Pāyuuy :Yēēsu pērēētuu Sapaato
Mataayo 12:1-8; Maarkō 2:23-28
6
1 Nēē mii pērēētuu *Sapaato, kupuntoorō :mpō Yēēsu araa paraa nkaanu. Paani mii kupēētii araa paraanoonēē, kupaak :kiineetanichiich mēsiisēpō nkaanu, kupiiriir aku-am.2 Nēē mii paani keero *:Parisaayik walak choo kiimii yoonēē, kumwa kilē, “Āmu nee taa-ira kir nyoo tāyēy :ng'ātuut /kee-ir nkōō pērēētuu *Sapaato?”
3 Kuwālchi :Yēēsu kilē, “Toomō asooman kir nyoo kii-ir :Tāwuti kii nēē am :piri inyeentee ākōō piichiich chu kiimii tōkōl? 4 Kiiwō :Tāwuti *Kōpō Iriin /kēētō makatiin choo /kiikuchāmchinii *tisiik ākityōōn ku-am. Kyaam :Tāwuti akuutō mpō piichiich.” 5 Paani keewaang' :Yēēsu kumwoochinii Parisaayiichoochēē kilēē nyoonēē, kumwa kilē, “Pāyuuy *:Wēēroo Chiich pērēētuu *Sapaato.”
Kuusoopiisyēy :Yēēsu mu pērēētuu Sapaato
Mataayo 12:9-14; Maarkō 3:1-6
6 Nēē mii pērēētuu aka nyēpō *Sapaato, kuwō :Yēēsu *sinakōōki aka akuunēētiisyō. Kiimii kōyoonēē :chiich aka nyoo kiirarak :ēēruu taay. 7 Kiimii :mpō *Parisaayik walak yoonēē nkōō koonēēt walak chēpō ng'ātuut. Kiimārēy :pichoochēē kuurō nēē soopiisyēy Yēēsu nkōō pērēētuu *Sapaato, si nēē ng'at kuwas ng'al choo toomchinii /tākēērwoochi.
8 Kiinkēt :Yēēsu kiyoo kiimii kuupkootēy :pichoochēē. Kilēēchi :Yēēsu chiichoonēē kiirarak :ēēru, “Chōōnō ryoong'ēē taay yi.” King'eet :chiichoonēē akuuryoong'ēē yoonēē. 9 Kimii chiichoonēē kuuryoong'ēē yoonēē, kuteep :Yēēsu Parisaayiichoochēē ākōō koonēētiichoochēē pō ng'ātuut kilē, “Chāmēy :ng'ātuut /kee-ira kir nyaa karaam nkōō pērēētuu *Sapaato, ntā kir nyaa ra? /Kēēsāru sopoonpō chiich ntā /keeluluuk?” 10 Kuuro :Yēēsu chiich aka tōkōl nyoo kiimii yoonēē. Nee ng'at, kumwoochi chiichoonēē kiirarak :ēēru kilē, “Chuula ēēruu.” Kuchuul :chiichoonēē. Paani kachuul, kusop :ēēruu.
11 Kii nēē ro :Parisaayiichoochēē nkōō koonēētichoochēē pō ng'ātuut kiyoo ka-ira, kunyāliisyō akutoowu kuwas kir nyoo irchinii Yēēsu.
Kulēwēnēy :Yēēsu kiineetanichiich taman nkōō ārēēny
Mataayo 10:1-4; Maarkō 3:13-19
12 Nēē mii pērēētuu aka, kuwō :Yēēsu ākōy tulwēē aka kuwō kusa Iriin. Kisa Iriin nkōō wōloonēē ākōy kuyyeech.
13 Kii nēē yyeech :kōōrēē, kukuur :Yēēsu kiineetanichiich akulēwēn choo lēē taman nkōō ārēēny akukuurō *kooyooytooyiik.
14 Kāāyooytooyiichoochēē kiikulēwēn ku chu: Siimnyōn (nyoo kiitē :Yēēsu kaarinee aka kilē Pēētērō) ākōō wēēriing'waang' Antereeya, Chēēmis, Chowaana, Pilip ākōō Partolomeeya. 15 Walak ku: Mataayo, Toomaas, Chēēmis wēēroo Alpaayō, Siimnyōn nyoo nyakanaat, 16 Chuutaasa wēēroo Chēēmis ākōō Chuutaas Iskaryoot nyoo kiichō ku-alta Yēēsu.
Kuusoopēy :Yēēsu piich chaa chaang'
17 Kii nēē waang' :Yēēsu kulēwēnēy kiineetanichoochēē nkōō tulwoonoonēē, kuwaraka kurēytō wōloo riprip. Kiimii nkōō tuup chaa chaang', kiipkoonchi :piich chaa chaang' choo kipkoonēē Chēērusālēēm nkōō kōōroo Chuuteeya tōkōl. Kiipkoonēē mpō walak tapan nyēpō araaraypō kōōroo Tiirō ākōō Siitōn. Kiipkoonēy :pichoochēē takuteer kiyoo kiinēētēy :Yēēsu akiimārēy mpō kilē /kēēsoop. 18 Kimii mpō :walak choo kiiting'ēy *toomirmiirēy chaa raacheen. Kuusoop :Yēēsu akwaaneek. 19 Kiimārēy :pichoochēē tōkōl kilē kutiing' Yēēsu, āmu kiiting'ēy :Yēēsu kaamuuka nyoo kii nēē tiing' :chiich, kusop.
Pāypooyō ākōō nyaril
20 Nēē mii lētuun, kuuro :Yēēsu kiineetanichiich akilē,
“Āpēēruuroot akwaan choo āmoong'uuy Iriin,
āmu nyoong'woong' Pāyuunātoo kaa Iriin.
21 Āpēēruuroot akwaan choo āmook :piri paannyēēnyi,
āmu ānyōōruuy kiyoo āmārēy.
Āpēēruuroot akwaan choo āriirsōōt paannyēēnyi,
āmu āpāypāyiituuy.
22 Āpēēruuroot :akwaan nēē sasaak :piich walak akutayaak, akumuulook akung'am kaariikwook,
akipō *Wēēroo Chiich.
23 Nēē ku-irwaak kilēē nyoonēē, arokoony ākoopāypāyiitu āmu mii :mālāk nyoo ōōw nyoo kiikuusiintoowook :Iriin nkōō kipsēnkwēt. Kii-irchi mpō paapatiinakwaak *ōōrkooy chēpō Iriin chēpō kēny kilēē nyoonēē.
24 Ōchēy akwaan choo ālēē mōkōrō paannyēēnyi,
āmu roochinii :pāypooyēēng'woong' ng'wēny.
25 Ōchēy akwaan choo āpkootēy kilē kiting'ēy tukun tōkōl,
āmu pētyēyii tukuuchoochēē lētuun.
Ōchēy akwaan choo āpāypāyō paannyēēnyi,
āmu āriirsōōt lētuun.
26 Ōchēy akwaan nēē looswook :piich tōkōl.
Nku kiiloosu mpō :paapatiinakwaak *ōōrkooy chēpō ng'uurnan kēny kilēē nyoonēē.”
Icham puunyoontēēng'uung' ameeraayta mukētuut
27 Kitas taay :Yēēsu kumwoochi kiineetanichiich kilē, “Koomwoorwook akwaan choo ātēēroon kilē acham puunikwook. Ā-irchii piich choo sāsook tukun choo kāroomēēn. 28 Āsooyēy Iriin kuupēēruur choo pānook ākoosoochinii mpō choo irwook ng'al chaa raacheen. 29 Nēē rapaakin :chiich mataany, iwārāchi nyiino aka kuurapaak. Nēē mar :chiich sireeng'uung' nyēpō saang', ikany ku-āp mpō nyēpō wōlipoor. 30 Tēē chiich aka tōkōl nyoo kāsoomin. Aku nēē āpēēniin :chiich kiing'uung', ku mēēmwoochi kuu-ōōkuun. 31 Ā-irchii piich kilēē wōloo āmārtooy /kēē-irwaak.
32 Nēē āchāmēēkwaan kipaat piich choo chāmook oo, ku nee nyoo karaam nkōō nyoonēē? Nku chāmēy mpō :kipng'ōōkiis piich choo chāmēy akwaaneek.
33 Ku nēē ā-irchi piich kir nyaa karaam āmu ka-irwaak nyaa karaam kipaat oo, ku nee nyoo karaam nkōō nyoonēē? Nku irēy mpō :kipng'ōōkiis kilēē nyoonēē.
34 Nēē āpēsēēnchi piich rōōpiyō choo āpkootēy kipaat kilē ōōkwook oo, pāypāychinii Iriin paani kaa-ir :akwaan kilēē nyoonēē? Nku pēsēēnchinii mpō :kipng'ōōkiis kipng'ōōkiis walak āmu pkootēy kilē kuu-ōōchinii rōōpiyeekwaak tōkōl.
35 Koomwoorwook man kilē, acham puunikwook ākoo-irchi ng'al choo kāroomēēn. Ātoorētō amaakany kurookwook pichoochēē tukuukwook. Nēē a-ir kilēē nyoonēē, ānyōōruuy pēēruur nyoo ōōw nyoo chōōnēē wōloo mii Iriin ākoolēku laakōōpō Iriin nyoo Tōrōōr. Kulēē nyuun nyoonēē āmu irchinii :Iriin piich tukun choo kāroomēēn mpō choo māpaypachinii kiyoo /kaakēē-irchi ākōō kipng'ōōkiis. 36 Ariiree piich kilēē wōloo riirēē :Paapēēng'woong'.
Amaang'alaalee piich nyaa ra
37 Amaang'alaalee chiich nyaa ra, /tāmākung'alaaleenaak. Āmoorwoochi chiich, /tāmākuurwookwook. Ānyōōchii piich kaat /tākēēnyōōwook. 38 Ātētēē nkōō moo nyoo rēēl /tākēēkōōnook /ākēētāswook mpō walak chaa chaang' kutuung'irta. Āmu choo tēēnō choo kootētō, /kēēkōōnook.”
39 Kimwoochi :Yēēsu pichoochēē kārkēēyin kilē, “Mēēmuukēy :kipkoroot kuurēētō kipkoroot, Nēērēētō keey kuchinchinii :tōkōl kēpēn. 40 Moomii :kiineetana nyoo ōōw kusiir koonēētiinteenyiin, aku nēē waang' nyuun koonēētuutēchiich kukarkeeyiit nkōō koonēētiinteenyiin.”
41 “Āmu nee teeroo uutēnwō nyoo mii koontaa wēēriing'woong' ameeroo kuntul nyoo mii koontong'uung'? 42 Muukēē kilē nee imwoochi wēēriing'woong' kilē, ‘Tuupchēēnyuun, kanya āmooluun uutēnwō nyoo mii koontong'uung'’ amēērōōsēy kuntul nyoo mii koontong'uung'? Ng'uuriintooni, mooluu kupōk kuntulyooni mii koontong'uung' si nēē ng'at imuuk iroo ku karaam uutēnwooni mii koontaa wēēriing'woong'.”
Ng'uutuuy keey ātēpoo chiich mu tukun choo irēy
43 Kimwoochi :Yēēsu pichoochēē kilē, “Moomii :keet nyaa karaam nyoo nāmēy lokor chaa raacheen, aku moomii :keet nyaa ra nyoo nāmēy lokor choo kāroomēēn. 44 /Kisōwuunēē keet aka tōkōl lokoreechiich. Mānāmēy :katooyi maakany aku mānāmēy :seesya siimaat. 45 Irēy :chiich nyaa karaam tukun choo kāroomēēn choo pkoonēē moonyiin, ku-ir :chiich nyaa ra tukun chaa raacheen choo pkoonēē moonyiin. Āmu ng'al tōkōl choo ting'ēy :chiich nkōō moonyiin, kumwoorunēē kuutiinyiin.”
Tuupiipō Yēēsu chēpō man
46 Kitas taay :Yēēsu kumwa kilē, “Āmu nee sookuuroon kilē, ‘Kiptaayaan, Kiptaayaan,’ āmoo-irēy kilēē paani āmwoorwook? 47 Chiich aka tōkōl nyoo kāchō wōloo āmii, akuteer ng'aleechuuch akutuup, 48 ku karkeey :chiichoonēē ākōō chiich nyoo kiipal kipēr akutēēchi koonyiin raat im. Kii nēē rōōpēn kōōrēē, akunyir ēēnwēy, kuwiir pēr kōyoonēē, kimaakumuuk nyuun kuutimtiim kōyoonēē, āmu /kiikiteek mu oor nyaa karaam. 49 Chiich aka tōkōl nyoo tēērēy ng'aleechu amatuup, ku karkeey nkōō chiich nyoo tēēchinii koonyiin kipēr nyoo makiiloot. Ku nēē nyir :ēēnwēy kuupiista :pēr, kuruulō kōyoonēē nyēpō kwōng'uut!”