15
1 Maraat nkōō achaan choo kiikēēkiilyō nkōō kaaranēēnyoon kēēmurtoochii piich choo kuskusō kaaraneeng'waang'. Mēērookēē kēēpāypooyēy keey kipaat. 2 Maraat keepaypaaya piich walak sikukiilyō akwaaneek nkōō kaaraneeng'waang'. 3 Āmwooraa kilēē nyoonēē, āmu kiimaapaypaay keey mpō *:Kiriistō inyeentee kilēē paani siraat kilē: “Ng'al tōkōl chaa raacheen choo mwoortoorēēniin :piich, ku kiikumwaartaareenaan mpō.”† 4 /Kiikusir siruut tōkōl chēpō kēny sikuuneeteech, kuutoorētēēch akuukiilēēch paani mii kēēkēnēy Iriin.5 Lēyyē, Iriin :nyoo irēy piich kumurta ng'al akukiilyō. Āsoomēy nyuun inyeentee kukōōnook anama keey ālēku kir ākoong'o paani ātuupēy araa Yēēsu *Kiriistō, 6 tooloosu nkōō kuut ākoong'o Iriin nyoo inyeentee ku Paapa nyēpō Kiptaayaantēēnyoon Yēēsu *Kiriistō.
Achama keey mpō ntā maakarkeey
7 Ataaka keey nyuun kilēē paani kiitaakaak *:Kiriistō sikutōrōriit :Iriin. 8-9 Āmwoorwook kilē kiichō *:Kiriistō kupāyiisyēēchi Yāwuutik nkōō piich choo mā Yāwuutik. Kiing'uuti Yāwuutik kilē man :kiyoo kiiyoomiis :Iriin paapatiinakwaak, akung'uuti piich choo mā Yāwuutik kilē mārēy :Iriin kuriira akwaaneek. Kimii nyuun kuuloosuuy :pichoochēē Iriin kilēē paani mwoorēy :siruut kilē, “Āloosuun paani āmii nkōō piich choo mā Yāwuutik. Ātuumuun tuumwēy choo āloosuunēēniin.”† 10 Mwoorēy mpō :siruut nkōō ārii aka kilē, “Akwaan, piich choo mā Yāwuutik, āpāypāyiituu nkōō Yāwuutik.”† 11 Aku mwoorēy mpō :siruut nkōō ārii aka kuureer kilē, “Akwaan, piich tōkōl choo mā Yāwuutik, āloosu Iriin ākooloosu :piich tōkōl chēpō ng'wēny.”† 12 Mwoorēy *:Isaaya kuureer kilē “Chōōnēē :chiich kōpō Yēēsi. Pāytooy kōōrootin tōkōl aku inyeentee nyoo chōōnēy kutiirēē keey :piich choo mā Yāwuut.”†
13 Lēyyē, kukōōnook :Iriin nyoo kutiirēē keey pāypooyō nkōō kaalya nyoo ōōw paani āmii ātāsēy taay āloosuuy inyeentee, si nēē ng'at ātiirēē keey inyeentee kukaraam kupunuunō kaamuuka nyēpō Toomirmiir nyoo Tiliil.
Paawulō kāāyooytooyiintoo piich choo mā Yāwuutik
14 Tuupchēēnichuuch, ānkēt :aneen man kilē ākāroomēēkwaan. Ānkēt :akwaan ng'alēēpō Iriin akuyamaat aneet keey ākwoonēēk. 15 Mii :ng'ala choo moowaa kamas nkōō parwaani. Kyaasirwaak āpkootwook ng'al walak chēpō man, āmu kiilēwēnān :Iriin 16 āpāyiisyēēchi inyeentee soo-āpchi piich choo mā Yāwuutik Yēēsu *Kiriistō. /Kiikulēwēnān a-amta lōkōōy chēpō Iriin /sikuutapaan piich choo mā Yāwuutik kilēku kōrōs choo chāmēy :Iriin choo kiikuutiliil :Toomirmiiryeenyiin. 17 Apaypay :aneen nyuun nkōō Yēēsu *Kiriistō akipō pāyiisyeenyuun nyi ā-irchinii Iriin. 18 Moomii :kir nyoo ālāsēēyaa keey kung'ētu kir nyoo ki-ir *:Kiriistō kupununēēnaa, paani ki-ir piich choo mā Yāwuutik kuuwar Iriin nkōō ng'aleechu kyoomwoochi ākoo-irchi. 19 Kyaa-ir aneen kilēē nyoonēē kupunuunō kaamuuka nyēpō tukun chēpō kwōng'uut nkōō chēpō Toomirmiir nyoo Tiliil saa-amtaata lōkōōy choo kāroomēēn chēpō *Kiriistō kung'eetee Chēērusālēēm ākōy Iluriikō. 20 Nkōō pāyiisyeenyuun, ku kyaatyam aneen ā-āmchi lōkōōy choo kāroomēēn piich choo kiitoomō kuteer akipō *Kiriistō āmu kiimoomāraa awaanta kō nyoo kiikusisin :chiitō aka. 21 Ku karkeey nyoonēē nkōō paani mwoorēy :siruut kilē, “Tēērēy :choo kitoomō /kēēmwoochi aku sōwu :choo kiitoomō /kuteera iitiikwaak.”† 22 Pāyiisyeenyaa nyuun nyi kiikartaan kumoochōōn wōloo āmiikwaan.
Kiichēp :Paawulō kuruutō Rooma
23 Kyaawaang' :aneen nyuun paannyēēnyi pāyiisyeenyuun nkōō kōōrootinēēchu, aku kilēē paani kyaamar aneen kulōōwiit kilē toochōōn ānyōōrwook, ku āmii nyuun aniin āchēpēy keey āruutoowook. 24 Āmii āchēpēy āchō ānyōōrwook paani āwēētii Sipaannya. Āchooruutoowook paani āmii āsiirtooy sootoorētoon āwō Sipaannya ku kaakēētēpi tōkōl pērēētuus choo ng'ērin. 25 Ku paannyēēnyi nyuun, āmii āwēētii Chēērusālēēm ā-āpchinii piich chēpō *Kiriistō choo mii wōliinēē rōōpiyō. 26 Kiipāypāyō :piich chēpō Makeetoonnya ākōō chēpō Akaaya kuutē rōōpiyō piich chēpō *Kiriistō choo lēē mēēy choo mii Chēērusālēēm. 27 Ki-ir kilēē nyoonēē kupāypāyō āmu paani nyōōruuy :piich choo mā Yāwuutik pēēruur nyēpō Iriin kupunuunō Yāwuutik, ku maraat kusārunō :akwaaneek piich choo mā Yāwuutik tukun choo ting'ēy. 28 Nēē a-iraa kilēē nyoonēē, akaaroo kilē kiikunyōōru rōōpiyēēk, āwēētii Sipaannya ākooruutoowook paani āsiirtooy wōloonēē. 29 Ānkēt aneen kilē paani kaa-itu wōloonēē, ā-āpkook pēēruur nyoo ōōw.
30 Kunyuun oo, tuupchēēnichuuch, āsoomook āsoowoon Iriin sikee-ama :tōkōl pooryoot nkōō kaarinaa Kiptaayaantēēnyoon Yēēsu *Kiriistō nkōō chamat nyēpō Toomirmiir nyoo Tiliil. 31 Āsoowoon /sikēēsārunēēnoon Yāwuutik choo mii Chuuteeya choo maaran *Kiriistō. Āsoowoon mpō sikucham :piich chēpō *Kiriistō choo mii Chēērusālēēm tukuuchu ā-āpchinii. 32 Nēē iriisyō :ng'aleechoochēē, āmuukēy āchōōn wōloo āmiikwaan nkōō pāypooyō nee cham :Iriin, sikēēpāypāyiitu tōkōl. 33 Ānyōōru tōkōl kaalya nyoo chōōnēē wōloo mii :Iriin. Lēē nyoonēē.