मत्ती 7

''ओबालाइहेङ दोसि मातिङ्पिसु, कालाउ परमेस्वरबुङ नेलाइहेङ दोसिलि मातिनाङ | 2 हाइपालिदोनु जेसाङ नेलाइ आरू गेलाइहेङ दोसि तिम्पीस्वाना, एन्साङ दोङ नेलाइबुङ दोसिलि जेङस्वाना | जेदोङ आनेमानेहोइ नेलालाइहेङ जोख्यावा (दोनावा), एन्साङ्पातेङ नेलाइको भाअ्सिङ्बुङ जोख्यावा | 3 'हाइपालिदोनु ना ताइको ओनेको मिसियाँता हिका धुला तिङ्खेना, कालाउ नाङ्को ताइको मिसियाँता हिका बारका धेङ्ग्रा बुङ मातिङ्खेना? 4 कालाउ नाङ्कोङ मिसियाँता हिका बारका मिसिङ्को धेङ्ग्रा हिका ना तिङ्लि मादोखेना | कालाउ ना हेसा दोअ्लि द्वाना, ''कासिहेङ नाङ्को मिसियाँ लिताको धुला ओल्लापालिपि |' 5 ओइ दि:कालाइ, लाम्फा नाङ्को मिसियाँता हिका बारका मिसिङ्को धेङ्ग्रा ओल्लेपा,कालाउ खिनीङ नाङ्को ओनेको मिसियाँता हिका धुला ओल्लेपालि ना रेम्फा तिनता | 6 खियागेलाइहेङ ''जेदोङ आनेमाने पबित्तरो हि इङ्को मापिसु , ओबालाइ दोङ नासिहेङ झाअ्मारायावा कालाउ टुक्रा- टुक्रा पातेङ थेतावा, ताइको मोतिगेलाइ पायाको आगाता माथाल्सु, वाते खोकोइहोइ याङ्गिल्लावा कालाउ घुरितेङ चिलि गिल्लावा | 7 """र्-हेसु"" कालाउ परमेस्वर नेलाइहेङ प्यावा, भोसु कालाउ नेलाइ निङसुवाना, ढक-ढक पासु, कालाउ नेलाइको भाअ्सिङ हिअ्प्यावा |" 8 हाइपालिदोनु जाइ र्-हेखे,वा दोङ निनावा, ज्याइ भोखे वादोइ निङ्खे, जाइ ढक-ढक पाखे, बाअ्को भाओसिङ फिनु हिनावा | 9 'नेलाइ मध्ये सो हासुको आबा वाला, ताइको चान तोले र्हिनु हाइ वासिहेङ उन्थुइ प्यावा रो ? 10 जेलाउ नाङ्को चान हाया र्-हेलाउ वासिहेङ पुय्याँ प्यावा रो? 11 नेलाइको मन मारेम्का जेन्तेङ्बुङ ताइको चान,चामिन्दिगेलाइहेङ रेम्का आनेमाने गेलाइ पिलि गिसुखेना, झन स्वर्गता हिका नेलाइको आबा दोफा र्-हेकालाइहेङ हेथे जेन्जा पातेङ रेम्का आनेमाने प्यावा | 12 नेलाइ दोफा द्याङ्गेलाइ हिसिका पाका मनदा तासुखेना, कालाउ नेलाङ्बुङ द्याङ्गेलाइ दोफा इन्सिकाङ पासु, मोसाको ब्यबस्थाता कालाउ अगमबक्ताको याकोङ उपदेस पिका हि | 13 'चेसुमेसुका फिनुसो लिता दुल्छु, हाइपालि दोनु इङ्को पाहा स्वर्ग थुकापाखे | नरकता हानेका दामा एकदम सजिलो कालाउ फाराका हिखे, कालाउ इन्तासो द्याङ्गेलाइ लिता दुल्खे | 14 हाइपालिदोनु जिवनको दामाता चुम्पुका फिनु चेसुमेसुका हिखे, कालाउ इङ्को दामा हेन्जा मासुकाका हिखे | जेदोङ दामा जिवनता थुकापाखे | कालाउ इङ्को दामाता तेकालाइ आतुइसा खिनिङ हिखे | 15 'धाताइका अगमबक्ता गेलाइसो नेलाइ दुरे हिसु, इम्बालाइ भेडामेसाको, रूप भाइपा नेलाइ दोफा लोखे | कालाउ लिता चाहि स्याइलेगेलाइ भाइपा हिखे | 16 ओबालाइको काम पाकासो नेलाइ ओबालाइहेङ नाल्लि दोस्वाना , जेसाङ द्याङ्गेलाइ चुइको सिङ्सो अंगुर कालाउ चुइ भाइका सिङ्सो अन्जिर सेका पेलि निङ्खे र ? एन्साङ्दोङ मारेम्का द्याङ्गेलाइ सो रेम्का काम माजेङ्खे | 17 १७ एन्साङ गोताङ रेम्का सिङ रेम्का सेका पिखे| कालाउ मारेम्का सिङ मारेम्कादोङ सेका पिखे | 18 एलोङ रेम्का सिङ मारेम्का सेका मासेपाखे, |कालाउ मारेम्का सिङ रेम्का सेका मासेपाखे | 19 एसाङ ओबालाइको सेका कामपाहा सो नेलाइ धाताइका अगमबक्तागेलाइ नाल्लि दोसुवाना | 20 एसाङ ओबालाइको सेका कामपाहा सो नेलाइ धाताइका अगमबक्तागेलाइ नाल्लि दोसुवाना | 21 "'कासिहेङ ""प्रभु,प्रभु"" दोअ्का गोताङ द्याङ स्वर्गको सारभिता दुल्लि मानिनाङ | कालाउ ज्याइदोङ स्वर्गता हिका काङ्को आबाको इच्सा दोअ्का पाखे | वा दोङ स्वर्गको सारभिलिता दुल्लि निनावा | " 22 न्हुसोको दिनाता हेन्जा द्याङ्गेलाइ कासिखेङ द्वा,नादोङ केलाइको 'प्रभु, केलाइ नाङ्को मिङ्ता अगमबाणी दोनाहि,कालाउ नाङ्को मिङ्ता केलाइ इङ्को भुतगेलाइ उल्लापातेङ दिगिल्न्हाहि | कालाउ नाङ्कोङ मिङ्ता इस्तुङ सरबुङ कामगेलाइ पानाहि रो ? ' 23 कालाउ का नेलाइहेङ प्रस्ट द्वाङ्का, ना इङ्को पाप काम पाकालाइ 'का सो दुरे हाने|' 'का नेलाइहेङ हेलाबुङ नाल्का मान्थुघा | 24 'हासुबुङ द्याङ काङ्का दोअ्का काथागेलाइ हिङ्खे कालाउ पाखे, वादोङ बुद्दिमान द्याङ ताइको सा उन्थुइहुता धाम्हि | 25 कालाउ इन्ता बारका वाइ लोहि, बानेबुङ्लोहि, कालाउ दुरभेरमा लोहि कालाउ इङ्को साता थुन्हाहि, कालाउबुङ इङ्को सा मालोङ्हि, हाइपालिदोनु उन्थुइ हुता बनाइका हिगाहि | 26 हिदोइबुङ द्याङ काङ्को काथा हिङ्खे कालाउबुङ माकिखे, इङ्को एलोङ(मुर्ख)हाइदोङ मागिका द्याङ भाइका,ज्याइदोङ ताइको सा बाला हुता बानाहि | 27 वाइ लोहि, कालाउ बानेलोहि,कालाउ भेरमाबुङ लोहि इङको साता थुनाहि,कालाउ इङ्को सा लोङ्हि,इङ्को द्वाङ होइहि | 28 जेलाउ द्याङ्गेलाइ येसु:को धिरपाका हिङ्हि झाराङ भारबुसाइहि | 29 हाइपालिदोनु येसु:ओबालाइहेङ ब्यबस्थाको सास्तिगेलाइ भाइका माधिरपाहि,भरु खाबारा हिका द्याङ्गेलाइ भाइपा धिरपाहि |