Eleetar ésooboriyan i yi Pool akiñje i bakate ku Tesalonik
Béekinineŋe bu kaawiit konde ni kikiñjee
Diye eleetar ésooboriyan i yi Pool akiñje i bakate ku Tesalonik *kéeyilene ku. N'asooñ ajemeniin te yo bíbatikeina bite *Kiris, nu buŋ bi kéeyilene ku te o kaja fu búmuje.
Bakaake ti hikinu hondu iŋi kaane Kiris aheeka éebatikein, bakaake tu boko ni kaane bondu bibajoorut, abe n'iŋi káwutiyen kaane at'afiyo n'iŋi bibaj. Bokondu keeene ku hunak hu hulohena iŋi kateñeko karoku, kaane diyu burok káfiiten. Abe bare n'iŋi kaja kañoofo ti bakaaku kiŋki karok. Ho hi Pool akiñjiin fu, éewufooriin kaanuku huruw fe awarawar kásuwat éekuumanooro. N'aaniin yooŋ kajok alitee kane kajuk sílaam, abe ko kireyi fe n'iŋi káhin ajakee.
Iye i kaawiit konde kije fu:
1) Kasaafu ku (1.1-2)
2) Bíbatikeina bite Kiris kajoŋooran doon areyi fe (1.3-12)
3) Anahaan u Yesu ábatikeinoorut (2.1-12)
4) Kajoku ku alitee ti káyilen ku (2.13-17)
5) Kalawu ku nu burok bu (3.1-15)
6) Kasaafu kiraanu ku (3.16-18)