2 Piyeer i

Eleetar ésooboriyan i yi Piyeer akiñje i

Béekinineŋe bu kaawiit konde ni kikiñjee

Diye eleetar ésooboriyan i *y'apotor u Piyeer akiñje i. Akina boko kaamo fu eriboora ite Yesu. Asokasok aane bakaake iŋi kayoosorooro *kéeyilene ku, abe n'iŋi kawaareiin beewayee ni Hirim Heetoofe h'awaareiin hu. Iŋi káhin beetoofiin bu, abe n'iŋi kaane Yesu aroŋut bíbatikeina. Bare Piyeer n'aane Yesu bibin bíbatikeina, abe n'asok yooŋ buŋ b'etaam i eja fu kamoosen ariike. N'áwutiyen aane buroŋ bite Akarjen buwarawar katoofu Atambatun. Bi Yesu aliikene bu kéeyemie ku ne o akina t'etaam ye beemo fu bite bu nu múniyo, bo yooŋ bi kaware fu kanaŋu ti kikawiin.

Iye i kaawiit konde kije fu:

1) Kasaafu ku (1.1-2)

2) Buŋ bu buroŋ bite Akarjen buware fu káyemi (1.3-11)

3) Arijok alitee ti b'ariliikenee bu (1.12-21)

4) Kiŋki kaliiken ésuk i beenooto bu bite toko (2.1-22)

5) Nu múniyo Yesu bíbatikeina (3.1-18)