Ting'ēy :Yēēsu kaamuuka kunyōōchi piich kaat
2
1 Nēē mii pērēētuu aka, kuureer :Yēēsu Kaaparnaam. Nyoo matyaan, kuteer :piich kilē mii kaaw. 2 Kipka :piich chaa chaang' akuurumchi keey kō ākōy ku-it saang' kuti moomii wōloo puntoorēē :chiich nkōō kurkat. Kwoomchi :Yēēsu pichoochēē ng'ālyoontoo Iriin. 3 Kutāku-āmchinii :Yēēsu piich lōkōōyichoochēē, kuumuti :piich choo lēē ang'wan chiich nyoo kiimeertaaraat pōōr kuusoop. 4 Āmu kiichaang' :piich ku maanyōōru :pichoochēē pārooyin kupa wōloo mii :Yēēsu. Kulaang' nyuun koot kēsyēp akupilpil yoo kiitāng'ēy yoo kiimii :Yēēsu.a Kuurēēytēērēē chiichoonēē kiptaraancha ākōy yi kiimii :Yēēsu. 5 Kii nēē ro :Yēēsu kilē kiiran :pichoochēē inyeentee, kumwoochi chiichoonēē kiimeertaaraat pōōr kilē, “Wēēriinyuun, /kaakēēnyōōwuun kaat ng'ōōkiikuuk.” 6 Kiimii yoonēē :koonēēt walak chēpō ng'ātuut. Kukit kilē, 7 “Āmu nee sikung'āloolēy :chiichi kilēē nyi? Kā-āp keey im kilēē yoo Iriin inyeentee sōō? Ng'oo :nyoo muukēy kunyōōchi piich kaat ng'ōōkikwaak nēē mā Iriin ākityōōn?” 8 Nkōō yoonēē, kusōwu :Yēēsu nkōō toomirmiiryēēnyiin kiyoo kiimii kuupkootēy :koonēētichoochēē, akumwoochi kilē, “Āmu nee saapkaata tukun choo lēē choochēē? 9 Kuskus /kēēmwoochi chiichi mnyoonēy kilē, ‘/Kaakēēnyōōwuun kaat ng'ōōkikuuk’ ntā /keemwa kilē, ‘Ng'eeta, āpō kiptaraancheeng'uung' akiiwō’? 10 Āng'uutwook nyuun kilē ting'ēy *:Wēēroo Chiich, kaamuuka mu ng'wēny kunyōōchi piich kaat ng'ōōkikwaak.” 11 Kumwoochi nyuun :Yēēsu chiichoonēē kiimeerta pōōr kilē, “Ng'eeta, āpō kiptaraancheeng'uung', akiiwēēchi keey kaaw.” 12 Kung'eet :chiichoonēē kilē weel, ku-āp kiptaraancheenyiin, akuwēēchi keey, kuurōōtēy :piich tōkōl. Kiikwōng'yō :piich tōkōl akuuloosu Iriin kumwoorēy kilē, “Kitoomō keero tukun choo lēē chu.”Kiicham :Yēēsu piich choo /kiikusāsēy
13 Kuwō :Yēēsu kimanaateera tapan nyēpō araaray pō Kalilaaya. Kiirumchi keey :piich chaa chaang' wōli kiimii :inyeentee. Kuuneet :Yēēsu pichoochēē ng'ālyoontoo Iriin. 14 Kimii kuwēētiiy :Yēēsu, kuuro chiich nyoo kiimii kutēpēē koot aka nyoo kii kukwārēē *kōōti. /Kiikikuurēē chiichoonēē Laawi wēēroo Alpaayō.b Kumwoochi :Yēēsu chiichoonēē kilē, “Tuupaan.” Kung'eet :Laawi akutuup Yēēsu. 15 Kii nēē mii :Yēēsu ākōō kiineetanichiich ku-āmiisyēy mu kaa Laawi, ku kiitēpiisōōt :piich chaa chaang' choo kiikwārēy *kōōti ākōō kipng'ōōkiis kipootō Yēēsu ākōō kiineetanichiich, āmu kiikatuup :piich chaa chaang' Yēēsu. 16 Kii nēē ro *:Parisaayik walak choo kiilēē koonēēt chēpō ng'ātuut kilē mii :Yēēsu ku-āmiisyēy nkōō :kwāriipō *kōōti ākōō kipng'ōōkiis, kuteepee kiineetanichiich kilē, “Āmu nee siku-āmiisyēy :chiichi ākōō kwāriipō *kōōti kipootō kipng'ōōkiis?” 17 Kii nēē teer :Yēēsu kilēē nyoonēē, kuwālchi kilē, “Wāsootēy :piich choo mnyoonchootēēn cheepsaakityaan. Māwāsootēy :choo kāroomō pōōrwēy. Kyoochōōn akuur kipng'ōōkiis, amēēlē chēpō man.”
Koonēētiisyō nyoo rēēl nyēpō Yēēsu
18 Nkōō pērēētuusyēchoochēē, kiimii :pērēētuusyēk choo kiirukuut keey :kiineetanipō Chowaana Koopootiisāniin ākōō *Parisaayiik. Kupkoonchi :piich Yēēsu akuteepee kilē, “Āmu nee sikuurukuutēy keey :kiineetanipō Chowaana ākōō chēpō *Parisaay kumēērukuutēy keey :kiineetanikuuk?” 19 Kuwālchi :Yēēsu kilē, “Mēērukuutēy keey :choorwaayiipō saantaa laakwa kitakumii ākōō saanteetaa laakwa. 20 Itēy :pērēētuu nyoo ku-āpēy santeetaa laakwa kurukuutyō nyuun :choorwayiichiich.” 21 Kumwoochi :Yēēsu kilē, “Moomii :chiich nyoo rārēy sira nyoo rēēl akiraakee siree nyoo kiikuroosiit. Nēē ir kilēē nyoonēē kupoolēy rookēywoontēē siree kirayiit kitya. 22 /Mākuroonchinii *tiipaay choo /kātākēēryākēy tokol nyoo kiikuroosiit. Nēē /ku-ir kilēē nyoonēē, kuryēēy :tokoltō akuraanta keey *:tiipaayiik. /Kuroonchinii *tiipaay choo /kātākēēryākēy tokol nyoo rēēl.”
Pāyuuy :Yēēsu pērēētuu Sapaato
23 Nēē mii pērēētuu aka nyēpō *Sapaato, kupuntoorō :mpō Yēēsu paraa nkaanu. Paani mii kupēētii, ku-am :piri kiineetanichiich. Kutoowu kupaak mēsiisēpō nkaanu aku-am. 24 Paani keero *:Parisaay ku-irēy kilēē nyoonēē, kumwoochi Yēēsu kilē, “Roo kee, āmu nee taku-irēy :kiineetanikuuk kir nyoo tāyēy :ng'ātuut /kee-ir mu pērēētuu *Sapaato?” 25 Kuwālchi :Yēēsu kilē, “Toomō asooman kir nyoo kii-ir :Tāwuti kii nēē am :piri inyeentee ākōō piichiich chu kiimii tōkōl? 26 Kiiwō :Tāwuti *Kōpō Iriin akunyōōru *Tisiintēē aka nyoo Ōōw nyoo /kiikikuurēē Apiyaatar. Kisoom :Tāwuti /kēētē makatiin. Kuutē *:tisiintoonoonēē makatiin choo kiikuchāmchinii *:tisiik ākityōōn ku-am. Kwaam :Tāwuti akuutō mpō piichiich.” 27 Kumwoochi nyuun :Yēēsu pichoochēē kilē, “/Kiiku-irēy *Sapaato akipō chiich, /amaaki-ir chiich akipō *Sapaato. 28 Kunyuun, pāyuy *:Wēēroo Chiich pērēētuu *Sapaato.”