Epotor i i

Burok bite epotor i

Béekinineŋe bu kaawiit konde ni kikiñjee

Diye kaawiit kúsooboriyan ku ki Luk akiñje ku. Kítiyar ku keemo fu «Hirim Heetoofe hu hi Luk akiñje hu». Kusokasok naane Yesu abukee i, nu buroŋ boone t'etaam ye, n'eket yeene, ni naane aritanee i t'eket i eeyitee t'etiir bufor bu. Konde ni kifin kúwufoor naŋ *n'epotor i karoke fu. Nu kusok yooŋ naane Búwejet Beenabe bu búwaneina i t'epotor i, ni naane ii kañaahoor tu búsuk bu keewaare Hirim Heetoofe hu ti sembe site Búwejet Beenabe bu. Kúnuur ki kajuke ku tu burok bondu kusokeesok diye, bija sílaam su fe.

Kóŋkeyin, Esuwif i iŋi kaane tu boko job ti Hirim hite Atambatun huware fu karaan. Luk asokasok ti kaawiit konde buŋ b'epotor i kájabina fu yooŋ kawaare keenooto ku Esuwif Hirim Heetoofe hu.

Epotor bákasuba k'ahaŋe fu kasoku burok bi káhine bu: boko kaamo fu Piyeer nu Pool. Piyeer awaaree fu bakate ku Serusalem ayak abin áami hikarjenaate hu hisiiŋaa bo. Pool n'afin awaare tu búsuk bite keenooto ku Esuwif éewufooriin bítim bite *Kiris. Kaawiit konde kúwufoorawufoor úne kaanuku úwarawar kawaare Hirim Heetoofe hite hu Yesu Kiris tánotan fe t'etaam ye.

Iye i kaawiit konde kije fu:

I. Kawaare kite Hirim Heetoofe hu Serusalem (1.1-8.3)

1) Kunak kiraanu kite ku Yesu Kiris t'etaam ye (1.1-11)

2) Majiyas n'ajifanee éeyemi apotor (1.12-26)

3) Bibin bite Búwejet Beenabe bu (2.1-13)

4) Epotor i ni kaseede Hirim Heetoofe hu Serusalem (2.14-8.3)

II. Kawaare kite Hirim Heetoofe hu tu búsuk bite *Súde ni *Samari (8.4-12.25)

III. Kawaare kite Hirim Heetoofe hu tánotan fe t'etaam i (13.1-28.31)

1) Pool n'átuki hítiyar eeja kawaare Hirim Heetoofe hu (13.1-14.28)

2) Kaajamoor keebaje ku Serusalem (15.1-35)

3) Pool n'átuki húsooboriyan eeja kawaare Hirim Heetoofe hu (15.36-18.23)

4) Pool n'átuki híhaajiyan eeja kawaare Hirim Heetoofe hu (18.24-21.16)

5) Ni kajok Pool Serusalem keekulo (21.17-23.22)

6) Ni kaja nu Pool Sesare (23.23-26.32)

7) Ni kaja nu Pool *Rom (27.1-28.31)