पौलुस को नमस्कार
16
1 म किंख्रिया का बस्वास्या की टोळी की सेवा करबाळी आपणी बेणा फीबे की थां सुं सिफारिस करू छु। 2 क थे उंकी मान मनुवार अस्यान करो जस्यान परबु का लोग करणी चायजे। उन्अ ज्योबी चायजे थे उम्अ उंकी सायता करज्यो क्युं क वा घणा मनखा की सायता करी अर म्हारी बी सायता करी छी।3 aमसी ईसु मं म्हारी लार सेवा करबाळा प्रिसकिल्ला अर अक्विला न्अ नमस्कार। 4 म्हारो जीव बचाबा बेई वे खुदका जीव न्अ दाव प्अ लगा दिया छा। खाली म ही नही पण गेर यहूदी बस्वास्या की सबळी टोळ्यां वांको एसान मान्अ छ।
5 वा बस्वास्या की टोळी न्अ बी धन्यवाद ज्यो वांका घर मं मल्अ छ।
म्हारा प्यारा भायला इपनितुस न्अ ज्यो एसिया मं मसी न्अ मानबाळा मं पहलो छ म्हारो नमस्कार।
6 मरियम न्अ नमस्कार ज्यो थांक्अ बेई घणी मेनत करी छी।
7 म्हारी लारका यहूदी अन्द्रुनीकुस अर यूनियास न्अ ज्यो म्हारी लार काळ कोटड़ी मं रिया छा अर थरपेड़ा म्अ नाऊंहाळा छ अर म्हारअ पेली मसी मं आग्या छा, वान्अ म्हारो नमस्कार।
नरकिस्सुस का परवार का वां मनखा न्अ नमस्कार ज्यो परबु मं छ। 12 त्रूफेना अर त्रूफोस न्अ ज्यो परबु मं मेनती काम करबाळी छ वान्अ नमस्कार। अर
म्हारा प्यारी परसिस न्अ ज्यो परबु मं खुब काम करअ छ म्हारो नमस्कार।
13 bरुफुस न्अ ज्यो परबु को चुणेड़ो छ अर उंकी माई न्अ ज्यो म्हारी बी माई जसी छ, नमस्कार।
14 असुक्रितुस, फिलगोन, हिर्मेस, पत्रुबास, हिर्मोस अर वांकी लारका भाया न्अ नमस्कार।
15 फिलुलुगुस, यूलिया, नेर्युस, उंकी बेणा अर उलुम्पास अर वांकी लार का सबळा पवितर मनखा न्अ नमस्कार।
16 थे सबळा गळ्अ मलर एक-दूसरा न्अ नमस्कार करो।
थान्अ मसी की सबळी टोळ्यां की ओड़ी सुं नमस्कार।
आखरी बाता
17 ह भायाओ म थासुं अरदास करू छु, क थे ज्यो सक्ष्या पाया छो, उंकी बराई मं कोई थाम्अ फूट पटक्अ अर दूसरा का बस्वास न्अ बगाड़्अ तो थे वासुं आंतरअ रेवो। 18 क्युं क ये मनख आपणा परबु मसी की सेवा कोन करअ पण खुदका पेट की सेवा करअ छ। अर ये खुदकी मीठी-मीठी अर चापलुसी की बाता सुं भोळा-ढाळा मनखा का मन न्अ भरमाव्अ छ। 19 थांका आज्ञा मानबा की चर्चा सब मनखा मं पुंच चुकी छ। ई बजेसुं थासुं मं घणो राजी छु। पण म चाऊ छु क थे भलाई बेई बुद्धिमान बण्यारेवो अर बराई बेई अण्जाण बण्यारेवो।
20 सान्ति देबाळो परमेसर सेतान न्अ बेगोई थांका पगा तळ्अ छीतवा देव्अलो।
आपणा परबु ईसु मसी की दीया थांकी लार रेव्अ।
21 cम्हाकी लार काम करबाळा तीमुथियुस अर म्हारी लारका यहूदी, लूकियुस, यासोन अर सोसिपत्रुस की ओड़ी सुं थान्अ नमस्कार।
22 म तिरतियुस, जिका हाथ सुं यो कागद मण्ढवायो गियो छ थान्अ परबु मं नमस्कार खेऊ छु।
23 dगयुस को ज्यो म्हारी अर बस्वास्या की टोळी की आवभगत करअ छ उंको थान्अ नमस्कार। इरास्तुस को ज्यो नगर को मुनीम उंको अर आपणा भाई क्वारतुस को थान्अ नमस्कार। 24 आपणा परबु ईसु मसी की दीया थांकी लार रेव्अ। अस्यान'ई हो जाव्अ (आमीन)।e
25 परमेसर की महमा होव्अ। ईसु मसी का संदेस का चोखा समचार को ज्यो उपदेस म थान्अ देऊ छु उंकी जस्यान अर परमेसर का भेद को सांच ज्यो जुगाजुगा सुं लुख मेल्यो छो जिन्अ वो परगट कर्यो छ वो थान्अ गाढ़ा बणाबा मं समर्थ छ। 26 पण अब परगट होर सदामेस का परमेसर की आज्ञा सुं परमेसर की ओड़ी सुं बोलबाळा की माण्ढी पोथ्या क जरिये सबळी जात्या न्अ बतायो गियो छ, क वे बस्वास सुं आज्ञा मानबाळा हो जाव्अ। 27 ईसु मसी क जरीये सबळी बुद्धि रखाणबाळा उं परमेसर की महमा जुगजुग होती रेव्अ। अस्यान'ई हो जाव्अ।