मरकुस को लख्यो चोखो समचार
पौथी को परिचय
सन्त मरकुस की मानत्या छ क चोखा समचार की सरूवात ई वाक्य सुं हेव छ “परमेसर का छोरा ईसु मसी का चोखा संदेस की सरूवात।” ई पौथी म ईसु न्अ काम करबाळो अर अधिकार सुं परबचन देबो अर सेवा का काम करबाळो दखाया छ। उंकी सक्षा म यो अधिकार दिख्यो छ। वो हर तरा का दुख अर कळेस न्अ आंतरअ करबा को अधिकार रखाण्अ छो अर बेगोसोक उंको ईलाज कर छो। परमेसर उन्अ अपणा मनखा का पाप छमा करबा को अधिकार दियो छो। तो वो अधिकार की लार सेतान का कामा को सामनो कर मनखा का पाप छमा करअ छो। ईसु खुदन्अ नम्रता की लार मनख का छोरा का रूप म रखाण्अ छ। अर घोषणा करअ छ क वो मनखा न्अ वाका पापा सुं छुड़ाबा बेई खुदकी बली चढ़ा देव्अलो। या पौथी यरूसलेम क नास हेबा क थोड़ीसीक पेली मतलब सन् ईसवी 70 क पेली लखी गी छी।
रूप-रेखा
यूहन्ना का बतिस्मा सुं ईसु का चोखा समचार की सरूवात 1:1–13
गलील का परदेस म ईसु की धरम-सेवा 1:14—9:50
गलील सुं यरूसलेम की ओड़ी जाबो 10:1–52
यरूसलेम अर आस-पास का गांव म जन्दगी को आखरी टेम 11:1—15:47
ईसु को पाछो जिन्दो हेबो 16:1–8
मोत न्अ जीतबाळा परबु का दर्सण अर वांको सरग म जाबो 16:9–20