मत्ती 25

इङ्को बेला स्वर्गको सारभिता तेलोङ बेहुलि(दारवाइनिगेलाइ) गेलाइ भाइकाङ जेनावा,ज्याइ ताइ ताइको चेरा चुम्तेङ बेहुला ह्रम्लि हानिहि | 2 नाअ्मि बहुलिगेलाइ चाहि हाइदोङ मागिका (मुर्ख) हिघाहि,कालाउ नालोङ बेहुलि गेलाइ चाहि बुदिृमान हिघाहि | 3 उङ्को नाअ्मि हाइदोङ मागिका(मुर्ख) बेहुलिगेलाइ (दारवाइनिगेलाइ) ताइको चेरा चुम्पुहि कालाउ ताइ दोफा आसा फाल्तु चुइति चाहि माचुम्पुहि | 4 कालाउ नाअ्मि बुदिृमानि बहुलिगेलाइ चाहि ताइ-ताइको चेराता कालाउ इम्बालाइ आसा हेन्जा जोम्पातेङ ताअ्का चुइतिबुङ चुम्पुहि | 5 कालाउ बेहुला (दारा) लोलि एकदम बेलोम्हि, कालाउ झाराङ बहुलिगेलाइ माइतेङ जिम्लि तेङ्हि | 6 कालाउ न्हिसिन्ता आधेमि र्-हिकाइहि,बेहुला लोखोइ वासिहेङ भेतिलि बाहार लोसु | 7 कालाउ झाराङ बेहुलिगेलाइ(दारवाइनिगेलाइ) नाङ्घाहि | इम्बालाइ ताइ-ताइको चेरा तियार पाहि | 8 कालाउ बुद्धि मान्थुका बेहुलिगेलाइ (दारवाइनि) बुदिृहिका बेहुलिगेलाइहेङ (दरवाइनि) दोअ्हि, केलाइहेङ नेलाइको आतुइसा चुइति पिसु हाइपालि पानु केलाइको ता हिका चुइति दोहोइ, कालाउ चेरागेलाइ मि:मि होइ |(मिअ् मिअ्) होइ | 9 'बुदिृमानि बेहुलिगेलाइ जोबाफ पिहि,'माको!हाइपालिदोनु केलाइकोता हिका चुइति नेलाइ झाराङ्को भाअ्सिङ प्रसस्त मापुग्याङ | भरु, नेलाइदोङ ताइमिङको भाअ्सिङ दोकानता हानेतेङ ताइको भाअ्सिङ चुइति चोल्सु, उङ्को रेम्का जेनावा | 10 कालाउ न्हुसो इङ्को नामि हाइदोङ् मागिका (मुर्ख) बेहुलिगेलाइ चुइति चोल्लि हानिहि | जेलाउ इम्बालाइ हानिदोङघाखे, ओदोङ पहर बेहुला लोहि,कालाउ तियार जेङ्का झाराङ बेहुलिगेलाइ बेहुलादोफा बिहुको भातियारता योम्लि हानिहि | कालाउ न्हुसो फिनु गिहि कालाउ ताल्चाबुङ लागाइहि | 11 ''एघुरिङ्ता आरू बेहुलिगेलाइ लोहि |इम्बालाइ दोअ्हि,'प्रभु-प्रभु केलाइहेङ फिनु हिपिसु केलाइ हेङ्बुङ लिता दुल्लि पिसु |' 12 'बेहुला जोबाफ पिहि,का नेलाइहेङ जातिङ्को दोअ्खा, का नेलाइहेङ मनाल्खा| 13 'ओदोङ भाअ्सिङ हेलालाबुङ सतरक जेङ्तेङ हिसु | नेलाइ मागिसुखेना कि द्याङ्को चान हिदोइ दिना,याते हिदोइ पहरता ल्वाङ |'' 14 स्वर्गको सारभि उङ्को द्याङ भाइकाङ हिखे, ज्याइ ताइ सा सो भेनेङ थामे हानिलाउ | ताइको नोकर चाकारियागेलाइहेङ काइतेङ ताइको गोताङ आनेमानेगेलाइ इम्बालाइहेङ जिम्मा पिखे |' 15 हिदोइ चाहि चाकारिया हेथे हाइपालि दोअ्खे दोअ्तेङ ओबालाइको खुबि अनुसार बिचार पाहि | कालाउ वा एमि चाकारियाहेङ ना, तोडा पिहि | भेनेङहेङ न्हे, तोडा पिहि |कालाउ सुमतेङ्हेङ ए तोडा पिहि | कालाउ वा ताइको दामा चाहि | 16 जेदोङ चाकारियाहेङ ना,तोडा पिका हिघाहि वा मार्फा ब्यपार पालि तेङ्हि | वा आरुङ ना तोडा बदेपाहि | 17 न्हे तोडा निङ्काबुङ एन्साङ पाहि | वाबुङ ताइको गोताङ ताका ब्यापारता लगाहि कालाउ न्हे तोडा कामाहि | 18 कालाउ ए तोडा खिनिङ ताका निङ्का चाकारिया हानिहि कालाउ भोनोइता तोतेङ वाङ्खाराका बानाइहि | वाको ताका वा उङ्को धाराता पुराइहि | 19 'हेन्जा समय न्हुसो माझन साभारि घुरिहि | वा नोकर गेलाइहेङ इङ्को ताका गेलाइ इम्बालाइ हाइ-हाइ पाहि दोअ्तेङ हिअ्हि |'' 20 ना तोडा निङ्का चाकारिया ताका चुम्तेङ माझनकोता लोहि | वा दोअ्हि,'माहासाय, ना, कासिहेङ ना तोडा खान्धुरि पातेङ जिम्मा पिकाहिघाखेना |ओदोङ भाअ्सिङ आरु ना तोडा कामाइलि का उङ्को ताका कामता लागाइघा |' 21 'माझन जोबाफ पिहि,''ना रेम्का पाना | ना असल चाकारिया नासिहेङ खान्धुरिपालि द्वाङ | आतुइसा ताका सोना हेन्जा कामाइना | ओदोङ भाअ्सिङ नासिहेङ आरु हेन्जा जिम्माबारि पिलि द्वाङ्का, लोउ का दोफा लेङचासु' 22 'कालाउ न्हे तोडा निङ्का चाकारिया माझनकोता लोहि,वा दोअ्हि,'माहासाय,ना कासिहेङ न्हे तोडा पिका हिघाखेना | इङ्कोहेङ का ब्यापारता लागाइघा कालाउ आरु न्हे तोडा कामाइघा | 23 'माझन जोबाफ पिहि,'ना रेम्काङ पाना | ना,असल चाकारिया हिना,ज्याइहेङ खान्धुरि पालि द्वाङ | आतुइसा ताका सोना हेन्जा कामाइना | ओदोङ भाअ्सिङ का नासिहेङ आरु हेन्जा जिम्माबारि प्याङका लोउ कालाउ का दोफा लेङचासु |'' 24 ''कालाउ न्हुसो ए तोडा निङ्का चाकारिया माझनकोता लोहि | वा दोअ्हि,'माहासाय, का नासिहेङ हेन्जा ठाङ्का द्याङको भाइपा चिनिलि दोअ्घा | चालाइदोङ माथिङसिङ सेका बोझा ल्होपालि खाङ्खेना |'' 25 ओदोङ भाअ्सिङ का हेन्जा थिघा |का नाङ्को ताका भोनोइ लिता म्होतेङ हिघा,ना पिका इङ्को टोपाला इदोइ दोङ |'' 26 'माझन जोबाफ पिहि,'ना दुस्त कालाउ आल्थिका चाकारिया,चालाइ माथिङ्का थामेता सेका ल्होपालि लोका कालाउ चालाइ माविका थामेता सीसा जोम्पालि दोअ्तेङ ना कासिहेङ दोअ्ना,एन्सापानि | 27 ''ना काङ्को ताका बैकता जोम्पालि गोइधाना | का जेलाउ घुरितेङ लोका हिघा इङको बेला गोताङ ताका निङ्लि दोअ्धाङका | कालाउ इङ्को ताकाको ब्याज निङ्लि दोअ्धाङ्का | 28 'ओदोङ भाअ्सिङ माझान आरु हाकारियागेलाइहेङ दोअ्हि, इङ्को चाकारिया सो ताकाको सिपि धिङ्सु कालाउ ज्याइ दोफा तेतोडा हि वासिहेङ दोङ पिसु | 29 ज्याइ दोफा जेथे हेन्जा हि वा आरु हेन्जा निनावा | ज्याइ दोफा हाइबुङ मान्थु,वाको दोफा हिका बुङ वाकोसो धिङप्यावा |' 30 इङ्को काम मालागिका चाकारियाहेङ बाहार कितिकितिकाता उल्लिपापिसु | जेता द्याङगेलाइ दु:ख कालाउ कस्टता तासिङ रेअ्तेङ,जितेङ खारतेङ हि |' 31 'द्याङ्को चान आरुङ ल्वाङ, वा मारफाङ गौरव दोफाङ ल्वाङ | गोताङ स्वर्गदुत गेलाइबुङ वाको दोफाङ ल्वाङ, वा राजा भाइपा सिहासनता बिराजमान जेनावा | 32 वाको आगाता सुमिङ्भारि गोताङ द्याङ्गेलाइ जोम्मावा |कालाउ द्याङ्को चान इङ्को द्याङ्गेलाइहेङ न्हेलोङ भागता खेनावा | इङ्को भेडा मेसा कालाउ आमा मेसागेलाइहेङ भेनेङ-भेनेङ भागता खेनाङ भाइपा ज्यावा | 33 वा भेडा मेसागेलाइहेङ ताइको दामपाहा ताअ्तावा कालाउ आमामेसा गेलाइहेङ ताइको के पाहा ताअ्तावा | 34 राजा ताइको दामपाहा योम्कालाइहेङ द्वावा,''लोसु काङ्को आबा नेलाइहेङ हेन्जा आसिरबाद पिकाहि | लोसु कालाउ परमेस्वर नेलाइको भाअ्सिङ प्रतिग्या पाका सारभिता हिसु | सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि | 35 इङ्को नेलाइको सारभि,हाइपालिदोनु का म्हुतुका बेला नेलाइ कासिहेङ चालि पिका हिघासुना | का चिआम्लि किलाउ नेलाइ कासिहेङ चिआम्लि पिसुना | का एकलाङ कालाउ सा सो मारेम्का जेङतेङ हिलाउ,कालाउ एन्सालाउ नेलाइ कासिहेङ ताइको सा ता स्वागत पासुना | 36 का नाङ्घाङ हिघाखा,कालाउ नेलाइ कासिहेङ लोखोन धावा होङ्लि पिका हिघासुखेना | का मासाधेका हिघाखा,कालाउ नेलाइ कासिहेङ सामाराइका हिघासुखेना | का कैदि हिघाखा,नेलाइ कासिहेङ खाङ्लि लोका हिघासुना | 37 जेलाउ धार्मिक द्याङ्गेलाइ जोबाफ पियाङ,परमप्रभु,केलाइ नासिहेङ हेलाउ ,म्हुतुका हिका तिङ्नाहिरो ? कालाउ हेलाउ केलाइ नासिहेङ उम चालि पिनाहि ? केलाइ नासिहेङ हेलाउ चिआम्लि किका तिङ्नाहि, कालाउ केलाइ आम्लि चि पिनाहि ? 38 केलाइ नासिहेङ हेलाउ ? एकलाङ सा सो मारेम्का जेङ्का तिङ्नाहिरो ?केलाइ हेलाउ नासिहेङ ताइको सा ता चुमानाहि रो ? 39 ना हेलाउ नाङ्घाइ हिघाखेना रो ?केलाइ नासिहेङ लोखोन धावाहेङ होङ्पानाहि हि रो ? केलाइ हेलाउ नासिहेङ मासाधेका तिङ्नाहि रो ? ना ते कैदिदोङ हिका तिङ्नाहि, कालाउ केलाइ नासिहेङ सहायता पालि लोनाहि | 40 ''कालाउ राजा इम्बालाइहेङ जोबाफ प्यावा,का नेलाइहेङ जातिङको दोअ्खा | इता नेलाइ काङ्को इदोइ जामालाइको भाअ्सिङ जे जेथे पाहि ,उङ्को दोङ थुप्रो हि | 41 कालाउ नहुसो ताइको केए -पाहा योम्का द्याङहेङ राजा द्वावा,'का सो दुरे हाने | परमेस्वर लाम्फादोङ नेलाइहेङ दण्ड पिलि निश्चित पाका हि | हानेसु दिनाङ दाल्दालाइतेङ हिका मेता दुल्सु | इङ्को मे दुष्टगेलाइ कालाउ दुतगेलाइको भाअ्सिङ जोलाइका |(मेधोअ्का)| 42 नेलाइ हानेसु,हाइपालिदोनु का म्हितुका हिघाखा,नेलाइ हाइदोङ चालि मापिसुना | का चि आम्लि किका हिघाखा,नेलाइ हाइदोङ लाम्लि मापिसुना | 43 का सासो एकलाङ कालाउ दुरेता हिघाखा,ना कासिहेङ ताइको सा ता माकाइना | का नाङ्घाङ हिघाखा कालाउ कासिहेङ होङ्लिको भाअ्सिङ लोखोन धावा मापिना | का मासाधिका हिघाखा, कालाउ कैदि हिघाखा,नेलाइ काङ्का वास्ता मापासुना | 44 'कालाउ न्हुसो इम्बालाइबुङ जोबाफ पिहि,परमप्रभु ,केलाइ नासिहेङ हेलाउ म्हितुका कालाउ चि आम्लि किका तिङ्नाहि रो? ? केलाइ नासिहेङ हेलाउ एकलाङ हिका कालाउ सा सो दुरे हिका तिङनाहि रो? कालाउ केलाइ नासिहेङ हेलाउ नाङ्घाङ हिका कालाउ मासाधेका तिङ्नाहि रो? कालाउ इदोइ गोताङ तिङ्तेङ केलाइ साहायता मापानाहिरो ? 45 'कालाउ न्हुसो इम्बालाइबुङ जोबाफ पिहि,परमप्रभु ,केलाइ नासिहेङ हेलाउ म्हितुका कालाउ चि आम्लि किका तिङ्नाहि रो? ? केलाइ नासिहेङ हेलाउ एकलाङ हिका कालाउ सा सो दुरे हिका तिङनाहि रो? कालाउ केलाइ नासिहेङ हेलाउ नाङ्घाङ हिका कालाउ मासाधेका तिङ्नाहि रो? कालाउ इदोइ गोताङ तिङ्तेङ केलाइ साहायता मापानाहिरो ? 46 'जेलाउ इम्बालाइ आनन्तको दण्डको भागि जेनावा, कालाउ धार्मिकद्याङगेलाइ अनन्त जिवनता दुल्लावा |''