मत्ती 10

येसु:वाको तेन्हें चात्यागेलाइहेङ काइहि | कालाउ वा दुस्त आत्मा हिकालाइहेङ उल्लापाका खाबारा इम्बालाइहेङ पिहि | कालाउ वा गोताङ खाल्को बेथा कालाउ मिसागेलाइ एल्पालि दोअ्का खाबारा इम्बालाइहेङ पिहि | 2 कालाउ इङ्को तेन्हे चात्यागेलाइको मिङ एसापा हि:सिमोन ज्याइहेङ पत्रुसबुङ दोअ्खे, कालाउ वाको दादा अन्द्रियास, जब्दियाको चान,याकुब; कालाउ वाको ओने यु :हन्ना; 3 फिलिप, कालाउ बारथोलोमाइ, थोमा, कालाउ पोतल्होपाका मति, कालाउ आल्फायासको चान,याकुब, कालाउ थेदियास, 4 सिमोन कनानि कालाउ य:हुदा इस्कोरियोत,इङकोङ द्याङ हिघाहि ज्याइ येसु:हेङ रि्-मचापाहि | 5 येसु:इङ्को तेन्हें चात्यागेलाइहेङ एसा दोअ्तेङ आदेस पिहि, कालाउ वा सारभिको बिसोयता बानाल पालि दिङगिल्हि, कालाउ येसु:दोअ्हि | ''खान्धुरि मापाका गेलाइको माझाता मान्हेसु, कालाउ सामारिगेलाइको सहरताबुङ मादुल्सु | 6 भरु इस्राएल द्याङ्गेलाइकोता हानेसु, इम्बालाइ राम्का भेड़ा मेसा,भाइका हि | 7 जेलाउ नेलाइहेङ्दोङ हानिसुवाना, 'स्वर्गको सारभि लोलि तोम्काहि: दोअ्तेङ बानाल पासु | 8 मिसालोकालाइ हेङ एल्पासु,सिकालाइहेङ सिन्हुपासु, रोग्या खोअ्कालाइहेङ ओसेरेपैति पासु, द्याङ गेलाइसो भुत(मासान)दिगिल्पिसु | का नेलाइहेङ एन्साङ या खाबरागेलाइ प्याउका जेसाङ नेलाइबुङ एन्साङ पासु | 9 ना ताइदोअ्फा सोना,चान्दि कालाउ तामा,हाइदोङ 10 काम पालिको भाअ्सिङ झोला,न्हेलोङ धोति,जुत्ता,लाठी,माचुम्पुसु | हाइपालिदोनु खेतालाको वाको उम निङ्लि गोयावा | 11 जेलाउ नेलाउ हिदोइबुङ देरा कालाउ सहर भारि हानिसुवाना इन्ता एनौङ ना एनौङ सोबाइका द्याङ्हेङ भोसु, कालाउ इन्तासो माघुरियापा भरि इङ्को थामे मालासु ,कालाउ वाकोङ साता हिसु | 12 ना सा लिता दुल्तेसाङ वासिहेङ दोअ् नासिहेङ रेम्फा जेनाको | 13 इङ्को सा सोबाइका हिनु,नेलाइको सान्ति इङ्को साता सान्ती लाको | एदि इङ्को सा सान्ति मान्थुनु, नेलाइको सान्ति नेलाइ दोफाङ घुरितेङ ल्वाको | 14 एदि हासुबुङ नेलाइहेङ रेम्फा मापानु | जेलाउ नेलाइको बानाल माहिङपिनु, इङ्को सा कालाउ इङ्को सहर सो बाहार उल्हिलाउ ताइको खोकोइको बाला र्-हिसु | 15 नेलाइहेङ का जातिङ्को, दोअ्खा, न्यायको दिनता इम्बालाइको बेथा सोदोम कालाउ गोमोराको खान्तेङ मारेम्का सहिलिबुङ मादोका जेनाङ | 16 'हिङ्सु, का नेलाइहेङ स्याइलेको माझाता भेड़ामेसा,भाइपा दिगिल्लाङ्का, इङ्को भाअ्सिङ पुह्याँ,भाइपा आगाल धा: कालाउ कुर्जा भाइपा सोझा जेङ | 17 गोताङ द्याङ्गेलाइसो दुरे हिसु, इम्बालाइ नेलाइहेङ रि्म्मावा कालाउ आदालातता चुम्पावा, कालाउ इम्बालाइ नेलाइहेङ ओबालाइको चौघारा साता चुम्पुतेङ नेलाइहेङ द्वालीहोइ सुताइयाका | 18 ओबालाइ नेलाइहेङ हाकिम कालाउ सासकको आगाता चुम्पावा | काङको भाअ्सिङ नेलाइहेङ एन्सा पावा | कालाउ नेलाइ सासक,कालाउ गैर-यहुदीगेलाइ आगाता काङको गवाहि जेङ्सुवाना | 19 जेलाउ नेलाइ रिम-निन्चास्वाना, |कालाउ हाइपालि, हेसा धुइलि,हेसा पातेङ धुइलि, दोअ्तेङ इनसिका काथाता पिर मापासु | इङ्को काथा एन्सालाउदोङ नेलाइ धुइलि गोइका, काथा नेलाइहेङ दोअ्पियावा | 20 हाइपालिदोनु जेदोङ काथा दोअ्लि गोइका नेलाइ मादोसुवाना, परमेस्वरको आत्मादोङ नेलाइ पाहासो वा धुइयावा | 21 'दाइ ओनेगेलाइ ताइकोङ दाइ ओनेगेलाइहेङ खाङ्लि माकितावा, कालाउ इम्बालाइ ताइ ताइमिता से:लि द्याङ लागाइयावा | ओबालाइ ताइकोङ चानगेलाइ से:लि द्याङ लगाइयावा | चान,चामिन्दि, आबा,आमाइहेङ खाङ्लि माकितावा, कालाउ ओबालाइ सेलिको भाअ्सिङ दाउ भोगिल्लावा | 22 गोताङ द्याङ्गेलाइ नेलाइहेङ खाङ्लि माकितावा | हाइपालिदोनु नेलाइ कासिहेङ पिताइसुखेना | जेदोङ द्याङ न्हुसो थेकापा सहितेङ हिखे, वा दोङ उदार निनावा | 23 जेलाउ नेलाइहेङ एलोङ सहरसो दिगिल्लावा भेनेङ सहरता हानेसु | का नेलाइ दोफा जातिङको दोअ्खा | द्याङको चान,मालोसिङ नेलाइ लाम्पादोङ इस्राएल गोताङ सहरगेलाइ पाहासो हानेलि दोअ्का हिसुवाना | 24 हासुबुङ ''चात्या गुरु खान्तेङ माबाराखे |नाते हिदोइबुङ चाकारिया माझन खान्तेङ बाराखे | 25 चात्या ताइको गुरु भाइका कालाउ चाकारिया ताइको माझन भाइका हिलि गोइखे |साता बारकागेलाइहेङदोङ मासान दोअ्हेपानु | जाहान कालाउ आरूङ साको द्याङ्गेलाइहेङ इङ्को खान्तेङ, हेन्जा मारेम्का दोअ्तावा | 26 'इङ्को भाअ्सिङ द्याङ्गेलाइसो थिका काम मान्थु | थुम्तेङ टा:का हिदोइबुङ काथा बाहार हिनावा | कालाउ कुन्हाता म्होतेङ हिका गोताङ काथागेलाइ प्रकट जेनावा | 27 या गोताङ काथागेलाइ का नेलाइहेङ दाकिलकिलकाता द्याङ्का, कालाउ नेलाइ या काथा फाइसालामकाता दोअ्लि गोइसुवाना | इङ्को काथागेलाइ नेलाइहेङ का न्हातोङ न्हातोङता दोप्याङ्का कालाउ नेलाइ या गोताङ काथागेलाइ झाराङ्हेङ भाइभाइपा दोअ्लि गोइसुवाना | 28 द्याङ्गेलाइसो माथिसु, ओबालाइ नाङ्को जिउहेङ खिनिङ सेतावा, ओबालाइ आत्माहेङ से:लि मादोअ्वा | नेलाइ वासिहेङ खिनिङ थीलि गोइसुवाना ज्याइ नाङको जिउ कालाउ आत्माहेङ नरकता चुम्पुखे | वा जिउ कालाउ आत्माहेङ नरकता पिगिल्लि दोअ्वा | 29 """सारन्ह्या पि:लि गोइनु न्हेलोङ सारन्ह्याको दाम (ताका) एलोङ खिनिङ ताका तिरिलि गोइखे |कालाउबुङ नाङ्को आबाको इच्छा माकोसिङ एलोङबुङ सारन्ह्या मासियावा | " 30 नाङ्को पुरुङता हेथे पुसुङ गेलाइ हि, वा इङ्को गिखे, कालाउ गान्दिलिबुङ दोअ्खे | 31 इङ्को भाअ्सिङ माथिसु | नेलाइ इङ्को सारन्हया गेलाइ खान्तेङ हेन्जा म्ह्त्यको हिसुना | 32 'हासुबुङ कासिहेङ द्याङ्गेलाइको आगाताङ कि:नु,काबुङ वासिहेङ काङ्को स्वर्गता हिका परमआबाको आगताङ कि:ताङका | 33 हासुबुङ कासिहेङ द्याङ्गेलाइको आगाताङ कि:नु,काबुङ वासिहेङ काङ्को स्वर्गता हिका परमआबाको आगताङ कि:ताङका | 34 'का पृथ्वीता (धर्तिता) सान्ति चुमालि ल्होघा दोअ्तेङ मासम्झे | भरु सान्ति माको,काते तरबार चालाइलि ल्होका हिघा | 35 हाइपालिदोनु का द्याङहेङ वाको आबाहेङ खाङ्लि माकिका, चामिन्दि वाको आमाइहेङ खाङ्लि माकिका, नामा कालाउ वाको जुबेहेङ खाङ्लि माकिका बानाइलि ल्होघा | 36 कालाउ द्याङको दुसमन चाहि ताइकोङ जाहान लितासोङ लावा | 37 'हासुबुङ कासिहेङ खान्तेङ हेन्जा ताइको आबा आमाइहेङ मायारू पाखे, इङ्को काङ्को आखेका जेनावा | ज्याइदोङ कासिहेङ खान्तेङ हेन्जा ताइको चान,चामिन्दि हेङ मायारू पाखे, वा काङ्को अयोग्य जेनावा | 38 हासुबुङ ताइको क्रुस तोल्हितेङ काङ्को न्हु मालोखे, इङ्को काङ्को आखेका जेनावा | 39 ज्याइदोङ ताइको जिउहेङ बान्चिपालि खाङ्खे, वा इङ्को मो:पावा,ज्याइदोङ ताइको जिउहेङ प्रभुको भाअ्सिङ मो:पाखे कालाउ वा निनावा | 40 'नेलाइहेङ ज्याइ रेम्फा पाखे,कासिहेङ बुङ रेम्फा पावा, ज्याइदोङ कासिहेङ रेम्फा पाखे | कालाउ कासिहेङ दिङ्गिल्काहेङबुङ रेम्फा पावा | 41 अगमबक्ताहेङ अगमबक्तादोङ दोअ्तेङ मानितेङ रेम्फा पानु अगमबक्ताको इनाम निनावा | धर्मि द्याङहेङ धर्मिद्याङदोङ दोअ्तेङ मानितेङ रेम्फा पानु वाबुङ धर्मि द्याङको इनाम निनावा | 42 ज्याइदोङ इङ्को आतुइका जामाल गेलाइसो एमिहेङ काङ्को चात्या मानितेङ ए लोटा चि खिनिङ पिलाउबुङ | जातिङ्को का नेलाइहेङ दोअ्खा,वा ताइको इनाम का सो बारका निनवा''