मत्ती 3

ओदोङ बेला बप्तिस्ता पिका यु:हान्ना यहुदियाको भाइ-भाइका थामेता लोहि, कालाउ ल्होतेङ एसा दोतेङ बानाल पालि तेङ्हि, 2 'पासताइ पासु ,हाइपालिदोनु परमेस्वरको सारभि भेरपा ल्होका हि |'' 3 "जाइको बिसोइता यसैया अगमबक्ता एसा दोअ्हि: हाइपालिदोनु उङ्को यादोङ, “एमि द्-याङको र्-हिकाइका गाला मारालाका थामेता "" परमप्रभुको दामा बानाइसु, कालाउ वाको दामा सिधा बानाइसु' |''" 4 यु:हान्ना उतको मुइसासो थिर्का धाबा गु:घाहि, केङ्खेनेता धालेको तेपाना तेअ् घाहि, कालाउ जिराम बाय्हाको दिकागेलाइ चाघाहि | 5 यरुसलेम कालाउ गोताङ यहुदिया, कालाउ यर्दन करपाहाङ्को थामेको झाराङ द्-याङगेलाइ वाको दोफा ल्होहि, 6 कालाउ ओबलाइ ताइको पाप मानितेङ यर्दनको झोराता वाकोसो बप्तिस्ता र्-हुलि तेङहि | 7 कालाउ न्हुसो हेन्जा फारिसिगेलाइ कालाउ सादुकिगेलाइ सो बप्तिस्ता र्- हुलि लोका तिन्तेङ वा ओबालाइहेङ दोअ्हि, ओइ ''पुय्याँको चान गेलाइ , लोलि खाङ्का चेरताङ्कासो खाअ्लि हासु नेलाइहेङ चेताना पिहि? 8 इङको भाअ्सिङ पासताइ पासु कालाउ सोबाइका सेका सेपासु | 9 केलाइको आबा आब्राहामदोङ दोअ्तेङ ता-ताइमिता मादोसु, हाइपालिदोनु का नेलाइहेङ दोअ्खा, परमेस्वर इङ्को उन्थुइसो आब्राहामको भाअ्सिङ चान,चामिन्दी, बनाइपालि दावा | 10 सिङ्को गोराता एलाङदोङ दुफे थेङन्हाहोइ | इङको भाअ्सिङ रेम्का मासेका गोताङ सिङ पाल्तेङ लोम्पावा,कालाउ मेता थालावा | 11 नेलाइहेङ ''काते मन्ता आखेका हिकाको भाअ्सिङ चिको बप्तिस्मा प्याङका, एमि का न्हुसोल्वा का खान्तेङ वा हिन्जा सर्बुङ हि, कालाउ का वाको खोकोइको जुत्ताको फिताबुङ खाइलि सोबाइका मान्थुघा | एला वा नेलाइहेङ पबिततरो आत्माहोइ बप्तिस्ता प्यावा | 12 फाचिका रा वाकोङ खुरता हि, कालाउ ताइको खाइरा्म हेङ गोताङ धाइ-धाइ प्यावा, कालाउ ताइको गहुम भाकारता जोम्पावा, कालाउ गुन्धा चाहि हेलाउबुङ मासिका मेता ढुकावा | '' 13 कालाउ येसु: गालिल पाहासो यु:हान्नाकोता लोहि वाकोसो यर्दन झोराता युह्न्नासो बप्तिस्ता र्- हुलि लोहि | 14 कालाउ यु:हान्ना एसा दोअ्तेङ वासिहेङ रोकिलि खाङघाखे, ''बुरु कासिहेङ कि नाङ्कोसो बप्तिस्ता र्हुलि गोइका हि, नादोङ काङको दोफा लोखेना ?'' 15 कालाउ येसु:वासिहेङ दोअ्हि, ''एलाङ एसाङदोङ हिलि पि , हाइपालिदोनु केलाइ गोताङ धार्मिकता एसापाहासो पुरा पालि गोयाङ'' कालाउ यु:हान्ना राजि जेङहि | 16 कालाउ येसु: बप्तिस्ता र्- हुहितेङ ओदोङ घुरि चिसो उल्हितेसाङ, स्वर्ग फाङगिल्हि, कालाउ ताइ हुता परमेस्वरको आत्मा कुर्जा भाइपा खुअ्काताङ पाका तिङ्हि | 17 कालाउ स्वर्गसो इसिका एलोङ गाला उल्लीहि, ''या काङको मायारु चान, का यादोफा मेनाङ लेङ्चाका हिघा | ''