ཀོ་ལོ་སི་ལུ་ཡོད་མི་ཆོས་ཚོགས་དེ་ པའུལ་གྱིས་འགོ་བཙུགས་བཙུགསཔ་མེནམ་མ་ཚད་ དུས་ནམ་ཡང་ཆོས་ཚོགས་འདི་ནང་མ་ལྷོད་པས། ཆོས་ཚོགས་འགོ་བཙུགས་ཏེ་ ལུག་རྫིཔ་སྦེ་ བདག་འཛིན་འཐབ་མི་དེ་ ཨེ་པ་ཕརཱས་ཟེར་སླབ་མི་དེ་ཨིན་མས། ཤུལ་ལས་ པའུལ་བཙོན་ཁང་ནང་ཚུད་པའི་སྐབས་ ཨེ་པ་ཕརཱས་ཀྱིས་ ཁོ་འབད་སར་ འཕྱད་པ་འགྱོ་ཞིནམ་ད་ ཨ་ནི་ཆོས་ཚོགས་དང་ འདི་ནང་འཐོན་མི་དཀའ་ངལ་ཚུ་གི་སྐོར་ལས་ ཁོ་ལུ་བཤད་དེ་སླབ་ནུག

དེའི་ཤུལ་ལས་ པའུལ་གྱིས་ ཁོང་ཆ་ཁྱབ་ལུ་ ཡི་གུ་གཅིག་བྲིས་ཏེ་ འདི་ནང་ ཁིརཱིས་དེ་ དཀོན་མཆོག་ངོ་མ་ ལྷ་དང་བཙན་ག་ར་ལས་ མཐོ་ཤོས་ཨིན་ཟེར་སྟོན་ནིའི་ཐུགས་བསམ་བཞེས་ཏེ་ བྲིས་ནུག དེབ་འདི་ནང་ ཁིརཱིས་ཀྱིས་ ང་བཅས་ཀྱི་དོན་ལུ་ ཁྲམ་ཤིང་གུ་ག་ཅི་མཛད་ཅི་ག་ དེ་ལས་ ང་བཅས་ཀྱི་སྡིག་པ་ག་ར་ ཁོ་གིས་བཤགས་པ་བཞེས་པའི་སྐོར་ལས་ པའུལ་གྱིས་བྲིས་ཏེ་ཡོད། ཁིརཱིས་ལས་མེན་མི་ སྒྲིག་ལམ་དང་ལུགས་སྲོལ་ཚུ་ལུ་ གཙོ་བོ་བཏོན་དགོ་ཟེར་ སླབ་མི་ཚུ་གི་མགུ་སྐོར་ནང་ མ་ཚུད་ནིའི་དོན་ལུ་ ཨ་ནི་དེབ་ལྷག་མི་ཚུ་ལུ་ ཉེན་བརྡ་འབདཝ་ཨིན་མས། དེ་ལས་ རང་གི་སྔོན་མ་གི་འབད་བཞག་ངན་པ་ཚུ་ བཀོ་བཞག་དགོཔ་དང་ དཀོན་མཆོག་གི་ངོ་རྟགས་ཡོད་པའི་ མི་ཚེ་དེ་སྟོན་ཏེ་སྡོད་དགོཔ་སྦེ་ གདོང་ལན་འབདཝ་ཨིན་མས། འདི་ནང་ བཟའ་ཚན་ཡོངས་དང་ ཁོང་གི་ཁྱིམ་ནང་གཡོག་རྒྱུག་སྡོད་མི་བྱ་རོགས་ཚུ་ལུ་ཡང་ མཁོ་བའི་སླབ་བྱ་གལ་ཅན་ཚུ་བྲིས་ཏེ་འདུག།