मत्ती 6

''खबदार, नेलाइ द्याङ्गेलाइहेङ तिङ्पालिको भाअ्सिङ धर्मं कर्म पापासु माकुनुते स्वर्गता हिका आबासो नेलाइहेङ हिदोइबुङ इनाम मानिङ्स्वाना | 2 नेलाइ ''जेलाउ दान पिसुखेना, कालाउ ताइको आगता तुनजाइ माधुइपासु, |जेसाङ दि:कालाइ चाउघोरातागेलाइता कालाउ दामागेलाइता द्याङ्गेलाइ सो बाखानाइ निङ्लि को भाअ्सिङ पाखे | का नेलाइहेङ जातिङ्को, दोखा, नेलाइ ताइको इनाम निङ्सोहोइना | 3 जेलाउ दान ना पिखेना, दामपाहाको खुर हाइ पाखे केपाहाको खुर हाइबुङ थाहा मागियाको | 4 नाङको दान मातिङ्काता ह्याको,कालाउ मातिङ्काताबुङ तिङलि दोका नाङको आबा नासिहेङ इनाम प्यावा | 5 """जेलाउ ना दोमचाकाइलाउ इङ्को दि:कागेलाइ भाइपा माजेङ, हाइपालिदोनु द्याङ्गेलाइ दामाको कोन्हा क़ालाउ चाउघारागेलाइता जातेङ आरूगेलाइ तिनाको दोअ्तेङ दोमचालि मन्दाताखे | का नेलाइ हेङ जातिङ्को, दोअ्खा, नेलाइ ताइको इनाम निङ्लि दोसुहोइना |" 6 जेलाउ ना दोमचाखेना, नाङ्को कोठा लिता दुल, कालाउ फिनु गि: मातिङ्का थामेता हिका नाङ्को आबाहेङ दोमचाकाइ कालाउ मातिङ्का थामेताबुङ तिङ्लि दोअ्का नाङ्को आबा नासिहेङ इनाम प्यावा | 7 काजेलाउ ना दोमचाखेना, नाङ्को कोठा लिता दुल, कालाउ फिनु गि: मातिङ्का थामेता हिका नाङ्को आबाहेङ दोमचाकाइ कालाउ मातिङ्का थामेताबुङ तिङ्लि दोअ्का नाङ्को आबा नासिहेङ इनाम प्यावा |लाउ दोमचाकाइ पालाउ प्रभुहेङ खान्धुरि मापाका द्याङ्गेलाइ भाइपा एन्साङ माबोबोकाइ | हाइपालिदोनु हेन्जा दोअ्लाउ खिनीङ ओबलाइको दोमचाका हिङ्पिखे दोअ्तेङ ओबालाइ बिचार पाखे | 8 इङ्को भाअ्सिङ ओबालाइ भाइपा नेलाइ माजेङ्सु, हाइपालिदोनु नेलाइ वाको दोफा र्-हेकाको लाम्फाङ नेलाइहेङ हिदोइ-हिदोइ काथा गोइका हि, दोअ्तेङ गोताङ नेलाइको आबा गिखे | 9 नेलाइ चाहि एसा दोअ्तेङ दोमचाकाइ पासु: 'हे स्वर्गता हिका, केलाइको आबा, नाङ्को मिङ पबित्तरो जेनाको | 10 नाङ्को सारभि लाको स्वर्गता हिसिकाहि इन्सिकाङ भाइका, नाङको इच्छा इदोङ धर्तीता पुरा जेनाका | 11 नानि केलाइको दिनाङ चाका -आमका उम पि | 12 केलाइको मारेम्का माफ पि, जेसाङ केलाइ ताइको मारेम्का गेलाइहेङ माफ़ पिका हिनाहि | 13 केलाइहेङ जाचिकासो बान्चिपा, कालाउ मन मारेम्का सो लाअ्पापि | हाइपालिदोनु, सारभि खाबारा सरबुङ कालाउ महिमा हेलाउलाउबुङ नाङ्कोदोङ ह्याको, आमेन |' 14 हाइपालिदोनु नेलाइ द्याङ्गेलाइको मारेम्का काम माफ पापिनु स्वर्गता हिका नेलाइको आबाबुङ नेलाइहेङ माफ प्यावा | 15 द्याङगेलाइको मारेम्का काम नेलाइ माफ़ मापापिनु नेलाइको आबाबुङ नेलाइको मारेम्का कामको माफ़ मापा पियावा | 16 'जेलाउ म्हितुपाङ हिसुखेना, नेलाइ हेलाउबुङ दि:कागेलाइ भाइपा म्याउ-म्याउका र्-हाइ मातिङ्पासु| हाइपालिदोनु द्याङ्गेलाइ म्हितुपा हिका तिङ्पालि ओबालाइ ताइको र्-हाइ दापाखे | जातिङ्को, का नेलाइहेङ दोअ्खा, नेलाइ ताइको इनाम निङ्का हिसुना | 17 जेलाउ नेलाइ म्हितुपाङ हिलाउ ताइको पुरुङता चुइति लगाइसु, कालाउ खुर,खोकोइ कालाउ र्-हाइ झासु | 18 कालाउ नाङ्को म्हितुपाङ हिका द्याङ्गेलाइ माको, भरु मातिङ्का थामेताबुङ तिङ्लि दोअ्का, नाङ्को आबा नासिहेङ इनाम प्यावा | 19 पृथ्वीता''ताइको भाअ्सिङ धन-सम्पति माजोम्पा, जेता पेसा कालाउ खियालागितेङ नासपाखे जेता चोर गेलाइ सा रा्हातेङ चुम्पुखे | 20 भरु ताइको भाअ्सिङ स्वर्गता धन-सम्पति जोम्पासु, जेता पेसा कालाउ खियाँ लागितेङ नास पालि मादोखे, कालाउ चोरबुङ माचुम्पुखे | 21 २१ हाइपालिदोनु जेसो नाङ्को धन हिखे, इन्ता नाङ्का मनहि हिखे | 22 एदि नाङ्को मिसियाँ बिगिरका हिनु, नाङ्को गोताङ जिउदोङ कितकितितावा | कालाउ नाङ्को लिता हिका फाइसालामका एदि कितिकितिका जेङ्नु, कालाउ इङ्को दाकिल-किलका इसिका झन कितिकितिकातावा ! 23 एदि नाङ्को मिसियाँ बिगिरका हिनु, नाङ्को गोताङ जिउदोङ कितकितितावा | कालाउ नाङ्को लिता हिका फाइसालामका एदि कितिकितिका जेङ्नु, कालाउ इङ्को दाकिल-किलका इसिका झन कितिकितिकातावा ! 24 का''हासुबुङ न्हेलोङ दाउनेयाको कामपालि मादावा हाइपालिदोनु वा एअ्मिहेङ मायारू पावा कालाउ भेनेङ्हेङ खाङ्लि माकितावा | कालाउ एअ्मि पाहा चाहि साम्हेर्लियावा, कालाउ भेनेङ्हेङ चाहि हाइदोङ माको वा दोतेङ बिचार पावा इङ्को भाअ्सिङ ,नेलाइ परमेस्वरकोलाउ धनको सेवापालि मादोसुवाना | 25 ''का नेलाइहेङ दोअ्खा,'हाइ चालि, हाइ आम्लि' कालाउ' जिउको भासिङ चिन्ता मापासु |'' का नेलाइहेङ दोअ्खा हाइ चालि आम्लि कालाउ हाइ जिउता होङ्लिको भासिङ दोतेङ चिन्ता मापासु, हाइ जिवन चाकाआम्का खान्तेङ कालाउ जिउचाहि धावा लोखोन खाङ्तेङ बारका रो ? 26 बादेलको जिहाजुम्लेङगेलाइहेङ खाङ्सु नाते इम्बालाइ ना चालाइदोङ बिखे, ना ते उमदोङ चेतेङ चुमाखे, नाते भाकारता जोम्पाखे, कालाउबुङ स्वर्गता हिका आबा ओबलाइहेङ चापाखे | हाइ नेलाइ ओबालाइ खान्तेङ हेन्जा दामको मान्थुसुन्हा रो? 27 नेलाइसो हासुचाहि चिन्ता पातेङ ताइको उमेर ए दिना रि्-म्पालि दावा रो ? 28 'कालाउ नेलाइ हाइपालि लोखन धाबाको भाअ्सिङ चिन्ता पासुखेना? खाङ्सु, इङ्को मिलिङ्ता हिका लिलि ल्हेहेङ , इङ्को हेसा बाराखे |वाते ना मेहेनेत पाखे, नाते वा सुतेदोङ चेखे | 29 कालाउबुङ का नेलाइहेङ दोअ्खा, सोलोमोन राजा जेन्तेङ्बुङ इङ्को ल्हे गेलाइ सो एनोङको जतिबुङ साजाइन्हाका मान्थुघाखे | 30 एसापा नानि हिका जुम्नी मेता थाइगिल्लिलि गोइका घासिहेङ्ते परमेस्वर साजाइतेङ ताअ्खे, ओइ खान्धुरि मापाकागेलाइबुङ, हाइ झन परमेस्वर नेलाइहेङ वा हेन्जा माहोम्पावा रो ? 31 इङ्को भाअ्सिङ नेलाइ 'हाइ चालि आम्लि?' हाइ होङ्लि? दोअ्तेङ फिकिरि मापासु 32 हाइपालिदोनु परमेस्वरता खान्धुरि मापाकालाइ खिनीङ या गोताङ आनेमाने निङ्लि इच्छा पाखे, कालाउ स्वर्गता हिका नेलाइको आबा या गोताङ आनेमाने गोयाङ दोतेङ गीखे | 33 झाराङ्खान्तेङ लाम्फा परमेस्वरको सारभि भोसु, कालाउ वाको भाइका मन जेङ्का भोसु , कालाउ इङ्को गोताङ आनेमाने वा नेलाइहेङ थपि प्यावा | 34 जुम्निको भाअ्सिङ नेलाइ फिकिरि मापासु, दिनाङ -दिनाङ ताइ-ताइको सामास्याहिखे | कालाउ जुम्निको दिनाबुङ ताइकोङ सामास्यागेलाइ हिखे |''