Eleetar étiyar i yi Pool akiñje i Timote
Béekinineŋe bu kaawiit konde ni kikiñjee
Diye eleetar étiyar i yi Pool akiñje i Timote. Pool abinabina aja Listir éeyemi bo ti kawaare. Bo bi Timote akine fu. Hirim hite Pool h'ajame fu n'ajok bítim bite *Kiris. Ariboorariboor ne o keehooje-hooj, abe arokarok yooŋ ne o t'afeeneŋ.
Pool af'ajam kaanuku Ekarjen bakate t'ésuk émanuma bokondu ti káwuŋgu Atambatun kiñaawu, man yooŋ bike bibaja bo, Timote a af'afand kaboñu eeja eerimiin. Aboñoboñ Efees kaanuku eeja eeyaŋganan kikaw bakate ku bo *kéeyilene ku. Bo b'eleetar yende eŋaaboo fu. N'ábaŋinano yooŋ te yo aano aja aane kéeyilene ku káwasiyoor kiŋki kaliiken ésuk i beewayee bu ni Hirim Heetoofe hu. N'asoko yooŋ buŋ bi kéeyilene ku kaware fu káyemi ti bijaŋgu bu, nu buŋ bi kaware fu kajifan ariike égila yeeniin.
Iye i kaawiit konde kije fu:
1) Kasaafu ku (1.1-2)
2) Buŋ bu buroŋ bite kéeyilene ku buware fu káyemi (1.3-3.13)
3) Béenuusee bu bite bítim b'újoke bu te bo (3.14-4.5)
4) Pool n'arim Timote (4.6-6.21)