यूहन्ना को पहलो कागद
1 यूहन्ना
पोथी को परिचय
यूहन्ना का पहला कागद का दो खास उपदेस छ। पहलो उपदेस, पढ़बाळा न्अ परमेसर अर उंका बेटा ईसु मसी का गठजोड़ मं जन्दगी जीबा बेई धीरज बन्धाबो। दूसरो उपदेस, वान्अ झूंटी सिख को पालण करबा सुं, जिसुं वांको यो गठजोड़ नास कोन होजाव्अ, ईका बिरोध मं चेतावणी देबो छ। या झूंटी सिख ई बच्यार प्अ बणी छ क, बराई दनीया का रीत-रूवाज मं आबासुं आव्अ छ। अर ई बजेसुं ईसु, परमेसर को बेटो, सांच्याई एक मनख को कोन हो सक्अ। अर ई सखाबाळा की बात या छ क, मुक्ति पाबा बेई एक मनख न्अ ई दनीया की जन्दगी की बाता न्अ छोड़णी पड़ी अर वो याबी सखाव्अ छ क, चोखो बेवार अर खुदका भाई सुं परेम रांखबो अस्यान की बाता को मुक्ति की लार कोई सम्बन्ध कोन्अ। ई सिख का बिरोध मं माण्ढबाळो खास तो सुं या बताव्अ छ क, ईसु मसी एक सांचो मनख छो। अर वो ई बात प्अ जोर देव्अ छ क, वे ज्यो ईसु मसी मं बस्वास करअ छ अर परमेसर सुं परेम रांख्अ छ, वो पक्कोई आपसरी मं परेम रांख्अ छ।
रूप-रेखा
भूमिका 1:1–4
उजाळो अर अन्धेरो 1:5—2:29
परमेसर की ओलाद अर सेतान की ओलाद 3:1–24
सांच अर झूंट 4:1–6
परेम अर जुम्मेवारी4:7–21
जीत को बस्वास 5:1–21