Kichōōnchinii :Toomirmiir nyoo Tiliil tuupiik tōkōl
2
1 Kii nēē it pērēētuu nyēpō *Pēēntēkōōsti, kuururuuchi keey :tuupchēēnichoochēē tōkōl koot ākoong'o. 2 Nyoo matyaan, kuchēr :kir nkōō im nyoo lēē yoomēt nyoo nyikiis akunyir :kiyoonēē kōyi kiimii :pichoochēē kutuusōōt. 3 Kuuro :pichoochēē tukun choo lēē ng'ēlyēēp chēpō moot. Kipkoonchi pichoochēē :ng'ēlyēēpichoochēē akutēpēērō mēt pō chiich aka tōkōl nkōō yoonēē. 4 /Keenyiriit chiich aka tōkōl nyoo kiimii kōyoonēē :Toomirmiir nyoo Tiliil akitoowu :pichoochēē tōkōl kung'alaal kuutiway walak choo mēēnkēt. Kii-ir :Toomirmiir nyoo Tiliil kung'alaal kilēē nyoonēē.5 Kiimii :Yāwuutik walak choo kitēpiisōōt Chēērusālēēm :choo kiikuutē keey ēēruunēpō Iriin. Kiipkoonēē :pichu kōōrootin tōkōl choo mii ng'wēny. 6 Paani kateer pōlētoonoonēē, kuururuuk keey akukwōng'yō āmu kiiteer :chiich aka tōkōl /kēēng'āloolēē kuutiinyiin. 7 Kiitang'any :pichoochēē akukwōng'yō kumwoorēy kilē, “Lēyyē, mā pō Kalilaaya :pichu ng'āloolēy? 8 Āmu nee sikēētēērēy tōkōl pichu kung'āloolēy kuutuwayiichooch? 9 Kipkoonēē Paarti, Mēēti ākōō Eelaami. Pkoonēē :walak Mēsōpōtaamnya, Chuuteeya ākōō Kapatookya, Pōōntō ākōō Eesya. 10 Pō :walak Puruukya ākōō Pampulya. Walak ku pō Miisiri ākōō komooswook chēpō kōōroo Liipya yoo lēēkitēē Kurēēnō. Kēēpkoonēē walak Rooma, 11 walak nkōō achaan ku kiikunameech keepka Yāwuutik ku walak ku kiikunam ātēpuut chēpō Yāwuutik. Pkoonēē :walak Kirēētē ākōō Areepya. Ākēētēērēy pichu kung'āloolēy nkōō kuutuwayiichooch tukun chēpō kwōng'uut choo kiiku-ir :Iriin.” 12 Āmu kiitang'anychō :pichoochēē akukwōng'yō, kuteep keey kilē, “Ng'uutuuy nee :ng'aleechu?” 13 Kuuchaasta :walak ng'aleechoochēē kumwoorēy kilē, “Kipōōkitiin :pichu.”
Kiyoo kiimwoochi :Pēētērō pichoochēē
14 Kung'eet nyuun :Pēētērō nyoo kiimii nkōō *kooyooytooyiik choo kii lēē taman nkōō ākoong'o akung'āloolchi piich choo kiikiiruruuchi keey yoonēē nkōō kuut nyoo tōrōōr kilē, “Yāwuutichooch, ākōō akwaan tōkōl choo ātēpiisōōt Chēērusālēēm, āyāpchii iit ng'aleechu āmwoorwook ku karaam. 15 Māpōōkityootēēn :pichu kilēē wōloo āpkootitooy. Tāku saayit sōmōk nyēpō koorōōn nyoo mēērookēē kaakupōōkit :chiich. 16 Mālēē nyoonēē. Kii kiyēēnyi nyoo kiing'āloolēē :ōōrkooyoontoo Iriin Chōōyil paani kiimwoorēy kilē,
17 ‘Mwoorēy :Iriin kilē:
Nkōō pērēētuusyēk chēpō lēt
ku ātēnii Toomirmiiryēēnyuun piich tōkōl
akung'ālooltoowoon :kuukotiinēkwook.
Āng'oonchinii murēnikwook kuuro ng'oong'uut,
ākoong'uuti pooyikwook ng'al nkōō ruchiinēt.
18 Nkōō pērēētuusyēchoochēē,
ātēnii Toomirmiiryēēnyuun mpō kipāyitiinēchuuch,
murēn ākōō chēēpyōōsōōy
sikung'ālooltoowoon.
19 Ā-irēy tukun chēpō kwōng'uut
kutooku nkōō parak ākōō ng'wēny.
Pkoonēy :kērēti,
akuchō :mā ākōō iirēt.
20 Wālēē :asiis kilēku tuurin
akuwālēē :araawa kilēku kērēti
kitoomō ku-itu :pērēētuu nyoo tookuunoot nyoo chōōnēy :Kiptaayaan.
21 Aku :chiich aka tōkōl nyoo riirchinii Iriin /kēēsāruuy sopoontanyiin.’† ”
22 Kitas taay :Pēētērō kumwa kilē, “Pichu pō *Israayeel, āyāpchii iit ng'aleechu: Yēēsu nyēpō Naasareet ku chiich nyoo kiing'uutunēē :Iriin ng'al chēpō kwōng'uut nkōō wōloo āmiikwaan kilēē paani ānkēt āmu ki-iriisyō ng'aleechu nkōō wōloo āmii. 23 Kiikōōnook :Iriin chiichi nkōō oor nyoo kiikiikusat. Anam :akwaan ākōō piich choo mēēnkēt Iriina akaakeet āpārchi kimurtooyoon. 24 Kung'eeta nyuun :Iriin meerat si nēē ng'at kuutyaayta nkōō nyaril aka tōkōl, kilēē paani kimēēmuukēy meerat kurat inyeentee. 25 Kiimwooru :Tāwuti akipō inyeentee kilē,
‘Ānkēt kilē mii :Iriin nkōō aneen saayit aka tōkōl.
Miito :Iriin ēēruunyuun pō taay, māmii :kir nyuun nyoo iimoon.
26 Paypay :moonyuun
akupāypāyō :ng'aleechuuch.
Kēēmuung' :pōōrtanyuun
kuukēn kiyoo irwoon :Iriin.
27 Āmu mēēmētinii pōōrtanyuun wōlpō choo kiikumēērō,
aku mēēmētooy kununchi nyoong'uung' nyoo tiliil kēpēn.
28 Kēēng'uutwoon oor nyēpō sopoon,
akiiwēēnyiriitoon pāypooyō nkōō taayuung'uung'.’†
29 Choo kituupchō, akanya āmwoorwook toosōwu kukaraam akipō kuukonyoon :Tāwuti. Kiima :Tāwuti /ākēētup, ākēēnkēt mpō ākōy paannyēēnyi yi /kiikutupchi. 30 Kii ng'ālooltooyiin nyēpō Iriin :Tāwuti aku kiinkēt :inyeentee kiyoo kiikiikuuyoomiis :Iriin. Kiikiikumwoochi :Iriin Tāwuti kilē irēy chiich ākoong'o nyēpō kō pō :Tāwuti kuchō kilēku pāytooyiin nyoo ōōw. 31 Kuuro :Tāwuti kiyoo kiiwō ku-irēy :Iriin kitoomō ku-ira. Kung'alaal nyuun akipō ng'eeteetaa meerat nyēpō *Meesaaya. Kumwa kilē, ‘/Mākumētinii wōlpō :choo kiikuurook, amānunēy :pōōrtanyiin.’
32 Kaakuung'eeta :Iriin Yēēsu nyēēnyi meerat akaakeeroo tōkōl ng'aleechu pō man. 33 Mii paannyēēnyi kutēpēē kamas pō taay nyēpō Iriin, akaakunyōōru Toomirmiir nyoo Tiliil kilēē paani kiiyoomiis :Iriin. Kunyuun, kiyoo ārōōtēy ākootēērēy paannyēēnyi, ku Toomirmiiryoonoonēē kaakukōōnēēch :Yēēsu. 34 Maawō :Tāwuti inyeentee kipsēnkwēt. Aku kiimwa nyuun kilē,
‘Kiimwoochi :Kiptaayaan Kiptaayaanteenyuun kilē:
Tēpēē ēēruunyuun pō taay,
35 ākōy pērēētuu nyoo koopēluun puunikuuk.’† ”
36 Kitas taay :Pēētērō kimwa kilē, “Kaykay kusōwu piich chēpō *Israayeel tōkōl kilē Yēēsu nyēēnyi nyi kyaakarkaat :akwaan nkōō kimurtooyoon nyi kii-ir :Iriin kilēku Kiptaayaan akilēku *Meesaaya.”
37 Paani kateer :piich ng'aleechoochēē kiimwoorēy :Pēētērō, kuuring' mukuuliiriikwaak, akung'woonchi. Kimwoochi :pichoochēē Pēētērō ākōō *kooyooytooyiik chuuchō walak kilē, “Choo kituupchō, ara ki-ir nee?” 38 Kuwālchi :Pēētērō pichoochēē kilē, “Āwāliisyēē /akeepaatiisan chiich aka tōkōl kupoyiit Yēēsu *Kiriistō /sikēēnyōōwook kaat ng'ōōkikwook ākoonyōōru Toomirmiir nyoo Tiliil. 39 Kiyoonēē nyoo kiiyoomiisook Iriin ākōō laakōōkwook, ākōō mpō akwaaneek walak choo lōōwēēn choo kuurēy :Iriin.”
40 Nkōō ng'aleechwēēchu ākōō walak chaa chaang', kitas taay :Pēētērō kuriirchi akwaaneek kumwoochinii kilē, “Āsāruu keey akaapkaanee kwēēnuu piich choo kiikuchuunnyō.” 41 /Kiikiipaatiisan piich choo kiicham ng'alēēpō Pēētērō. Kitāsu keey pērēētuunoonēē :piich walak choo itēy ēlup sōmōk kuuran Iriin. 42 Kiikōōnu keey :pichoochēē kuriip koonēētiisyēē nyēpō *kooyooytooyiik. Kutēpi :tōkōl kuutoorētēy keey, ku-āmiisyēyb akusooyēy tōkōl.
Ātēp nyēpō piipō Kiriistō
43 Kii-ir *:kāāyooytooyiik ng'al chaa chaang' chēpō kwōng'uut choo kii-ir piich tōkōl kuuwāriisyō. 44 Kitas taay :piich chēpō *Kiriistō kutēpi tōkōl nkōō oor ākoong'o akuramta tukuukwaak tōkōl. 45 Kyooltooy :tukuukwaak akichārchi piich choo māting'ēy :tukun. 46 Kiipēētii :pichoochēē kipa kusooyēy nkōō piriiruu *Kōpō Iriin pērēētuu aka tōkōl. Aku kyoomiisyēy tōkōl nkōō kooriikwaak nkōō pāypooyō ākōō koonyit. 47 Kiiloosuuy Iriin akupāypāchinii piich tōkōl. Kiitāsinii :Iriin akwaaneek piich walak choo kiimii /kēēsāruuy nkōō pērēētuu aka tōkōl.