<<    <     Mataayo     20     >    >> 
Kārkēēyin nyēpō kipāyitiin mu paraa sapiipuun
20
1 Kitas taay :Yēēsu kumwa kilē, “Lēē nyi :Pāyuunātoo Kaa Iriin. Kiimii :chiich aka nyoo kiiting'ēy pareenyiin nyēpō *sapiipuun. Kimusta :chiichoonēē pērēētuu aka koorōōn wō kuwas piich ku-irchi pāyit paraanoonēē. 2 Paani kaakutēērchiinō :chiichoonēē nkōō pichoochēē kuutē rōōpiyō choo yāmēy keey nkōō pāyit nyēpō pērēētēk, kuumut pichoochēē ākōy pareenyiin.
3 Nēē mii saayit sōmōk nyēpō koorōōn, kuwō :chiichoonēē kiipō :par siirō. Nēē it siirō, kunyōōru piich walak choo kiimoomiitō kir nyoo kii-irēy. 4 Kumwoochi :chiichoonēē pichoochēē kilē, ‘Apee pareenyuun akaapa a-ir pāyit sookōōnook rōōpiyō choo yāmēy keey nkōō pāyit nyoo kaa-ir.’ 5 Kupa nyuun :pichoochēē.
Nēē mii saayit lo nyēpō pērēēt nkōō saayit sokool, kuureer kuwō :chiichoonēē siirō kuwas piikō walak. 6 Nēē mii saayit taman nkōō ākoong'o nyēpō kosoliny, kuureer kuu-ooyta keey :chiichoonēē siirō. Kunyōōru piich walak choo kiimii kuuryoong'sōōt. Kuteep kilē, ‘Āmu nee sooryoonchēē āmoomii kir nyoo ā-irēy?’ 7 Kuwālchi :pichoochēē kilē ‘Moomii :chiich nyoo kākōōnēēch pāyit.’ Kumwoochi kilē, ‘Apee nyuun a-ira pāyit nkōō pareenyuun.’ 8 Nēē mii kosoliny, kumwoochi :chiichoonēē kiipō :paraanoonēē chiinyiin nyoo kiiryoonchinii pāyit kilē, ‘Kuuro kipāyitiinēk tōkōl akiitō rōōpiyēēkwaak. Toowunēē chu pō lēt akiitas taay ākōy iwaantaaree chēpō taay.’ 9 Paani ka-itu :kipāyitiinēchoochēē, /kēētoowu /kēētē chu /kiikusirēy saayit taman nkōō ākoong'o. /Kēētē rōōpiyēēkwaak choo kiiyāmēy keey nkōō pāyit nyēpō pērēētēk. 10 Paani kapka :pichu kiisip /keesir, kuupkaat kilē nyōōruuy akwaaneek rōōpiyō chaa chaang' kusiir piikō chuuchō walak. Wōloo nyuun /kēētē akwaaneek rōōpiyō choo tēēnō chēpō piikō chuuchō walak. 11 Paani kanam :pichoochēē rōōpiyēēchoochēē, kutoowu kukwiintoochi chiitaa paree. 12 Kumwoochi :chiitō aka kilē, ‘Nku ka-ir :pichu /kātākēēsirēy pāyit saayit ākoong'o kipaat, ākiikōōnēēch rōōpiyō choo tēēniityō aku kaku-ir pāyit pērēēt kuumān?’
13 Kuwālchi :chiitaa paree chiichoonēē kilē, ‘Choorweenyuun, amēēlē kaalisiin! Maakutēērchiinēē kilē ākōōniin rōōpiyō choo yāmēy keey nkōō pāyit nyēpō pērēētēk? 14 Nama nyuun rōōpiyēēkuuk akiiwēēchi keey. Āmāraa ātō chiich nyoo /kākusirēy lētuun rōōpiyō choo tēēno chu kookōōniin. 15 Mooting'ēy man a-irta rōōpiyeechuuch wōloo kaa-irta? Keeroo ng'at koong' āmu kārēēliitwoon moo?’ ”
16 Kumwa nyuun :Yēēsu kilē, “Piich chēpō taay kulēkuuy chēpō lēt, ku chēpō lēt kulēkuuy chēpō taay.”
Nyēpō sōmōk kung'āloolēē :Yēēsu meereenyiin ākōō ng'ēētyēēnyiin
17 Paani kiimii :Yēēsu kuwēētii Chēērusālēēm, ku-āp kiineetanichiich taman nkōō ārēēny kupa kamas akumwoochi kilē, 18 “Ateertee kee! Kumii kēēpēētii ākōy Chēērusālēēm, wōloo /pākēēnāmēē *Wēēroo Chiich /ākēētē *tisiik choo ēēchēēn nkōō koonēēt chēpō ng'ātuut choo tilchinii kiirwok /keekeet, 19 akuumuti piich chēpō Rooma :choo pākumuulēy, kupir akupārchi kimurtooyoon. Aku nēē mii pērēētuu nyēpō sōmōk /keeng'eeta meerat.”
Nyoo ōōw mu pāyuunātoo Iriin
20 Nēē mii lētuun, kuchō :cheepyoosoo Sēpētaayo ākōō wēēchiichiich ārēēny akukutung'ō taayuu Yēēsu akusoomsyō. 21 Kuteep :Yēēsu cheepyoosoonoonēē kilē, “Imārēy nee?” Kuwālchi :cheepyoosoonoonēē kilē, “Paani kēēchōōn ipayta, ikany kutēpō :wēēriinyuun aka ēēruung'uung' pō taay kutēpō :aka ēēruung'uung' pō lēt mu pāyuunātēēng'uung'.” 22 Kilēēchi :Yēēsu, “Moonkēt kiyoo āsoomēy. Āmuukēy aree :akwaan kikoompaa nyaril nyoo ārēēy :aneen?” Kuwālchi :pichoochēē Yēēsu kilē, “Kiimuukēy.” 23 Kilēēchi :Yēēsu, “Man, ānyārilsōōt kilēē aneen, wōloo nyuun mooting'aa kaamuuka ālēwēn kilē ng'oo nyoo tēpēē ēēruunyuun pō taay ntā ku lēt, pō pārooyinoonēē piich choo kiikulēwēn :Apoonyuun.”
24 Paani kateer :kiineetanik chuuchō walak lēē taman ng'aleechoochēē, kunyāliisyō akipō murēnchoochēē ārēēny.
25 Kukuur :Yēēsu kiineetanichoochēē tōkōl akumwoochi kilē, “Ānkēt :akwaan kilē mārēy :pāytooy choo mii kōōrooni kung'uuti keey piich kilē akwaaneek choo pāytooy akuting'ēy kaamuuka kusiir chiich aka tōkōl. 26 Mēērookēē nyuun ālēkuu choochēē. Nyoo mārēy kilēku nyoo ōōw nkōō akwaan kilēku kipāyityoon. 27 Ku nyoo mārēy kilēku nyēpō taay, ku mārēy kilēku ōōtwookiintēēng'woong'. 28 Kilēē yi kiimaachō *:Wēēroo Chiich /pākēēpāyiisyēēchi, kiichō kupāyiisyō akuutētō sopoontanyiin sikusopyō :piich chaa chaang'.”
Kuusoopēy :Yēēsu kipkorootiin ārēēny mu Chēērikō
29 Kii nēē mii :Yēēsu nkōō kiineetanichiich kupēērēē Chēērikō, kutuup lēt :piich chaa chaang'. 30 Kiitēpiisōōt aree kamas :piich ārēēny choo kikōryootēēn. Paani kateer kilē kiimii :Yēēsu kusiirtooy, kukuur nkōō kuut nyoo ōōw kilē, “Kiptaayaan, *Wēēroo Tāwuti, riireeneech!” 31 Kukar koong' :piich chaa chaang' kipkorootiinēchoochēē kusiisyō. Wōloo nyuun kitas taay :kipkorootiinachoochēē kukuursyō nkōō kuut nyoo ōōw kilē, “Kiptaayaan, *Wēēroo Tāwuti, riireeneech!” 32 Kuuryoong' nyuun :Yēēsu, kukuur pichoochēē kiikōryootēēn akuteep kilē, “Āmārēy a-irwaak nee?” 33 Kuwālchi :piichoochēē kilē, “Kiptaayaantaani, kumārēy keemarartee.” 34 Kuriira :Yēēsu pichoochēē akutiing' koonyiikwaak. Kumararta :pichoochēē kilē weel akutuup Yēēsu.