Kuusoopēy :Pēētērō chiich nyoo kiimāng'ēētēy
3
1 Nēē mii pērēētuu aka, kuwō :Pēētērō ākōō Chowaana *Kōpō Iriin nkōō saayit nyēpō saayeet. Ki saayit sokool nyēpō pērēēt kipēētii. 2 Kiimii :chiich nyoo kimēēmuukēy kung'eet kung'eetee /keenam. Kiimii /kēēmutēy :chiichoonēē saayitiinoonēē kuwō kutēpō kurkat nyēpō *Kōpō Iriin nyoo /kiikikuurēē ‘Kurkat nyoo lēē pukat.’ /Kiikiimutēy kutēpō yoonēē pērēētuu aka tōkōl sikusoomēy rōōpiyō piich choo pēētii *Kōpō Iriin. 3 Paani keero :chiichoonēē kilē kikiikuriik Pēētērō ākōō Chowaana kuchuut piriiruu *Kōpō Iriin, kusoom :chiichoonēē akwaaneek rōōpiyō. 4 Kuuro :Pēētērō ākōō Chowaana chiichoonēē, akimwoochi :Pēētērō kilē, “Rooseech kee.” 5 Kuuro :chiichoonēē akwaaneek kukēnēy kilē /kēētē kir. 6 Kumwoochi :Pēētērō chiichoonēē kilē, “Mooting'ēy rōōpiyoon aka tōkōl nyoo ākōōniin, ākookōōniin nyuun kiyoo āting'ēy. Nkōō kaarinaa Yēēsu *Kiriistō nyēpō Naasareet, āmwooruun kilē, ‘Ng'eeta akiiwēētootō.’ ” 7 Kunam :Pēētērō chiichoonēē ēēruu taay akuutoorēt kung'eet. Kusopyō :kēēlyēēkpō chiichoonēē akukiilyō. 8 Kuuryoong' :chiichoonēē akimanaata. Kituup :chiichoonēē Pēētērō akichuut *Kōpō Iriin nkōō mpō Pēētērō kusōkōrootēy :inyeentee akuuloosuuy Iriin. 9 Paani keero :piich kumānootēy chiichoonēē akuuloosuuy Iriin, 10 kusōwu kilē kii soomiin :chiichoonēē nyoo kimēēmuukēy kung'eet nyoo kitēpēē kurkaanoonēē pō *Kōpō Iriin. Kikwōng'yō :piich akuuwāriisyō nkōō kiyoo kii-ira nkōō wōloo mii chiichoonēē.Kwoomchinii :Pēētērō piich lōkōōy choo kāroomēēn nkōō Kōpō Iriin
11 Kumii :chiichoonēē kutākunāmēy Pēētērō ākōō Chowaana, kikwōng'yō :piich akimwēr wōloo kiimii :akwaaneek nkōō yoo /kiikikuurēē ‘Sōpōōtwoo Sōlōmōōn.’ 12 Paani keero :Pēētērō kilēē nyoonēē, kumwoochi akwaaneek kilē, “Pichu pō *Israayeel, āmu nee sookwōng'yēē nkōō kiyoo ka-ira? Āmu nee soochiirchēēch koonyin? Āpkootēy kilē kaku-ir chiichi kuwēētootō nkōō kaamuukeenyoon? Ntā kilēē yoo kiitiliilēēchaan nkōō taayuu Iriin? 13 Iriintoo Apraam, Isaka, Chaakōp, ākōō mpō paapatiinēchooch nyi kēētōrōōr kipāyityoontēēnyiin Yēēsu, nyoo kyootētēēkwaan keepa /keekeet akaatay nkōō taayuu *Pilaato mpō paani kiikiikimar *:Pilaato kuutyaayta. 14 Kyaatay :akwaan chiich nyoo kiitiliil akukaraam, aku-irēy man nkōō taayuu Iriin, ākoosoom kilē /kēētyookwook chiich nyoo kiikiikurumiisyō. 15 Kunyuun, kyaapar :akwaan chiich nyoo kiichō kuyaat oor nyēpō sopoon. Wōloo nyuun, kiing'eeta :Iriin inyeentee meerat. Kiikuuroo ku-iriisōōt ng'aleechu.
16 Kaakunyōōru :chiichi ārōōtēy ākoonkēt kiimnān kilēē paani kātiirō keey Yēēsu. Kākiisoop chiichi nkōō kaarinaa Yēēsu nkōō kaamuuka nyēpō Yēēsu kilēē paani ārōōtēy :akwaan tōkōl.
17 Kunyuun oo, piichuuch, ānkēt :aneen kilē kyoo-irēēkwaan ng'aleechu kilēē kāāntōōyiikwook āmu kii moonkēt kiyoo kyoo-irēy. 18 Lēē nyoonēē wōloo kaaku-irta :Iriin sikuusilta kiyoo kiimwooru kupunuunō wōloo mii *:ōōrkooy kilē nyārilēy *:Meesaaya. 19 Āwāliisyēērēē nyuun ng'ōōkiikwook ākoo-ōōchi keey Iriin sikunyōōwook kaat ng'ōōkiikwook. 20 A-ira kilēē nyoonēē soonyōōruu pērēētuus chēpō tāloosyō kupkaana wōloo mii :Iriin, sikuuyookwook *Kiriistō nyoo /kiikēēlēwēnwook kilēku *Meesaaya. 21 Yāmēy kutēpō :Yēēsu kipsēnkwēt ākōy ku-it pērēētuu nyoo irēy :Iriin tukun tōkōl kukārāmiituuy kilēē paani kiikiikumwooru :Iriin kēny kupunuunō ōōrkooyichiich. 22 Kiimwooru *:Muusa kilē, ‘Yookwook :Iriin *ōōrkooyoontēē aka nyoo lēē aneen kuchōōnō wōloo mii :piikwook. Mārēy ātēērchi kir aka tōkōl nyoo mwoorwook. 23 Chiich aka tōkōl nyoo mātēērchinii ōōrkooyoontoonoonēē kiyoo mwoorēy, /kēētēnii tapan nkōō wōloo mii :piich chēpō Iriin /akeeng'am.’†
24 Kiing'oor *:ōōrkooyik chēpō Iriin tōkōl choo kiikiikung'alaal kung'eetee Sāmwēēl kiyoo irēē nkōō pērēētuusyēchu. 25 Kooyoomiisō nyēpō Iriin kupunuunō ōōrkooyichiich ku nyoong'woong'. Ākoorāmtooy kooyoomiisoonoonēē nkōō ārāruut nyoo kii-irēy :Iriin nkōō paapatiinēkwook. Kiimwoochi *Apraam kilē, ‘Nyōōruuy :piich chēpō kōōrootin tōkōl pēēruur kupunuunō siintaaryēēng'uung'.’† 26 Paani kiikōōnu :Iriin kipāyityoontēēnyiin, kuuyooku kusip kuchō wōloo āmii :akwaan taku-iraak awala ātēpuutēkwook chaa raacheen tākuupēēruurook.”