मत्ती 19

इदोइ गोताङ काथागेलाइ हिङ्पालि दोतेङ येसु:गालिल लाअ्तेङ हानिहि | कालाउ यर्दन झोराको ओदोइपारको भेरपाङ हिका यहुदिया थामेभारि वा थुकाहि | 2 हेन्जा द्याङ्गेलाइ येसु:दोफा लोहि | येसु:मासाधेका गेलाइहेङ एल्पा पिहि | 3 आधे फारिसिगेलाइ येसु:कोता वाको जाच पालि लोहि | ओबालाइ येसु:हेङ हिअ्हि,''हाइ हिदोइबुङ निउता हासुबुङ ताइको बेहेङ लाअ्लि दोअ्खे ?''ओबालाइ येसु:गलत काथा दोअ्का भोधाखे | 4 येसु:जोबाफ पिहि,''हाइ नेलाइ धर्मसास्तरता पढेका मान्थुसुना ? जेलाउ परमेस्वर मुमिङ हेङ सिरजाइ हि, ''वा वाजन कालाउ बेजान बानाइहि | 5 कालाउ परमेस्वर दोअ्हि,ओदोङ भाअ्सिङ द्याङ ताइको आबा आमाइहेङ लातेङ ताइ बे दोफा मिलितेङ हिअ्खे | एसाङ इदोइ न्हेमि द्याङ एलोङ जेनावा | 6 एला इङ्को न्हेमि माको,भरु एलोङदोङ जिउ जेनावा | ओदोङ भासिङ परमेस्वर ज्याइहेङ एदोफाङ तेपाका हि | वासिहेङ हासुबुङ द्याङगेलाइ मालापाको | 7 इम्बालाइ येसु:हेङ दोअ्हि,''मोसा हाइपालि बिहुको खाति पोका कालाउ लाअ्का पातारा पितेङ बेहेङ लाअ्पिका आग्या पिहि ? 8 येसु:इम्बालाहेङ दोअ्हि,''नेलाइ को हृद्य ठाङ्का हिनाङ,मोसा बेहेङ लाअ्का अनुमति नेलाइहेङ पिकाहि | कालाउ लाम्फासो चाहि इसिका मान्थुघाखे | 9 का नेलाइहेङ दोअ्खा, ज्याइ कुसुमि बाहेकासो ताइ बेहेङ लोअ्तेङ आरूङ भेनेङ दोफा बिहु पाखे,वा कुसुमि(कासिबेरी) पाखे | कालाउ ज्याइ दोङ लाअ्पिका बेबालहेङ बिहु पाखे,वाबुङ कुसुमि पावा |'' 10 चात्यागेलाइ वासिहेङ दोअ्हि ''के''कालाउ ''बे''को एसाङदोङ जेङ्तेङ हिनु ते,बिहु मापासिङ हिलि रेम्का जेनावा |'' 11 येसु:ओबालाइहेङ जोबाफ पिहि,''गोताङ द्याङगेलाइ या बचन ग्रहन पालि मादोखे,इम्बालाइ खिनिङ पालि दावा ज्याइहेङ इदोइ पिका हि | 12 हाइपालिदोनु आधिमिको जोलोमदोङ नपुसक हिअ्खे | आधिमि चाहि द्याङगेलाइदोङ बानाइका नपुसक हिअ्खे | कालाउ आरूङ आधिमि चाहि ताइ ताइमिदोङ स्वर्गको सारभिको भासिङ नपुसक बानाइखे | ज्याइदोङ एदोइ ग्रहन पालि दोखे,वा इङको ग्रहन पाको |'' 13 जामालगेलाइहेङ येसु:खुर चातेङ दोमचाकाइ प्याको दोअ्तेङ द्याङगेलाइ आतुइकालाइहेङ वाकोता चुमाहि | चात्यागेलाइ चाहि इङ्को द्याङ्गेलाइ चेरहि | 14 कालाउ येसु:दोअ्हि,''जामालगेलाइहेङ का दोफा लोलि पिसु | ओबालाइ हेङ माखोराइसु | हाइपालि दोनु स्वर्गको सारभि चाहि एदोङ इसकाङगेलाइ कोदोङ |'' 15 कालाउ जामालगेलाइको हुता खुर तातेङ वा इन्तासो हानिहि | 16 एमि द्याङ येसु:कोता लोतेङ दोअ्हि,''हे गुरु,का हेलाबुङ मासिका जिबन निङलिको भासिङ(अनन्त जिबन) हाइ रेम्का काम गोइखे ? 17 येसु:वासिहेङ दोअ्हि,रेम्का हाइ इङ्को को बिसोयता ना कासिहेङ हाइपालि हिअ्खेना ? रेम्का ते एलोङ खिनिङ हि | एदि ना जिबनता दुल्लि खाङ्नापानु,आग्यागेलाइ पालन पासु |'' 18 वा येसु:हेङ दोअ्हि ''हिदोइ चाहि कुनु ?''येसु:वासिहेङ दोअ्हि ''ना मासे,ना कासिबिरि मापा,ना माखु,ना धाताइका गवाहि मापि | 19 ताइको आबा आमाइको आदार पासु,कालाउ ताइको देरागेलाइ ताइमिङ भाइपाङ प्रेम पासु |'' 20 इङ्को धाना वाजान येसु:हेङ दोअ्हि,''इदोइ गोताङते का पालन पाका हिका | एलाको दोफा हाइ कमि हिरो ?'' आरू एला का हाइ पालि गोयाङ ? 21 येसु:वासिहेङ दोअ्हि,''ना सिद्द हिलि खाङ्नु, हानितेङ नाङ्को दोफा हिका गोताङ आनेमाने पितेङ गरिबगेलाइहेङ पि,कालाउ स्वर्गको धन निनाना कालाउ लोतेङ काङ्को न्हुलोउ |'' 22 जेलाउ इङ्को धाना वाजान द्याङ इङ्को काथा हिङ्हि,वा हेन्जा दु:खि जेन्तेङ हानेहि | हाइपालिदोनु वाको इस्तुङ धनसम्पति गेलाइ हिघाहि | 23 कालाउ येसु:ताइको चात्यागेलाइ दोअ्हि,''जातिङ्को, का नेलाइहेङ दोअ्खा, स्वर्गको सारभिता धनि द्याङ्गेलाइ दुल्लि गाहो् जेनावा | 24 आरुङ का नेलाइहेङ दोअ्खा, धनि द्याङ्गेलाइ परमेस्वरको सारभि लिता दुल्लि खान्तेङ भरु उँटहेङ बिन्दुको कानापाहासो लिता दुल्लि सुकातावा | 25 इङ्को काथा हिङ्तेङ चात्यागेलाइ मारफाङ भाङ्भाङ्हि कालाउ हिअ्हि,हासु चाहि उदा्र निङ्लि दावा ?'' 26 इम्बालाइहेङ येसु:खान्तेङ दोअ्हि, द्याङ्गेलाइको भाअ्सिङ सम्भब मान्थु, भरु परमेस्वरको भाअसिङ गोताङ काथागेलाइको सम्भव हि |'' 27 कालाउ पतरुस वासिङ दोअ्हि ''हिङ्पि, केलाइते गोताङ आमेगेलाइ लातेङ नाङ्को दोफा लोका हिनाहि | केलाइ चाहि हाइ निनाङ कुनु ?'' 28 येसु:ओबालाइहेङ दोअ्हि,''जातिङ्को का नेलाइहेङ दोअ्खा,नेलाइ हासुबुङ काङ्को दोफा लोकाहिसुना, नेलाइ नावा सिरजाइका | जेलाउ द्याङ्को चान ताइको महिमाको सिहासनता योमावा,जेलाउ नेलाइबुङ तेन्हे कुलहुता हिसुवाना,कालाउ इस्राएलको तेन्हे कुल हुता इन्साफ पासुवाना | 29 हिदोइबुङ द्याङ ज्याइ काङ्को मिङ्को भाअ्सिङ सा,दादा-ओने कालाउ बाइ-बेजान ओने,कालाउ आबा-आमाइ कालाउ चान-चामिन्दि कालाउ मिलिङ लाअ्का हि,वा साइ गुना निनावा, कालाउ हेलाउबुङ मासिका जिवनको खाबारा निनावा | 30 हेन्जा जसो ज्याइ लाम्फा हि न्हुसो जेनावा,कालाउ न्हुसो जेङ्का गेलाइ चाहि लाम्फा जेनावा |''