मत्ती 14

एनसालाउ गालिल प्रदेसको सासक हेरोद येसु:को नावाइ हिङहि | 2 हेरोद ताइको भारदार गेलाइहेङ दोअ्हि!,वा बप्तिस्मा पिका युहन्ना:| वा सिकासो सिन्हुकाहि | ओदोङ भाअ्सिङ सारबुङता इदोइ कामगेलाइ वाकोसो जेङतेङ हिका हि |'' 3 हाइपालिदोनु हेरोद ताइको ओने,फिलिपको बे हेरोदियासको भासिङ युहन्ना:हेङ रिम्तेङ कालाउ धेउतेङ झ्यालखानाता हवाका हिघाहि | 4 हाइपालिदोनु यु:हान्ना:हेरोदहेङ एसा दोअ्का हिघाखे | ''ना वासिहेङ ताइ बे भाइपा ता:लि थिक मान्ठु |'' 5 ओदोङ भाअ्सिङ हेरोद वासिहेङ से:लि इच्सा पाका हिघाहि | कालाउबुङ वा द्याङगेलाइसो थिघाखे | हाइपालिदोनु इम्बालाइ वासिहेङ अगमबक्ता गिघाखे | 6 जेलाउ हेरोदको जोलोम दिना लोहि,एन्सालाउ हेरोदियासको चामिन्दि इम्बालाइको माझाता न्हानेङ लेङचापाहि | 7 ओदोङ भाअ्सिङ हेरोद वासिहेङ जेदोङ र्-हेलाउबुङ प्याङका दोअ्तेङ केरा चातेङ प्रतिग्या पाहि | 8 कालाउ वाको आमाइ धिरपाका भाइपाङ वा एन्साङ दोअ्हि,''कासिहेङ बप्तिस्मा पिका यु:हान्ना:को पुरुङ इता थालिता चुमापि | 9 कालाउ राजाहेङ मारफाङ चिन्ता जेङहि | कालाउबुङ ताइको केरा चाका कालाउ बानसालाइगेलाइको आगाता हेरोद इन्सिकाङ पालि हुकुम पिहि, 10 कालाउ हेरोद झ्यालखानाता यु:हान्ना:को पुरुङ पाल्लि लागाइहि | 11 कालाउ यु:हान्ना:को पुरुङ थालिता चुमातेङ इङ्को बेजानहेङ पिहि | कालाउ इङ्को बेजान वाको आमाइकोता चुम्पुहि | 12 कालाउ उङ्को न्हुसो यु:हान्नाको चात्यागेलाइ लोतेङ वाको सिका जिउ चुम्तेङ लिहि | कालाउ ओबालाइ हानितेङ येसु:हेङ बानाल पिहि | 13 जेलाउ येसु:यु:हान्नादोफा जेङ्का घाटानागेलाइ हिङ्हि,कालाउ वा एलोङ नाउता घोल्तेङ एकोन्हा थामेता हानेहि | जेलाउ द्याङगेलाइ येसु:इन्ता सो हानिलि दोहोइ दोअ्का काथा थाहा गिहि | ओबालाइ ताइको सहर लाअ्तेङ मिलिङ्को दामापाहा तेतेङ येसु:हेङ लेसारा पिताइहि | 14 जेलाउ येसु:नाउ सो काम्भेता लेता खुअ्हि | इन्ता वा द्याङगेलाइको हुद्दा तिङ्हि | वाको ओबालाइहेङ तिङतेङ मारपाङ मन तुहि,कालाउ ओबालाइता मासाधेका कालाउ मिसा लोकालाइहेङ एल्पाहि | 15 जेलाउ बेल्हाका पहर वाको चात्यागेलाइ येसु:कोता हानितेङ दोअ्लि तेङ्हि,''इता हिदोइबुङ द्याङ माहिखे | एला हेन्जा पहर हानिहोइ इम्बालाइहेङ दिङ्गिल्पि, कालाउ इम्बालाइ ताइमिदोङ हानितेङ ताइको भाअ्सिङ चाका आम्का आनेमाने चोलाको |'' 16 येसु:दोअ्हि,''द्याङगेलाइ इतासो मानाको भरू नेलाइ ताइमिदोङ ओबालाइहेङ चाकाआम्का को बेबस्था पापिसु |'' 17 'चात्यागेलाइ दोअ्हि,केलाइ दोफा नालोङ तोले कालाउ न्हेलोङ हाया खिनिङ हि: |'' 18 कालाउ येसु:दोअ्हि,इङ्को तोले कालाउ हायागेलाइ एता चुमासु |'' 19 कालाउ न्हुसो येसु:गोताङ द्याङगेलाइहेङ सिङजोल्जोल्का जाबाराता सारिपा योम्पालि चात्यागेलाइहेङ दोअ्हि | कालाउ वा नालोङ तोले कालाउ न्हेनोङ हाया र्-हि | वा बादेलभारि खान्तेङ परमेस्वरहेङ धन्यबाद पिहि | कालाउ वा तोलेगेलाइ पोङतेङ चात्यागेलाइ हेङ इङ्को तोले पिहि | चात्यागेलाइ चाहि तोले द्याङगेलाइको माझाता बाखाराइ पिहि | 20 झाराङ चाहि कालाउ धाइहि | गोताङ द्याङगेलाइ उम चालि दोतेङ,न्हुसो चात्यागेलाइ दाइका गोताङ पोङनाका गेलाइ जोम्पातेङ तेन्हे दाल्हि पोङघाहि | 21 इन्ता बेबालाइ कालाउ जामालाइ बाहेक जोसो नाकुरि हाजार द्याङगेलाइ हिघाहि | 22 इन्सालाउ येसु:चात्यागेलाइहेङ नाउता ताङ्तेङ् समुन्द्रको ओदोइपाइ हानिलि दोअ्हि | कालाउ वा का आसा न्हुसो ल्वाङको दोअ्तेङ काथा दोअ्हि | द्याङगेलाइहेङ साभारि दिङगिल्लिको भाअ्सिङ येसु:इन्ता हि: | 23 येसु:द्याङगेलाइहेङ बिदा पिलि दोतेङ वा एक्लाङ तिकारता दोमचाकाइलि ताङलाहि | कालाउ वा बेलोम्पा थेकापा एक्लाङ इन्ता हि: | 24 एन्सालाउ थेकापा नाउ हेन्जा दुरे थेकापा हानिहि दोअ्का हिघाहि | भेरमा ओबालाइ जेसोङ हानिघाहि,इङ्कोङ पाहासो लोहि,कालाउ नाउहेङ आगा साराइलि मादोघाखे | 25 र्-हिमा मुचेलमाचेललाउको पहर,येसु:चि हुता तेकाताङ ओबालाइको हिका भारि हानिहि | 26 वासिहेङ चि हुता तेगिल्का तिङ्तेङ चात्यागेलाइ थिलि तोम्का हिघाहि | ओ!याते भुत |''कालाउ ओबालाइ थितेङ र्-हिकाइहि | 27 कालाउ येसु:ओदोङ घुरि दोअ्हि,''धारस पासु,ओङ्को कादोङ! थिलि मागोइस्वाना | '' 28 पतरुस दोअ्हि,''प्रभु, इदि जातिङकोनु इङ्को ना दोङ्नु,कासिहेङ चि हुता तेतेङ नाङकोता लोलि दोअ्पि |'' 29 येसु:दोअ्हि,''लोउ पतरुस |''कालाउ पतरुस नाउ सो खुअ्तेङ चि हुता तेकाताङ येसु:हिकाता हानिहि | 30 येसु:दोअ्हि,''लोउ पतरुस |''कालाउ पतरुस नाउ सो खुअ्तेङ चि हुता तेकाताङ येसु:हिकाता हानिहि | 31 ओदोङ्घुरि येसु:पतरुसको खुरचाहि | कालाउ येसु:दोअ्हि,''ए खानधुरि मापाका ना हाइपालि संङ्का पाखेना ?'' 32 जेलाउ पतरुस कालाउ येसु:न्हेमिदोङ नाउता धोल्हि भेरमा बुङ गाङहि | 33 नाउता हिका येसु:को चात्यागेलाइ वाको आराधाना पाकाताङ दोअ्लि तेङ्हि,''जातिङको ना परमेस्वरको चान हिना |'' 34 कालाउ ओबालाइ काम्भेता पारालि दोतेङ गनेसरेतको थामेता थुकाहि | 35 इङ्को थामेता द्याङगेलाइ येसु:हेङ तिङ्ही | वा जातिङको हासुवाला दोअ्तेङ इम्बालाइ गिहि | कालाउ ओबालाइ इङ्को थामेभारिको दामापाहाङ गोताङ द्याङगेलाइहेङ येसु:इन्ता लोका हि दोअ्तेङ बानाल चारचाराइ पापिहि | इस्तुङ मासाधेकागेलाइहेङ येसु:कोता तापुहि | 36 ओबालाइ वाको लोखनहेङ साइलिको भाअ्सिङ अनुमति र्-हि हाइपालिदोनु ओबालाइको मिसा एलाको दोतेङ |