Eleetar i yi Pool akiñje i bakate ku Kolos
Béekinineŋe bu kaawiit konde ni kikiñjee
Diye eleetar i yi Pool akiñje i bakate ku Kolos *kéeyilene ku. Ámusut bo kareeŋu, bare ajamajam kaanuku Ekarjen i bakate ku bo kajokajok alitee ti káyilen ku. Epafuras aa ariboor ne o ajabe fu awaareiin Hirim Heetoofe hu.
Abaj simit, bakaake ni kabin kaja bo, abe n'iŋi kawaare ésuk i bike beewayee ni Hirim Heetoofe hu h'Epafuras afiye hu awaareiin. Iŋi kaaniin an af'ámaŋi Atambatun afakano, awarawar kásukaay emalaka i, ni baabu buroon beejaaŋee bu kúŋgowulan ku. Ni kasooñ kaaniin kawarawar *kateyi karam, abe kawarut kateŋu bike buroon. Epafuras n'aja aŋaabo Pool *Rom t'áyemie du t'ekulu i eesoko bo. Hi Pool ajame hu bondu h'akiñjiin fu, éewufooriin kaanuku káyilen ku ti *Kiris taŋ kiyino fu kákinineŋ an n'afak.
Iye i kaawiit konde kije fu:
1) Kasaafu ku (1.1-2)
2) Kalawu kite kaanu eyeehen (1.3-14)
3) Kiris aamo fu aañ, naŋ yooŋ n'aroke fu (1.15-2.19)
4) Buroŋ bíyeni bu ni Yesu Kiris (2.20-4.6)
5) Kasaafu kiraanu ku (4.7-18)