1 Piyeer i

Eleetar étiyar i yi Piyeer akiñje i

Béekinineŋe bu kaawiit konde ni kikiñjee

Diye eleetar étiyar i yi Piyeer akiñje i. Akiñjakiñj yo Ekarjen i bakate tu súsuk seemo hutok site Asi. Hi Yesu áyemie hu t'etaam ye, Piyeer ariboorariboor ne o. H'abine hu áami Yesu anuuta t'etaam ye, Piyeer áyemie fu *apotor eeboñee u t'Esuwif i.

Ekarjen yendu k'akiñje kii káhihinooreehihinoor aŋarkeyi naane káyilenayilen t'Anahaan u Yesu *Kiris. Ho hi Piyeer akiñjiin fu, eeeniin kajok alitee ti káyilen ku, bókoiit kaamo étiyar. N'aaniin Yesu ondu i káyilene u te o ajabe fu áhihinooree, ayak yooŋ ayoolee. Aamo fu ifi kajuk sílaam, kawarawar kámuñu naane akina. N'asokiin yooŋ buŋ bu buroŋ booniin buware fu káyemi t'etut keeteñekee ku Atambatun.

Iye i kaawiit konde kije fu:

1) Kasaafu ku (1.1-2)

2) Eyakar yeeyane faŋ (1.3-12)

3) Buroŋ beenabe (1.13-2.17)

4) Kiris ajukajuk sílaam (2.18-25)

5) Akarjen ni sílaam su (3.1-4.19)

6) Buŋ bi sifaaf site *kéeyilene ku kaware fu káyemi (5.1-11)

7) Kasaafu kiraanu ku (5.12-14)