Fílip i

Eleetar i yi Pool akiñje i bakate ku Fílip

Béekinineŋe bu kaawiit konde ni kikiñjee

Diye eleetar i yi Pool akiñje i bakate ku Fílip *kéeyilene ku. Ti kátuki koone kúsooboriyan ku, awaarawaare Hirim Heetoofe hu ti hikinu hondu ayak abin áami bakate ku bo kajoka te ho (a̱juk Epotor i 16.11-40).

H'abine hu áami Pool akulee iŋi naane aa arok bija t'Anahaan u, bakate ku Fílip ni kateg, abe ni kaboñ ake tu boko iŋi kaano Épafurodit eejoo nu buroon bi katege bu. Kóŋkeyin nu Pool akiñjiin fu eleetar yende eeeniin eyeehen, ajukajuk doon di kaboño du. N'asok yooŋ aaniin kajok alitee ti káyilen ku, itim káwuŋg Atambatun kiñaawu, itim kájeŋgin yooŋ kiŋki kaliiken ésuk i beewayee bu ni bite b'Atambatun. N'ábaŋinaniin yooŋ kaanuku káhinahin t'afeeneŋ ni *Kiris, kaajamoor kuware fu káyemi t'etutiin.

Iye i kaawiit konde kije fu:

1) Kasaafu ku, ni kalawu ku (1.1-11)

2) Buŋ bu Pool ajuke fu buroŋ bu ariike (1.12-30)

3) Yesu Kiris aamo fu nu múniyo an eeyitooreit u (2.1-18)

4) Buŋ bi Timote n'Épafurodit kaamo fu (2.19-30)

5) Húŋgowulan awarawar katoofu Atambatun (3.1-4.9)

6) Pool n'aane bakate ku Fílip eyeehen (4.10-20)

7) Kasaafu kiraanu ku (4.21-23)