Eleetar étiyar i yi Saaŋ akiñje i
Béekinineŋe bu kaawiit konde ni kikiñjee
Diye eleetar étiyar i *y'apotor u Saaŋ akiñje i. Saaŋ ondu ajabajaba akiñj kike kaawiit, abe asokasok te ko buroŋ bite bu Yesu t'etaam ye: ko keemo fu «Hirim Heetoofe hu hi Saaŋ akiñje hu». Akina akiñje fu yooŋ sileetar súsuba séeseina su ti yende, ni kaawiit kiraanu ku keeemo ku «Kafeeñal ku».
Kóŋkeyin, abajeebaj bakaake iŋi kajuus kaane ésuk i Yesu *Kiris eebine u t'etaam ye éeyemi húŋgowulan anooto Añi ite Atambatun. N'iŋi kasooñ yooŋ kaane huruw fe áyinooni káhinu beetoofo bu, abe Atambatun at'ajok bo doon. Ho hi Saaŋ akiñje fu Ekarjen i eesokiin aañ aamo fu Yesu. N'asokiin yooŋ kaanuku múniyo buroŋ béehabanaariit bu bibajabaj, abe n'áwufooriin buŋ b'an ayino fu kabaju bo: an fe éeyilene ti Yesu, o kabaju buroŋ bondu. N'áwutiyen yooŋ aane ésuk i káhin t'afeeneŋ n'Atambatun, n'Añio Yesu, abe ni kámaŋi Atambatun, ni bakaaku *kéeyilene ku fe. Ifi káhin iyu, n'uŋu bukuuriin kaanuku boko kabaju buroŋ béehabanaariit bu.
Iye i kaawiit konde kije fu:
1) Hirim hu huhu huwun buroŋ bu (1.1-4)
2) Úñaah ti meejaaŋe mu (1.5-2.6)
3) Eluwa éyeni (2.7-17)
4) Enatoora yite Kiris, ni biñi bite Atambatun (2.18-3.10)
5) Kámaŋioori ku (3.11-4.21)
6) Kaheeku kite buroon bite etaam i (5.1-21)