मत्ती 16

फारिसिगेलाइ कालाउ सदुकिगेलाइ येसु:कोता लोहि | ओबालाइ येसु:हेङ जाचिलि खाङ्घाखे | कालाउ ओबालाइ येसु:हेङ परमेस्वरसो लोका हि दोअ्का प्रमानको भाअ्सिङ लिला तिङ्पालि | दोम्चाका पाहि | 2 येसु:दोअ्हि,''जेलाउ नेलाइ बेला दुब्लि तोम्का तिङ्स्वाना, कालाउ दोअ्स्वाना,बादेल इ:का हि,दिना रेम्काङ जेनाङ |'' 3 कालाउ र्-हिमा नेलाइ दोअ्स्वाना | बादेल दाकिलकिल्का हि,कालाउ इ:का हि,नानि दुमभेर्मा लोवाङ | इदोइ दिनाको सकेतगेलाइ | जेलाउ नेलाइ बादेल खान्तेङ इङ्को सकेत बुझिसुखेना,एलाङ हाइ जेन्दोङ्खे इङ्को नेलाइ बुझिलि गोइखे | एदोइ सकेत या,कालाउ एदोइ सकेतगेलाइको माने नेलाइ मागिसुखेना | 4 मारेम्का काथा दोअ्का कालाउ पापि द्याङगेलाइ चिनाको भाअ्सिङ लिला भोखे | ओबालाइहेङ योनाको चिना खिनिङ कालाउ वा इन्तासो भेनेङ थामे हानिलिको भाअ्सिङ इङको थामे ला:हि | 5 येसु:कालाउ वाको चात्यागेलाइ गालिल समुन्द्रको ओदोइपाइ हानेहि |चात्यागेलाइ ताइदोफा तोले चुम्पुलि निल्हि | 6 येसु:ओबालाइहेङ दोअ्हि,''ताइमिहेङ बान्चिवासु |फारिसिगेलाइ कालाउ सादुकि गेलाइको साउरि चालसो ताइमिहेङ जोगाइसु | 7 चात्यागेलाइ इङ्को काथाको बारेता काथा दोअ्लि तेङ्हि | कालाउ चात्यागेलाइ दोअ्हि,केलाइ ताइमि दोफा तोले चुमाका मान्ठुनाङ येसु:इसिका दोअ्हि दोअ्तेङ ता-ताइमिता काथापालि तेङ्हि | 8 येसु:चात्यागेलाइको इदोइ काथा गितेङ | कालाउ वा ओबालाइहेङ दोअ्हि |''हाइपालि तोलेको बिसोयता नेलाइ काथा पातेङ हिसुखेना ? नेलाइदोअ्फा आतुइसा खिनिङ खान्धुरि हि | 9 नेलाइ हाइपालि एलाउबुङ मागिसुखेना ? माबुझिसुखेना ? नालोङ तोले ना हाजार द्याङगेलाइहेङ चापाघा न्हुसो नेलाइ हेथे दाल्हो ल्होपाका हिघासुना नेलाइहेङ फोम मान्ठु ? 10 कालाउ एसादोङ द्या हाजार द्याङगेलाइ न्हितोङ तोले चाका काथा कालाउ, हेथे दाल्हो नेलाइ जोम्पासुना,नेलाइहेङ थाहा मान्ठु ? 11 का नेलाइहेङ तोलेको बिसोयता दोअ्का माको दोअ्तेङ नेलाइ हाइपालि माबुझिसुखेना ? का नेलाइहेङ फारिसिगेलाइ कालाउ सादुकिगेलाइको साउरिसो थिसु दोअ्खा |'' 12 कालाउ ओबालाइ बुझिहि,वा तोलेको साउरि सो माको,फारिसिगेलाइ कालाउ सादुकिगेलाइ को धिरपाकासो नेलाइ थिसु | 13 जेलाउ येसु:सिजरिया फिलिप्पिको थामेता थुकाहि | वा ताइको चात्यागेलाइ हि:हि,का द्याङको चान | द्याङगेलाइ कासिहेङ हासुको दोअ्खे ?'' 14 चात्यागेलाइ जोबाफ पिहि,आधिमि नासिहेङ बप्तिस्मा पिका यु:हान्ना:दोअ्खे | आधिमि नासिहेङ एलिया दोअ्खे | कालाउ आधिमि नासिहेङ यर्मिया कालाउ हिदोइबुङ अगमबक्तागेलाइसो एमि दोअ्खे | 15 कालाउ येसु:ताइको चात्यागेलाइहेङ दोअ्हि,''नेलाइ चाहि का हासु दोतेङ दोसुखेना कुनु ?'' 16 सिमोन,पतरुस जोबाफ पिहि,ना चाहि ख्रिस्त हिना |''हुसि हिका परमेस्वरको चान |'' 17 येसु:दोअ्हि ''ना धन्यकोहिना,ओइ योनाको चान सिमोन | हिदोइबुङ द्याङ कालाउ जाति नासिहेङ इदोइ धिरपाका माको | स्वर्गता हिका काङको आबा नासिहेङ तिङ पापिका हि | 18 एसाङ का द्वाङ्का,ना पतरुस हिना | कालाउ का काङ्को मन्डलि एदोइ उन्थुइ हुता बानायाङका | काङ्को मण्डलिहेङ राम्पालि सी:का सरबुङ्गेलाइ हाइदोङ पालि मादोवा | 19 का स्वर्गको ताल्चा नेलाइहेङ प्याङका | जेलाउ नेलाइ इदोइ पृथ्विता न्यायको भाअ्सिङ धुइसुवाना कालाउ इङ्को न्याय परमेस्वरको न्याय जेनावा | जेलाउ ना इङ्को पृथ्विता हासुहेङ बुङ माफ प्याना कालाउ इङ्को माफ परमेस्वरको माफ जेनावा |'' 20 कालाउ एन्सालाउ येसु:ताइ चात्यागेलाइहेङ दोअ्हि,हासुहेङबुङ मादोअ्सु इता ख्रिस्त हि दोअ्तेङ थिपाहि | 21 एन्सालाउसोङ एसा येसु:ताइ चात्यागेलाइका यरुसलेम हानिलि गोइका हिघा दोतेङ प्रस्त पापिहि | कालाउ यहुदिगेलाइको धर्मगुरु,कालाउ मुख्य धामिगेलाइ कालाउ ब्यबस्थाका सास्तरिगेलाइ वासिहेङ हेन्साङ दानायावा | येसु:ताइ चात्यागेलाइ दोअ्हि कि वासिहेङ से:लिदोङ गोयाङ | कालाउ सुमनिको दिनाता सिकासो सुन्हुतेङ ल्होकावा | 22 येसु:हेङ एक्लाङ एपाहा चुम्पुतेङ पतरुस हाइपाका , मापाका गोताङ जोखानापालि तेङ्हि,''परमेस्वर नासिहेङ इसिका काथासो बान्चिपावा,एइ परमप्रभु ना हुता इसिका काथागेलाइ माल्वाङ |'' 23 कालाउ येसु:पतरुसभारि घुरितेङ दोअ्हि,ना कासो दुरे हाने, मासान!काङ्को पकस्यता मान्थुना | परमेस्वर सोचेका भाइपा ना मासोचिखेना | ना द्याङगेलाइ सोचेका भाइका खिनिङ | 24 कालाउ येसु:ताइ चात्यागेलाइ दोअ्हि, हासुबुङ कासिहेङ पिताइलि खाङ्नु वा ताइमिहेङ गोइका आमेनेगेलाइ सो इन्कार पालि गोयावा | कालाउ वासिहेङ पिका क्रुस फातेङ कासिहेङ लेसारा पिताइलि वा गोयावा | 25 ज्याइ ताइ | जिउहेङ बान्चिपालि खाङ्खे वा इङ्को मो:पावा,कालाउ जाइ काङ्को भाअ्सिङ जिउ मोपाखे वा निनावा | 26 हिदोइबुङ द्याङ गोताङ सुमिङ्दोङ ताइ -खुरता पाखे,कालाउबुङ जिउचाहि मो:पानु वासिहेङ हाइ फाइदा हि रो ? ताइको जिउ निङ्लि हिदोइ्बुङ द्याङ हाइ पिलि दोअ्खे? 27 ताइ आबाको महिमा दोअ्फाङ द्याङको चान ताइ दुतगेलाइ दोफा ल्वाङ | एन्सालाउ द्याङको चान झाराङ्हेङ ताइ कामको भाअ्सिङ इनामगेलाइ प्यावा | 28 नेलाइहेङ का जातिङको दोअ्खा | आधिमि द्याङ इता जातेङ हि,वा ताइको सि:लि खान्तेङ लाम्फाङ द्याङको चानको सारभि लोका तिनावा |''