मत्ती 15

कालाउ न्हुसो आधेमि फारिसिगेला कालाउ सासतिरितिगेलाइ येसु:कोता हानिहि | ओबालाइ यरुसलेमसो लोका हिघाहि ओबालाइ दोअ्हि , 2 नाङ्को चात्यागेलाइ हाइपालि केलाइको आजाइ-आजुकोगेलाइको (पुर्खा) बानाइका नियमगेलाइ बिगिरपाखे ?चालि खान्तेङ लाम्फा इम्बालाइ खुर माझाखे |'' 3 येसु:ओबालाइहेङ जोबाफ पिहि,''नेलाइबुङ हाइपालि ताइको मुमधुमको भाअ्सिङ परमेस्वरको आग्या बिगिरपासुखेना ? 4 परमेस्वर दोअ्का हि,ताइको आमाइ कालाउ आबाको आदार पा | आरूङ वा दोअ्हि,ज्याइ ताइको आबा कालाउ आमाइगेलाइको अपमान पाखे वासिहेङ से:लि गोइखे 5 नेलाइ ज्याइदोङ काङ्कोसो ना हाइदोङ निङ्लि दोअ्घाखेना इङ्को परमेस्वरहेङ चढाइका हि,दोअ्तेङ ताइको आमाइ आबाहेङ दोअ्सुखेना | वा ओबालाइहेङ आदार पातेङ हिलि मागोयाङ दोअ्का धिरपासुखेना | 6 नेलाइ इङ्को द्याङहेङ ताइको आबाको आदार पालि मागोयाङ दोअ्सुखेना | एसादोङ नेलाइ ताइको नियमको भाअ्सिङ परमेस्वरको आदेसहेङ एपाहा खेङ्सुखेना | 7 नेलाइ दि:कालाइ (चिचा) |यासैया नेलाइको बारेता थिक दोअ्हि | यासैया दोअ्का हिघाहि, 8 इङ्को द्याङगेलाइ कासिहेङ नुइहोइ खिनिङ आदार पानाखे दोअ्खे | कालाउबुङ ओबालाइको हृदय चाहि काङ्कोसो दुरे हि | 9 कासिहेङ अर्पन पाका आराधाना ओबालाइको ब्यर्थ हि | ओबालाइ ताइमिङ बानाइका नियमगेलाइ खिनिङ पालन पालि धिरपाखे | 10 येसु:द्याङगेलाइहेङ ताइदोफा काइहि | कालाउ वा दोअ्हि,''का नेलाइहेङ हाइबुङ दोअ्ताङका | हिङ्सु कालाउ इङ्कोहेङ बुझे | 11 जेदोङ झोकोकाथा नुइलिता दुल्खे,इङ्को द्याङगेलाइहेङ असुद् मापाखे | कालाउबुङ जेदोङ नुइसो बाहार उल्लिखे,इङ्कोहोइदोङ द्याङगेलाइहेङ असुद् बानाइखे | 12 जेलाउ चात्यागेलाइ येसु:कोता लोहि कालाउ वासिङ दोअ्हि,''हाइ नासिहेङ थाहा जेङ्हि नाङ्को दोअ्का काथासो फारिसिगेलाइ चेरतामपाहि दोअ्का थाहा गिना ? 13 येसु:दोअ्हि,''स्वर्गको काङ्को आबा माथिङ्का हिदोइबुङ सिङ उन्हाताङ | 14 फारिसिगेलाइहेङ लापिसु | इम्बालाइ द्याङगेलाइहेङ ठोङ्नुते ठोङ्खे,कालाबुङ इम्बालाइको ठोङ्का चाहि एलोङ कान्हा भेनेङ कान्हाहेङ ठोङ्का भाइका खिनिङ जेङ्खे | कालाउ जेलाउ एलोङ कान्हा भेनेङ कान्हाहेङ ठोङ्खे कालाउ न्हेमिदोङ खाराता वालातावा |'' 15 पतरुस दोअ्हि,''आन्चा ना द्याङगेलाइहेङ दोअ्का काथाको ब्याख्या केलाइहेङ पा:पि |'' 16 येसु:हि;हि,''हाइ नेलाइहेङ्बुङ या काथा बुझिलि इस्तुङ गारो जेङका हि ? 17 नेलाइ या मागिसुखेना कि नुइसो चाका आमेने हामुता थुकाखे | कालाउ न्हुसो जिउसो जेदोङ आमेने बाहार हानिखे | इङ्को काम मालागिका जेङ्खे | 18 नुइ पाहासो उल्लिका जेदोङ्बुङ उत्पना हृदयता हिखे,कालाउ इङ्कोदोङ द्याङ्हेङ असुद बानाइखे | 19 हाइपालिपानु हृदयता इसिका मारेम्का काथागेलाइ लोखे | मारेम्का बिचार,से:का,कासिबिरि, उलुगिल्का,खुअ्का,केरा चाका,धाताइका,कालाउ बोमिको मारेम्का काथा दोगिल्का उल्लिखे | 20 इदोङ काथागेलाइको द्याङहेङ असुद् बनाइखे | भरु खुर माझासिङ चालाउबुङ द्याङहेङ असुद् माबानाइखे | 21 येसु:इङ्को थामे लाअ्तेङ कालाउ टायर कालाउ सिदोनको थामेभारिहानिहि | 22 इङ्को थामेको एलोङ कनानि बेबाल येसु:कोता लोहि | कालाउ वा खारकाताङ दोअ्हि,''परमप्रभु, दाउदको चान,का हुता दायापा | काङ्को चामिन्दिहेङ दुस्त आत्मा धेल्का हि,वासिहेङ भुत सानताइका हि | कालाउ वा एकदम पिडा जेङका हि |'' 23 कालाउबुङ इङ्को बेबालहेङ जोबाफ पिलि येसु:बुङ मादोअ्हि | कालाउ येसु:कोचात्यागेलाइ वा कोता लोतेङ सेउपालि तेङ्हि,''नेउ या बेबालहेङ दिङगिल्पि,या केलाइको लेसारा पिताइतेङ र्-हिइतेङ हि |'' 24 येसु:दोअ्हि,''इस्राएलता राम्का भेडा मेसाको भाअ्सिङ खिनिङ हानिलि दोअ्तेङ परमेस्वर कासिहेङ दिङगिल्हि |'' 25 येसु:कोता इङ्को बेबाल आरूङ लोहि | कालाउ येसु:को आगाता पोम्भेलेतेङ वा दोअ्हि,''प्रभु,कासिहेङ साघाइ पि |'' 26 येसु:जोबाफ पिहि,जामालाइको तोले खियाहेङ पिलि रेम्का जेनाङ रो ?'' 27 इङ्को बेबालदोहि,''प्रभु,खियागेलाइबुङ ताइको माझनको चाङ्चौकि सो लेता हुल्का तोलेको पोङ्न्हाका चाखे |'' 28 कालाउ इन्ता सो येसु:दोअ्हि,''एइ बेबाल | नाङ्कोता बारका खान्धुरि हि | ना हाइ भोखेना का इङ्कोङ पापियाङका |''कालाउ वाको चामिन्दि एल्सालाउ दोङ एल्हि | 29 कालाउ येसु:न्हुसो इङ्को ,थामे लाअ्तेङ गालिल समुन्द्रको काम्भेता हानेहि | कालाउ येसु:तिकारता ताङतेङ इन्ताङ योम्हि | 30 इस्तु,द्याङगेलाइ येसु:कोता लोहि | इङ्को द्याङगेलाइ इस्तुङ मिसा लोतेङ मासाधेकालाइहेङ चुम्तेङ लोहि,कालाउ येसु:को आगाता ताअ्पिहि | लेङग्रा,कान्हा,लाटा,कालाउ बैइरा जेरसो चुम्तेङ चुमाका हिघाहि | येसु:इङ्को झाराङहेङ एल्पापि हि | 31 लाटागेलाइ धुइलि दोअ्का जेङ्हि | मासाधेकालाइ बल्याहि | तेलि मादोकालाइ आरूङ तेलि दोअ्का जेङ्हि | कालाउ कान्हागेलाइ आरूङ तिङ्लि दोअ्का जेङ्हि | इसिका भाङभाङका तिङ्तेङ इङ्को द्याङ्गेलाइ भरबुसाइहि लाम्फा इसिका हेलाबुङ तिङ्का माहिघाखा दोतेङ इस्राएलको परमेस्वरहेङ धन्यवाद पिहि | 32 येसु:ताइ चात्यागेलाइहेङ काइतेङ दोअ्हि,इदोइ द्याङगेलाइहेङ तिङ्तेङ कासिहेङ दाया जेङ्का हि | एला इम्बालाइ कादोफा सुमदिनासोङ हि,कालाउ इम्बालाइ दोफा चाका आम्का हाइदोङ मान्ठु | का ओबालाइ हेङ म्हितुपाङ मादिङगिल्लाङ | साअ् हानिका दामाता ओबालाइ झाका लोङलि दा्वा | '' 33 चात्यागेलाइ येसु:हेङ हि:हि,एदोइ द्याङगेलाइहेङ चापालि एदोइ झोको उम केलाइ हेतासो निङलि दोअ्लि ? केलाइ सहरसो हेन्जा दुरे निन्हाहि |'' 34 येसु:जोबाफ पिहि,''नेलाइ दोअ्फा हेलोङ तोले हि ? ''चात्यागेलाइ जोबाफ पिहि,''केलाइ दोअ्फा न्हिलोङ तोले कालाउ म्हुम्हुइका हाया हि |'' 35 येसु:झाराङहेङ जाभाराता (घासिता) योम्लि दोअ्हि | 36 येसु:न्हिलोङ तोले कालाउ हाया खुरता चुम्तेङ उमको भाअ्सिङ परमेस्वरहेङ धन्यबाद पिहि | कालाउ वा इङको तोले पोङतेङ चात्यागेलाइहेङ पिहि | ओबालाइ द्याङगेलाइहेङ बाराइहि | 37 गोताङ द्याङगेलाइ चाहि,कालाउ घाइहि | कालाउ चात्यागेलाइ चालिमादोका तोलेको पोङ्न्हागेलाइ जोम्पाहि इङ्को न्हि दाल्हि पोङपाहि | 38 इनता आतुइसा दोअ्लाउबुङ द्या हाजार द्याङगेलाइ हिघाहि | इङ्कोता बेबाल कालाउ जामालगेलाइबुङ हिघाहि | 39 जेलाउ इम्बालाइचाहि,येसु:इम्बालाइहेङ ता-ताइ मिको साअ्भारि दिङगिल्हि | कालाउ वा एलोङ नाउता धोल्तेङ मग्दानको थामेभारि हानेहि |