Yùxanà
rè sɛbɛn zhiigira faumaà
Yùxanà sɛbɛɛn kaɔ mòò riì rè
1
1 Mun ɲɛynamoo kur'là bɔɔ̀, nèe mun ne sɛbɛn, è sìn wo Gayusì rà, wo rìi mun ne kɛ̀niunmaà, min bà wo kɛ̀niɔ̀n sààbeen tsɛ. 2 Mun ne kɛ̀niunmaà, mun y'à gaa wo re goo faramaà sapɛ yeè wùbe. Cɛrɛmabe dzii tsyɛunma yè bà ni wo gɔn nɔ̀n, a ci wo xɔn sa cɛrɛma nìi tsuru.Yùxanà shɛɛrɛbe wuu riì bou Gayusì tsɛ
3 Àwà sààben niì ni wo ɲan, tà ko wo jìɛ sààbeen tsɛ nìi tsuru, neema reè swey nàuma, yè nà tɔ̀ shɛɛrɛbe bo, mun taama dzibeu fɔ è bè geren. 4 Taamadzibe pɛn na blà taamadzibe rìi mà mun ne, tɔ̀ rii yɛ m'a myɛ̀n ci mun dzin nèè jìɛ sààbeen shia tsɛ.
5 Mun ne kɛ̀niunmaà, wo goo o goo rìì faa, wo y'à faa vusootsibe ka neema reè kàjaa tsɛ, arì è ko e re tɔnɔnbee sa. 6 È wo ɲan kɛ̀nbààbee shɛɛrɛbe bou ɲɛynamoo kur'là jaa ra. Arì she, è màgoo ni nìi ra e re jìɛ̀ doùn, wo ye dzi è dzwɛ̀ma tɔ̀ ka è kòrò Ŋaablà saɔ ka, tɔ nà wùbe kɔsɔbɛ. 7 È ɲɛn à tsɛ Tsìfaà tsoò rìì kamà, è boo, è to na e tsiì yè gèsɔn pɛn tsi ɲɛyna bɛy reè rè waa. 8 Tà doùn, à wù mùn yeè wɔ twɛy mòdzìn kaatsi rèè rà, gè riì ni à to, mìn dzyèè mìn sààbeen faagoò fa esire.
Dziyotɛrɛfɛsì ko Demetsiriyusì raa shɛɛrɛbee
9 Àwà mun sɛbɛniin fa kau ɲɛynamoo kur'là rè, ŋà Dziyotɛrɛfɛsì rìi yè e baà è jɔ̀ɔ̀ndzin, tɔ̀ na e tsiì ɲe ra waa. 10 Tɔ̀ kamà min wɔ mɔn, mun nà à taa to e faadziɛ rè. À gooma ɲaan giri dè sìan ɲe ra. Tɔ̀ na à boò waa, è sèè kɔn à na naà neema reè ladɔn, nìì reè sàò to ni ye yè è ladɔn à twɛy jɔɔn shuà, è kaa bo ɲɛynamoo kur'là fi.
11 Mun ne kɛ̀niunmaà, maà gooɲaan shɔ̀ùnmìnàn waa, ŋà goowùɔ rìì shɔ̀ùnmìnàn. Mòò riì goowùɔ faa, tɔ Ŋaablà raa, ŋà mòò riì gooɲaan faa, tɔ̀ na Ŋaablà jaɔ̀ waa.
12 Nìi Demetsiriyusì kpɛ̀yn, mòdzian sapɛ tɔ̀ shɛɛrɛbe wuu boò, arì sààbeen. Ɲe sa y'a shɛɛrɛbe wuu boò, wo to y'à tɔ̀ ci ɲe raa shɛɛrɛbee sààben.
Yuxanà rè gooma lataan ko tswɛ̀ɛ