Enyarubha ya Pauro ku
Tiito
Obhukangati
Enyarubha inu yaangʼoorwa na omutumwa Pauro (1:1). Hanú yaaringa atarangʼoora enyarubha inu, Pauro yaakoranga emirimu gya Waryubha hamwi na Tiito, kwiginga rinú ryabhirikirwanga ega, Kirete. Hanú Pauro yaarwa eyo, akangʼoorera Tiito enyarubha inu, eya amaragiriryo eguru ya okwimiririra abheekirirya Kirete eyo. Yaahaana Tiito emirimu gya okusora abhakangati bha erikanisa. Kweki yaamutongera okwimya abheekirirya bha Kirete, kwa okubha bhaaringa-ho abheehigirya bha obhubheehi.
Amangʼana amaaru kunyarubha inu, garahunkana na aga munyarubha ya mbere eya Pauro ku Timoteo. Eramaahikana ega, eginyarubha ebhiri ginu, gyangʼoorwa kwibhaga rimwi. Hanú oreende okumanyiirirya eguru ya eringʼana nyabhurebhe rinú riringi kunyarubha inu, turakukomererya omaahe muginyarubha gya Pauro ku Timoteo.