Saak i

Eleetar i yi Saak akiñje i

Béekinineŋe bu kaawiit konde ni kikiñjee

Diye eleetar i yi Saak at'ute Yesu akiñje i bakan kite Atambatun kareyi fe keeyisaloolee ku t'etaam ye. Kóŋkeyin, Saak an ómbokun ti bakate ku Serusalem *kéeyilene ku. Bakan k'akiñje ku eleetar yende, bakaake tu boko iŋi kaane káyilenayilen, abe bare máhinar mooniin míteiit bakan kéeyilene. Ho h'aaniin fu káyilen aŋ'ariboor ni kanoŋku ajakee.

Saak ajamajam kaanuku ti kéeyilene ku, keebajut ku iŋi kajuk sílaam, ábuki kusaanum ku iŋi kayitooro naane. H'aane fu kusaanum ku itim kanij naane bakate ku t'etaam ye, kaja kajok nu sumoŋu súsuba keebajut ku. N'áwutiyen aane kareyi fe kaja kateyi síheñjeŋoor su, abe ni kámeyi yooŋ kajoku ñutumiin. Ko kireyi fe kawarawar kanoŋku ajakee, naane Hirim hite Atambatun husoke i.

Iye i kaawiit konde kije fu:

1) Kasaafu ku (1.1)

2) Káyilen ku, nu búwesinato bu (1.2-18)

3) Kajamu kite Hirim hite Atambatun, ni káhinu ku naane husoke i (1.19-27)

4) Utum'újok ésuk i kawayoor (2.1-13)

5) Káyilen ku, ni kanoŋku ku ajakee (2.14-26)

6) Búwesinato bu, ni báhamin bu (3.1-18)

7) Kámaŋi kite buroŋ bite t'etaam ye kijakut (4.1-5.6)

8) Kámuñu ku, ni kalawu ku (5.7-20)