Mēērwoochi choo ātuupchō
14
1 Nēē kaaroo kilē kuskus :chiitō aka nkōō kaarana, ataak, āmookwiintoochi akipō wōloo pkootitooy. 2 Mii :choo āmēy āmiisyō aka tōkōl, ku mii :choo kuskusō kaaraneeng'waang' choo āmēy nkuyoon kipaat. 3 Chiich nyoo āmēy āmiisyō aka tōkōl ku mā maraat kureeng' chiich nyoo moomēy āmiisyō aka tōkōl. Ku :chiich nyoo mā-āmēy āmiisyō aka tōkōl, ku mēērookēē kuurwoochi chiitō nyi āmēy āmiisyō tōkōl āmu kiikucham :Iriin chiichoonēē. 4 Inyēēn ng'oo siirwoochii kipāyityoontoo chiitō aka? Mōkōryoontoo chiichoonēē :nyi tilēy nēē man :chiichoonēē ntā ku mā man. Ryoong'ēy :chiichoonēē āmu ting'ēy :mōkōryoontēē kaamuuka ku-ir chiichoonēē kuuryoong'.5 Rōōtēy :chiich aka kilē tiliil pērēētuu aka kusiir aka, kuurōōtēy aka kilē karkeey :pērēētuus tōkōl. Ku maraat nyuun kutuup :chiich wōloo lēē :kāāpkootuutēchiich. 6 Chiich nyoo kālē tiliil :pērēētuu aka kusiir aka, kumwoorēy kilēē nyoonēē āmu mārēy kipaat kuukoonyit Kiptaayaan. Ku :chiich nyoo āmēy āmiisyō aka tōkōl, ku-āmēy akipō Kiptaayaan āmu paani āmēy kumwoochinii Iriin kōōnkēy. Ku nyoo moomēy āmiisyō tōkōl ku ka-ir kilēē nyoonēē akipō Kiptaayaan kumwoochinii Iriin kōōnkēy. 7 Nēē kakumēērō ntā kēēsopyō, ku maraat kēēmēērō ntā kēēsopyō akipō Iriin, mā akipō āchoonēēch. 8 Nēē kusopyō, kēēsopyō akipō Kiptaayaan. Ku nēē kumēērō, kēēmēērēy akipō Kiptaayaan. Ku nēē kusopyō ntā kēēmēērō, ku tākēēpō Kiptaayaan. 9 Kiima *:Kiriistō akung'eeta meerat sikulēku Kiptaayaan nyēpō piich choo kiikumēērō ākōō choo sopsōōt.
10 Ara oo, āmu nee siirwoochii tuupchēēng'uung'? Irēēng'chinii nee tuupchēēng'uung'? Mārēy isōwu kilē kupēētii tōkōl taayuu Iriin /sikēērwookwēēch. 11 Mwoorēy :siruut kilē “Pō man kilē kutung'woon :chiich aka tōkōl akumwa kilē aneen Iriin.”† 12 Mwooruuy keey nyuun :chiich aka tōkōl nkōō achaan nkōō taayuu Iriin.
13 Maraat nyuun keetayee keey kēērwoochinii piikō walak. Nēē kātaku-irēy kilēē nyoonēē, keeroo kilē maku-ir kir nyoo muukēy kukarta tuupchēēnyoon ntā ki-ir ku-ir ng'ōōki. 14 Kilēē paani kiikung'uutwoon :Kiptaayaan Yēēsu, ku ānkēt :aneen man kilē moomii :āmiisyō aka tōkōl nyoo mātiliil. Ku nēē ran nyuun :chiich kilē mātiliil :kir ku mātiliil :kiyoonēē nkōō chiichoonēē. 15 Ku nēē put :tuupchēēng'uung' akipō kir nyoo i-āmēy, ku maang'uutuunyēēn choomnyoot nkōō kiyoonēē kee-am. Meekany kuupoot :āmiisyēēng'uung' tuupchēēng'uung' nyoo kiima *:Kiriistō akipō inyeentee. 16 Aku nyuun, makaraam keeng'alaala kiyoo irōōtēēnyēēn kilē karaam nkōō oor nyaa ra. 17 Nkōō :Kaa Iriin ku /mākumārēē kir kiyoo āmēy :chiich ntā kira. Kir nyoo maraat, ku man, kaalya ākōō pāypooyō nyoo kōōnuuy :Toomirmiir nyoo Tiliil. 18 Chiich aka tōkōl nyoo pāyiisyēēchinii *Kiriistō nkōō araani kuupāypooyēy Iriin akichāmēy mpō :piich kilē karaam. 19 Lēyyē, keetyama nyuun keewasa wōloo kiimuuktooy kee-ir kir nyoo āpuuy kaalya aku-ireech keecheera keey. 20 Ameekany nyuun kupēt :piich choo kiikuuran Iriin akipō kir nyoo i-āmēy. Karaam :āmiisyō aka tōkōl /kee-am, aku mēērookēē nyuun ku-am :chiich āmiisyō nyoo pkootēy kilē makaraam. 21 Makaraam iree mayya ntā i-am pēēny ntā i-ir kir aka tōkōl nēē muukēy ku-ir tuupchēēng'uung' kuuput.
22 Ku nēē mii wōloo ipkootitooy akipō tukuuchoochēē, ikany kupāyituun nkōō Iriin. Pēēruuroot :chiich nyoo nkēt kilē karaam :kir nyoo irēy. 23 Ku chiich nyoo āmēy āmiisyō kuupkootēy kilē mēērookēē ku-am, ku kaakuurwoochi keey inyeentee ākityōōn, āmu āmēy āmiisyoonoonēē kuupkootēy kilē makaraam. Kir aka tōkōl nyoo /ku-irēy /kēēpkootēy kilē makaraam, ku ng'ōōki :kiyoonēē.