala choo lēē choochēē, āmu kiikukuurēēch :Iriin kēēmāng'iisyēē nkōō kaalya. 16 Inkētēēy nee cheepyooso nyoo kiiran Iriin nēē imuukēy i-ir poontēēng'uung' /kēēsāru, ntā acha? Ntā, inkētēēy nee pooyoon nyoo kiiran Iriin nēē imuukēy i-ir /kēēsāru cheepyoosēēng'uung', ntā acha?
17 Maraat kumāng'iisyō :chiich kilēē wōloo /kiikuchēpchi chiich aka tōkōl paani kiikuurēy :Iriin. Ng'ālyoon :nyēēnyi nyoo āmwoochinaa kaaniiseen tōkōl. 18 Nēē kiikuurēy :Iriin chiich kumuroot, āmu kii Yāwuutyoon :inyeentee, ku mēērookēē kumar kilē ntā ālēku chiich nyoo toomō /kēēmur. Ntā nēē kiimāmuroot :chiich paani kiikuurēy Iriin, āmu kiimā Yāwuutyoon :inyeentee, ku mēērookēē /kēēmur. 19 Nēē imuroot :chiich ntā ku mēēmuroot, ku moomii kir nyoo tāsēy. Ng'ālyoon nyoo maraat, ku /kēēriip ng'ātuut chēpō Iriin. 20 Itas taay imāng'iisyō kilēē wōloo kii lēē paani kiikuuriin :Iriin. 21 Kii :inyēēn ōōtwookiin /kēēkuuriin? Meekany kuu-iimin mēt, aku nēē nyōōru nyuun pārooyin /keetyaayteen, ipāyiisyēērēē. 22 Nēē kii ōōtwookiin :chiich kukuurēy :Iriin ku /kiikeetyaayteera ng'ōōki sikupoyiit Kiptaayaan. Ntā nēē kiipāyuuy keey :chiich kukuurēy :Iriin, ku kiikulēku :chiichoonēē ōōtwookiintoo *Kiriistō. 23 Kiiwaleenaak keey :Iriin paani kiikōōnu wēēriinyiin kima akipō akwaan. Kunyuun, maakany ālēku ōōtwook chēpō ātēpuut chēpō ng'wēnyuuni. 24 Kunyuun oo, choo ātuupchō, āmāng'iisyēē kilēē wōloo mārtooy Iriin akaatas taay kilēē wōloo kyoolēē /kēēkuurook.
25 Akipō piich choo toomō ku-āp keey, ku mooting'ēy ng'ātuut nyēpō Kiptaayaan nyoo nāmēy keey nkōō akwaaneek. Aku ātilaa nyuun ng'ālyoon kilēē chiich nyoo /kiirānēy nkōō pēēruur nyoo kiikōōnaa Kiptaayaan. 26 Akipō nyaril nyoo miitō kilēē nyēēnyi, āpkootaa kilē karaam kimā-āpiisyō :chiich. 27 Nēē ting'ēy :chiich cheepyooso, kitas taay kumāng'iisyō tōkōl; ku nēē māting'ēy, kimawas. 28 Ku nēē kā-āpiisyō :chiich, ku mēēlē ka-ir ng'ōōki chiichoonēē, ntā nyoo /kāku-āp, ku mēēlē ka-ir ng'ōōki :mpō inyeentee. Nyōōruuy :chiich nyoo kā-āpiisyō ntā :nyoo kāku-āp nyaril nyoo ōōw nkōō sopoontanyiin, ākoomāraa ā-istoorēēnook nyariloonēē.
29 Tuupchēēnichu, kiyoo āmii :aneen āmwoorēy nkōō yēēnyi ku nyi: kiikunwookiituuy pērēētuus. Kunyuun oo, mamakaat :murēn choo kiiku-āpiisyō ku-ir āpiisyō kilēē pāyit nyoo tōrōōr kusiir pāyit aka tōkōl. 30 Ku choo mii kuriirsōōt ku maraat kutēpi kilēē yoo māting'ēy ng'woonin. Ku choo pāypāyō ku maraat kutēpi kilēē yoo māpāypāyō. Ku choo ālēy, kutēpi kilēē yoo mā chaakwaak :tukuuchu kā-ālēy. 31 Ku choo pāyiisyēērēē tukun chēpō ng'wēny ku maraat kupāyiisyēērēē nkōō oor nyaa karaam aku mārāti keey tukuuchoochēē. Āmwooraa kilēē nyoonēē āmu mii kusiirtooy :ng'wēnyu nkōō tukun tōkōl choo mii.
32 Āmāraa ātyookiisyēērēē kaa-iimuut chēpō sopoon nyēpō ng'wēnyuuni. Murēn aka tōkōl nyoo mā-āpiisyō kuukiilchinii keey pāyiisyoo Kiptaayaan āmu mārēy :inyeentee kuupaypaay Kiptaayaan. 33 Ku chiich nyoo kiiku-āpiisyō, kuupkootēy :nyoonēē akipō tukun chēpō ng'wēny ākōō wōloo pāypooytooy cheepyooseenyiin. 34 Kuchāriisōōt nyuun :kaapkootuutēchiich. Ku chēēto nyoo mā-āp chiich ntā ku cheepyooso nyoo maakuting'ēy poonteenyiin kuupkootēy :nyoonēē ng'alēēpō Kiptaayaan. Kir nyoo mārēy kilē ku-ir ku kunāmchi keey Kiptaayaan kukaraam. Ku cheepyooso nyoo āpoot kuupkootēy :nyoonēē akipō ng'al chēpō ng'wēny ākōō wōloo pāypooytooy poonteenyiin. 35 Āmii :aneen āmwoorēy ng'ālyoontooni sikuutoorētook ameepkaat kilē kaarataak. Āmāraa kilē ātēpi nkōō oor nyoo chuulaat ākoomāraa mpō kilē toonāmchiikwaan keey Iriin kukaraam.
36 Ku nēē pkootēy nyuun :pooyoon kilē kee-iim chēētanyiin nyoo kiiku-ōōwiit aku kayam kuwō koonyiin, akuupkootēy :poontoonoonēē kilē rookēē /kee-ilta, kukaraam ku-ir kilēē wōloo mārtooy. Moomii kir nyaa ra nyoo ka-ir :poontoonoonēē. Karaam kuu-iilta chēēpoonēē. 37 Ku nēē kaakuupkooti keey nyuun :pooyoon kukaraam aku moomii :kir nyoo iimēy sopoontanyiin, akuunkēt kiyoo irēy akaakutil nkōō moonyiin kimee-ilta chēētanyiin, ku kaaku-ir mpō kir nyaa karaam. 38 Ku pooyoon nyuun nyoo kee-iilta chēētanyiin, ku ka-ir kir nyaa karaam. Ku nyoo maa-iilta chēētanyiin, ku ka-ir :nyoonēē nyaa karaam kusiir.
39 Maraat :cheepyooso kitas taay kumāng'iisyō nkōō poonteenyiin nēē tākusopoot :poontee. Ku nēē ma :poonteenyiin, /kēēchāmchinii ku-āp keey nkōō chiich aka tōkōl nyoo kacham :inyeentee, aku maraat nyuun ku chiich :chiichoonēē nyoo kiikutiirō keey Kiptaayaan. 40 Aku nyuun pēēruuroot :cheepyoosoonoonēē nee mā /kuureer /kēē-āp, nkōō wōloo ārōōtitooy. Āmwooraa ng'aleechu, āpkootaa kilē āting'ēy Toomirmiir nyoo Tiliil.