Eleetar ésooboriyan i yi Pool akiñje i Timote
Béekinineŋe bu kaawiit konde ni kikiñjee
Diye eleetar ésooboriyan i yi Pool akiñje i Timote. Akiñjakiñj yo akina *Rom t'ekulu i. Bákawiyo fe kateyatey keewaso. Luk asontena u unoono taŋ awasuto fu.
Pool ajukajuk kaanuku hoone hu hihabanaa, eket taŋ eŋeñene fu. H'aane fu eekiñj Timote eerimo, ábuki átumbatumba ajoko naane añio. Eleetar yende yi Pool akiñje fu eraan u.
Aanoen t'eleetar i ajok alitee ti káyilen ku naane akina. N'aano yooŋ aja áñiŋkaan ti kawaare kite Hirim hite hu Yesu, hutoof yooŋ iŋi káhihinooro. Abe n'áwasiyoor yooŋ beeriibut bu ni Hirim Heetoofe hu.
Pool n'áwutiyen yooŋ aane akina humuumo átuumatuum étuum yeejake i, abe memee o biŋaabo Anahaan u Yesu. N'aane Akarjen-karjen fe awarawar káhinu naane akina.
Iye i kaawiit konde kije fu:
1) Kasaafu ku (1.1-2)
2) Pool n'awun Timote ehel (1.3-18)
3) Buŋ b'an aware fu káyemi asulaan eejake ite *Kiris (2.1-26)
4) Buŋ bu kúŋgowulan ku kaja fu káyemi tu kunak kiraanu ku (3.1-9)
5) Kajoku ku alitee ti káyilen ku (3.10-4.8)
6) Kasaafu kiraanu ku (4.9-22)