मत्ती 23

जेलाउ येसु:द्याङ्गेलाइ कालाउ ताइ चात्यागेलाइ दोफा काथापासुहि | येसु:दोअ्हि, 2 'कानुनको सारतिगेलाइ कालाउ फारिसिगेलाइहेङ मोसाको नियमको बिसोयता धिरपालि खाबारा हि | 3 ओदोङ भाअ्सिङ इम्बालाइ धिरपाका काथा पालन पासु; | इम्बालाइ जेसा पाखे एन्सा चाहि मापासु | इम्बालाइ जिवनसैलि भाइपा माजेङ्सु |इम्बालाइ सिकस्याते पिखे,ओबालाइदोङ चाहि मापाखे | 4 द्याङ्गेलाइहेङ पालन पालि मादोका नियमगेलाइ पालन पालि इम्बालाइ आरुहेङ करकाप पाखे | इम्बालाइ चाहि ताइमिङ हिदोइ बुङ नियम पालन पालिबुङ बिचार मापाखे | 5 'इम्बालाइ तिङ्पालिको भाअ्सिङ आइका-आइका | रेमरेम्का काथा पाखे | इम्बालाइ ताइको धर्मसास्तरगेलाइता बिसेस सन्दुक ताखे | इम्बालाइ सन्दुकगेलाइ बार- बारका बनाइखे | कालाउ दोमचाकाइलाउ द्याङगेलाइ तिनाको दोअ्तेङ र्-हिङ र्-हिङ्का धावागेलाइ लगाइखे | 6 इङ्को कानुनको सास्तिरिगेलाइ कालाउ फारिसिगेलाइ उत्सबगेलाइता ,एदम रेमरेमका थामेगेलाइ भारि योमलि भोखे | एन्साङदोङ चाउघारा सा; गेलाइताबुङ मुख्य योमको थामेगेलाइता निङ्लि खाङ्खे | 7 हातेबाजार गेलाइताबुङ इम्बालाइ द्याङ्गेलाइ पाहासो इज्जत निङ्लि बिचार पाखे | कालाउ इम्बालाइ 'गुरु' द्वाको दोतेङ इन्सिका खालको सम्बोधन पाका हिङ्लि मन पाखे |' 8 नेलाइहेङ हासुबुङ गुरुज्यु माद्वाको | नेलाइ झाराङ दादाओनेगेलाइ, कालाउ बाइ ओनेगेलाइ | नेलाइको एलोङ खिनिङ 'गुरुहि |'' 9 कालाउ इदोइ पृथ्विता हासुहेङबुङ आबा दोतेङ सम्भोधन मापासु | नेलाइको एलोङ खिनिङ आबा हि | वा चाहि स्वर्गता हि | 10 कालाउ नेलाइ हासुहेङ ''माझन''मादोसु | नेलाइको एलोङ खिनिङ मालिक ख्रिस्त हि | 11 नेलाइको माझाता हासु झाराङ खान्तेङ माहान हि,वा नेलाइको (सेवक)सामाराइका जेङलि गोयावा | 12 ज्याइ ताइमिङ्हेङ बार्का बानाइखे वा ताइमि नम्रो जेङ्लि गोइखे | 13 'सास्तिगेलाइको कालाउ फारिसिगेलाइको भाअ्सिङ इङ्को ते मारेम्का जेनाङ | नेलाइ दिकालाइ हिसुना ,नेलाइ स्वर्गको सारभिता दुल्लि खाङ्का द्याङ्गेलाइहेङ बुङ फिनु गिपिसुखेना | कालाउ नेलाइ ताइमिङ्दोङ मादुल्सुखेना , कालाउ दुल्लि खाङ्का मन हिका आरूगेलाइहेङ्बुङ बाधा पिसुखेना |'' 14 [''धिक्कार नेलाइहेङ, सास्तिरि कालाउ फारिसिगेलाइ ,दिकालाइ,!हाइपालिदोनु नेलाइ ''राडि''गेलाइको सा चापिसुखेना, कालाउ बेलोम्पा-बेलोम्पा (र्-हिङ्का र-हिङ्का) दोम्चाका भाइपा खिनिङ पासुखेना | ओदोङ भाअ्सिङ आरू खान्तेङ नेलाइ हेन्जा दण्ड निङसुवाना |] 15 'ना सास्तिरिगेलाइ कालाउ फारिसिगेलाइको भाअ्सिङ या मारेम्का जेनावा | नेलाइ चिचा हिसुना !हाइपालिदोनु नेलाइ एमिहेङ ताइको मत्तता चुमालि समुन्द्र कालाउ सारभि-सारभि चारिगिरसुखेना कालाउ वासिङ नेलाइको मतता चुमालि दोतेङ वासिहेङ नेलाइ खान्तेङ दोबर नरकको चान बानाइसुवाना |'' 16 इदोइ सास्तिरिगेलाइ कालाउ फारिसिगेलाइहेङ धिक्कार हि !नेलाइ कान्हा अगुवा हिसुना कालाउबुङ आरुगेलाइहेङ भोसुखेना | नेलाइ दोअ्सुखेना,'एदि थानता (मन्दिर) केरा चानु इङ्को हाइदोङ मानेका मान्थु(अर्थ) | एदि ओदोङ थानता का सोना हासुबुङ साइतेङ केरा चाहे पानि,वा इङ्को केरा चाका पुरा पालि गोइखे | 17 नेलाइ कान्हा हाइदोङमागिका (मुर्खगेलाइ) हिसुना! सोना बारका ना सोनाहेङ पबित्तरो पाका इस्वरको सा बारका ? 18 कालाउ नेलाइ दोअ्सुखेना,'एदि हासुबुङ बेदि साइतेङ केरा चाहे पानु इङ्को हाइबुङ माको | एदि हासुबुङ बेदि हुता को भेटि साइतेङ केरिया चाहे पानि वा ताइको केरा चाकाको रिनि जेनावा |' 19 नेलाइ कान्हा, भेति कि भेतिहेङ पबित्तरो बानाइका बेदि बारका हा ..? 20 ज्याइदोङ भाकल पातेङ बेदिहेङ चालाइखे वादोङ बेदि कालाउ इनता हिका भेति न्हेलोङ आमेने साइतेङ भाकल पाखा | 21 कालाउ ज्याइ प्रतिग्या पालिको भाअ्सिङ थानताहेङ चालाइखे वा थानको कालाउ थानता हिका एमिहेङ साइतेङ किरिया चाका हिखे | 22 ज्याइ स्वर्गको मिङ्ता केरा र्-हुखे वा परमेस्वरको सिहासन कालाउ इङ्को सिहासनता हिका ''हेङ''साइतेङ केरा र्-हुका ह्यावा | 23 'सास्तिरिगेलाइ कालाउ फारिसिगेलाइहेङ धिक्कार | नेलाइ चिचा हिसुना! ताइकोता हिका गोताङ आमेनेको, पुदिना, सुप, कालाउ जिराको दसांसा ए, भाग खिनिङ परमेस्वरहेङ पिसुखेना | नेलाइ रेम्का जेङ्लि दामा तिङ्पालि कालाउ इमान्दार जेङ्लि भाइका ब्यवस्थाको मुख्य काथागेलाइहेङ हेला पासुखेना | नेलाइ इङ्को काथागेलाइबुङ हेला मापासिङ इदोइ कामगेलाइ पालि गोइद्वासुना | 24 नेलाइ कान्हा हिसुना कालाउबुङ आरुहेङ आगुवाइ पालि कोसिस पासुखेना | नेलाइ चाला (भुसुना) चाहि पासिसुखेना कालाउ उटहेङ चाहि निअ्सुखेना,नेलाइ इसिकाङ हिसुना | 25 'सास्तिरिगेलाइ कालाउ नेलाइ फरिसिगेलाइहेङ धिक्कार हि | नेलाइ दिका हिसुना !नेलाइ ताइको थालि कालाउ बाति बाहार खिनिङ झासुखेना | कालाउ लिता चाहि आरुगेलाइहेङ ठगितेङ सेतेङ चुमाका आनेमाने नेलाइदोङ लेङचापालि आनेमानेगेलाइ होइ भरिका हिखे | 26 ओइ कान्हा फारिसिगेलाइ लाम्फा बातिको लिता मुन्झितेङ झासु,कालाउ इङ्कोहेङ आइथि मापासु | कालाउ कि बातिको बाहार भागबुङ चोखो जेनावा | 27 'ब्यबस्थाको सास्तिरिगेलाइ कालाउ फारिसिगेलाइहेङ धिक्कार !नेलाइ दिका हिसुना | नेलाइ चुना तेका तोमगेलाइ भाइका हिसुना,ज्याइहेङ बाहार सो सुन्दुर तिङ्खे | कालाउ लिता चाहि सिका द्याङगेलाइको हारागेलाइ हिखे | 28 नेलाइबुङ इन्सिकाङ | बाहारसो नेलाइहेङ रेम्काङ तिङ्खे | कालाउ लिता चाहि नेलाइ धाताइका कालाउ दिका (चिचा) सो पोङ्घातेङ हिसुना | 29 'सास्तिरिगेलाइ कालाउ फारिसिगेलाइहेङ धिक्कार ! नेलाइ दिका हिसुना | लाम्फाको अगमबक्ता गेलाइको भाअ्सिङ नेलाइ तोम बानाइसुखेना | रेम्का द्याङ्गेलाइको तोम गेलाइ साजाइ सुखेना | 30 'सास्तिरिगेलाइ कालाउ फारिसिगेलाइहेङ धिक्कार ! नेलाइ दिका हिसुना | लाम्फाको अगमबक्ता गेलाइको भाअ्सिङ नेलाइ तोम बानाइसुखेना | रेम्का द्याङ्गेलाइको तोम गेलाइ साजाइ सुखेना |''नेलाइ दोअ्सुखेना,'एदि केलाइ केलाइको आजाइ -आजुगेलाइको(-पुर्खागेलाइ) समयता हिनुते ,इङ्को अगमबक्ता गेलाइहेङ केलाइ से:लि केलाइ ओबालाइहेङ मासाघाइधाङ |'' 31 एसापा अगमबक्ता गेलाइहेङ से:का सान्तान केलाइदोङ दोअ्तेङ सुइकार नेलाइ ताइमिङ पिसुखेना |'' 32 ओदोङ भाअ्सिङ हानेसु कालाउ ताइको आजाइ -आजुगेलाइ सुरु पाका पापको कर्म पुरा पासु |'' 33 नेलाइ पुय्याँको सान्तानगेलाइ | परमेस्वर सो खालि मादोसुवाना | नेलाइ झाराङ दोसि निङ्सुवाना,कालाउ नरकता हानेसुवाना | 34 ओदोङ भाअ्सिङ का नेलाइहेङ दोअ्खा का नेलाइको भाअ्सिङ अगमबक्ता गेलाइ,बुदि्मान द्याङ्गेलाइ कालाउ सास्तिरिगेलाइ दिङ्गिलप्याङका | इङ्को मध्येसो नेलाइ आधिमिहेङ टोइस्वाना,आधिमिहेङ नाङ्को सभा सा ता द्वालि म्हेसुवाना कालाउ एलोङ सहर भनेङ सहरथेकापा इम्बालाइहेङ गिल्गिल्सवाना | 35 पृथ्विता हिति झोपाका गोताङ धर्मि द्याङको हिति | कालाउ हाबिल भाइका रेम्का द्याङको हितिसो बेरेक्याह्को चान, जकरियाको हिति थेकापा, ज्याइहेङ नेलाइको पबित्तरो थामेता कालाउ बेदिको माझाता सोहि हि उङ्को नेलाइकोङ पुरुङता जेनावा | 36 का नेलाइहेङ जातिङ्को दोअ्खा, इदोइ गोताङ काथा इदोङ पुस्ता हुता आइलागियावा | 37 'हे, यरुसलेम, यरुसलेम ! नेलाइ अगमबक्तागेलाइहेङ सेअ्स्वाना कालाउ नेलाइ कोता दिङ्गिल्का ये: बानाल पाकागेलाइहेङ उन्थुइ टोस्वाना | हेन्जाङ पल्ति नाङ्को द्याङ्गेलाइहेङ का गोराइलि खाङधाखा | जेसाङ कियाको भुन्दी ताइको किचानगेलाइहेङ पाखेना लिता पोम्खे, इन्साङदोङ का नाङ्को द्याङ्गेलाइहेङ गोराइलि भोका हिघा | कालाउबुङ नेलाइ कासिहेङ इन्सापालि मापिसुना | 38 जेलाउ नेलाइको साबुङ उदादाङ्का भाइपाङ बानायावा | 39 हाइपालिदोनु ,एला उप्रनता का, नेलाइहेङ दोअ्खा एला परमप्रभुको मिङ्ता लोका द्याङगेलाइ धन्य हि वासेहेङ स्वागत,मादोअ्पाभरि नेलाइ कासिहेङ मातिङ स्वाना |''