मत्ती 9

येसु :एलोङ नाङता धोल्तेङ काम्भेको ओदोइपार हानिहि,कालाउ वा ताइको सहरभारि थुकाहि | 2 द्याङ्गेलाइ एमि गाइलि खोका कालाउ सिधाउतादोङ थाला जेङ्का द्याङहेङ येसु:कोता चुमाहि | येसु:ओबलाइको खान्धुरि तिङ्तेङ इङ्को गाइलि खोकाहेङ दोअ्हि, '' चान, माथि | नाङ्को मारेम्का पाका गोताङ काम स्यामा जेङ्होइ | 3 कालाउ सास्तिरिगेलाइसो आधिमि ताइ-ताइमिता दोअ्हि, ''याते परमेस्वरको मान्काहि |'' 4 येसु:ओबालाइको मनको बिचार बुझिहि कालाउ दोअ्हि, हाइपालि नेलाइ ताइको हृद्य इसिका दोसुखेना | 5 हाइपालिदोनु ,हाइ दोअ्लि सोबाइयाङ, 'नाङ्को मारेम्का पाका एल्होइ दोअ्लि ना इतासो, 'ल्हो कालाउ ते दोअ्लि ? 6 भरु नेलाइ या गिसु , द्याङ्को चान,हेङ पृथ्वीता पाप स्यामा पालि खावारा हि | कालाउ येसु:इङ्को गाइलि खोकाहेङ दोअ्हि, 'ल्हो, कालाउ नाङको चौकि चुम्तेङ, सिता हाने | '' 7 कालाउ वा ल्होहि, ताइको साभारि हानेहि | 8 जेलाउ द्याङ्गेलाइ इङ्को तिङ्हि, कालाउ ओबालाइ थिचौङ्हि, कालाउ द्याङ्गेलाइ इसिका भारबुसाइ पिका परमेस्वरको बाखानाइ पाहि | 9 जेलाउ येसु:हानिकाताङ पालाउ वा एमि मति मिङ पाका द्याङहेङ दुसुहि, मति पोत ल्होपाका थामेता चोम्तेङ हिघाहि | येसु:वासिहेङ दोअ्हि, ''का दोफा लौउ|'' कालाउ वा जुरुक्क ल्होहि कालाउ येसु:दोफा दोङ हानिहि | 10 येसु:उमचालि चोम्का पहर, इन्ता इस्तु पापिगेलाइ,कालाउ पोत ल्होपाकागेलाइ लोतेङ येसु: कालाउ वाको चात्यागेलाइ दोफा उमचालि योम्हि | 11 येसु:इङ्को द्याङगेलाइ दोफाङ उम चाकाताङ पाका फ़ारिसिगेलाइ तिङ्हि, कालाउ फारिसिगेलाइ येसु:को चात्यागेलाइहेङ हिअ्हि, ''हाइपालि नेलाइको गुरू पोत ल्होपाका ,कालाउ पापिगेलाइ दोफा योम्तेङ उम चाखे ?'' 12 फारिसिगेलाइ दोकाताङ पाका काथा येसु:हिङ्हि, कालाउ वा दोअ्हि, ''बेथा मान्थुका द्याङ्गेलाइहेङ बैधे मागोइखे | ज्याइ को बेथा हि वासिहेङदोङ बैधे गोइखे | 13 का नेलाइहेङ एलोङ काथा द्वाङ्का, हाने कालाउ या दोअ्का हाइकुनु धिरसु: | का जिन्हा-जुइलेङ्को बलि माको, काते द्याङ्को मायारू भोखा|' कालाउ का इता धारमिक द्याङ्गेलाइहेङ भेतेलि लोका माको, भरु पापिगेलाइहेङ भोलि लोघा | '' 14 जेलाउ युह्न्नाको चात्यागेलाइ येसु:कोता लोहि, ओबालाइ येसु:हेङ दोअ्हि | केलाइ कालाउ फारिसिगेलाइ हेन्जा जोसो बरत हिनाखे, कालाउ नाङ्को चात्यागेलाइ हाइपालि बर्त्त माहिखे ? '' 15 येसु:दोअ्हि बिहुको बेला ज्याइ दारा(बहुला) दोफा हिखे, वाको मन मातुखे, कालाउ जेलाउ वाको बेला लोखे | एन्सालाउ ओबालाइसो दारा हेङ खेङखे | कालाउ ओबालाइको मन तुखे,कालाउ इम्बालाइ बर्त र् -हुखे कालाउम्हितुपाङ हिखे | 16 हासुबुङ पुरना लोखनता हिका कानाता चुनचालाका लोखनको टुक्रा मातालाइखे | हासुबुङ इन्सा पानु,इङ्को टुक्रा पुरना लोखानसो थेतावा,कालाउ झन इङ्को काना मारेम्का जेनावा | 17 हासुबुङ दाखरसहेङ पुरना धालेको झोलाता माह्वातावा, हासुबुङ पुरना धालेको झोलाता दाखरस ह्वानु, इङ्को झोलाबुङ थेनावा, कालाउ इङको दाखरसबुङ बिगिरावा, इङ्को भाअ्सिङ द्याङ्गेलाइ नावा झोलागेलाइता नावा दाखरस ह्वाखे,एसापा, दाखरस कालाउ धालेको झोलागेलाइ रेम्का ह्यावा | 18 येसु:इम्बालाइहेङ या काथा दोअ्काताङ पालाउ, एन्सालाउदोङ चौघारा साको एअ्मि सासक येसुकोता लोहि, येसु:को आगता लोतेङ तुघुरतेङ दोअ्हि, 'काङ्का एलोङ खिनिङ चामिन्दि सि:हि, का सेउपाखा ना नाङको साता लोपि, कालाउ नाङ्को खुर चामिन्दि हुता ताअ्पि ,कालाउ आरूङ सिन्हुतावा |'' कालाउ आरूङ नावा जिउ निनावा | 19 एन्सालाउदोङ येसु:ल्होहि,कालाउ सासक दोफा हानिहि | कालाउ येसु:को चात्यागेलाइ बुङ न्हुन न्हु हानेहि | 20 तेन्हे बासार खान्तेङ लाम्फासोङ, हिति होतेङ हिका मासाधेका बेबाल इन्ता हिघाहि | कालाउ वा न्हुपाहा लोतेङ वाको धावा(लोखन)साहि | 21 कालाउ वा मन मनता दोअ्हि, ''का वाको धावा खिनिङ साइलि निङ्हि पानु का एलाङ्का |'' 22 येसु:न्हु घुरिहि कालाउ इङ्को बेबालहेङ तिङ्तेङ, कालाउ दोअ्हि, ओइ ''चामिन्दि ,माथि, नाङ्को खान्धुरि होइ ना एल्का हिना|'' एन्सालाउदोङ वा एल्हि | 23 येसु:यहुदि सासक दोफा साता लोहि, इन्ता वा द्याङ्गेलाइ मन तुका धुन बाजाइतेङ हिका तिङहि | कालाउ वा इन्ता हेन्जा द्याङगेलाइ खार्तेङ हिकाबुङ तिङ्हि | हारपालिदोनु इङ्को साता एलोङ बेजान सि:का हिघाहि | 24 येसु: दोअ्हि, ''बाहार हानेसु, इङ्को बेजान सि:का मान्थु, वाते जिम्तेङ खिनिङ हि |'' कालाउ वाको काथा हिङ्तेङ द्याङगेलाइ वासिहेङ लेङ्पिहि | 25 जेलाउ येसु:द्याङ्गेलाइहेङ सासो बाहार दिङ्गिलहि, कालाउ येसु:इङ्को बेजानको कोठा लिता दुल्हि, कालाउ येसु:वाको सुर चाहि, ओदोङ घुरि इङ्को बेजान ल्होहि | 26 कालाउ या काथा बानाल गोताङ थामेभारि चारचाराहि | 27 जेलाउ येसु: इङ्को थामेसो हानिकाताङ पालाउ ,न्हेमि मिसियाँ मातिङका कान्हा द्याङ येसु:हेङ लेसारापिताइ हि | इङ्को कान्हागेलाइ बारका गालाहोइ खारकाताङ दोअ्हि, 'ओइ दाउदको चान, सेउपाखा केलाङहेङ एल्पापि | 28 जेलाउ येसु: सा लिता दुल्हि, इङ्को कान्हा द्याङगेलाइ येसु:कोता लोहि | वा इङ्को कान्हा गेलाइहेङ दोअ्हि ,हाइ का नेलाइहेङ आरूङबुङ तिङ्लि दोअ्का बानाइयाङका दोअ्तेङ नेलाइहेङ खान्धुरि जेङखे ? कान्हा द्याङ्गेलाइ जोबाफ दोअ्हि, “एइ, प्रभु, केलाइहेङ खान्धुरि जेङ्खे |” 29 कालाउ न्हुसो येसु:ओबालाइको मिसियाँ गेलाइ साइतेङ दोअ्हि, “का नेलाइहेङ तिङपालि द्वाङ्का दोअ्का खान्धुरि नेलाइ दोअ्फा हि | इसिकाङ हिलि पिसु | '' 30 कालाउ ओबालाइ ओदङ्घुरि तिङ हि | येसु:ओबालाइहेङ थाङ्का थिपाहि, कालाउ येसु:दोअ्हि, “या काथा हासुबुङ थाहा मागियाको |” 31 कालाउबुङ इङ्को कान्हा द्याङ्गेलाइ बाहार हानिहि |कालाउ इङ्को थामेता द्यापाहाङ येसु:को बानाल थुकाहि | 32 जेलाउ इङ्को न्हेमि द्याङ हानिकाताङ पालाउ,आधिमि द्याङ्गेलाइ भेनेङ एअ्मि द्याङहेङ येसु:कोता चुमाहि | वासिहेङ भुत धेल्का हिघाहि इङको भाअ्सिङ वा नुइ धुइलि सरबुङ मादोअ्घाखे | 33 कालाउ येसु:इङ्को द्याङसो भुत उल्लापापिहि, कालाउ इङ्को द्याङ नुइ धुल्लि तेङहि | द्याङगेलाइ भाङ्भाङ्हि, कालाउ दोअ्लि तेङहि, ''इस्राएलता इसीका घाटाना हेलाबुङ जेङका मान्थुघाखे | '' 34 फारिसिगेलाइ दोअ्हि,''भुतगेलाइको नाइके एलोङ खिनिङ हि | ज्याइदोङ वासिहेङ भुत दिगिल्का सारबुङ पिका हि | कालाउ वा मासन उल्लापाखे|'' 35 येसु:गोताङ सहर काल़ाउ देरागेलाइ भारि हानिहि | कालाउ इम्बालाइको चौघारा गेलाइता धीरपाहि,कालाउ सारभिको बारेता ये बानाल हिङपाहि | येसु:गोताङ खाल्को बेथा कालाउ मिसा गेलाइ एल्पाहि | 36 येसु:जेरहेङ तिङ्हि, कालाउ इम्बालाइको भाअ्सिङ मन तुपाहि | हाइपालिदोनु इम्बालाइ आबा,आमाइ मान्थुका भाइपा हिघाहि | कालाउ गोठालो माकोसिङ भेड़ा,मेसा भाइपा चिलिबिलिका जेन्तेङ आवाइगिल्का हिघाहि | 37 येसु:ताइको चात्यागेलाइहेङ दोअ्हि,''सेकाते हेन्जा हि, ''सेका चेका खेताला चाहि आतुइसा हि | 38 'प्रभु सेकाको माझन, वासिहेङ दोमचाकाइ(प्रार्थना)| कालाउ सेका जोम्पालि हेन्जा खेतालागेलाइ दिङ्गिल प्यावा | ''