Yoona aramujimira Waryubha
4
Nawe eringʼana riyo,
ritaamujomera Yoona,
akajima bhukongʼu.
2 Kwa ego,
akamusabha OMUKURU ega,
“Naaringa mmanyiri okurwa kubhwambiro ega,
uuwe otarisikya omugi gwa Ninaawi!
Kiyo nkyo kyakora nkatorokera Tashishi.
Uuwe ngʼo Waryubha wa obhuhanje na ekyabhira.
Kweki,
uuwe m-muheene na otakwanguha okujima.
Oratura okukyukya obhwamuri bhwaho,
okatiga okujibhya.a
3 Mbe,
bhoono uuwe OMUKURU,
ndakukomererya,
uunyite,
kwa okubha kuoni,
nyakara nkwe okukira okubha omuhoru.”
4 OMUKURU wonse akamukyukya ega,
“Oramanya ega,
orakora bhujomu okujima?”
5 Yoona hanú yaaringa ahurukiri kibhara wa omugi guyo,
akagya akeekara orubhaara rwa bhuturira-ryubha rwa omugi guyo.
Akeehagaajira eribhuru,
akeekara mukiiriiri,
araganyirira okurora kinú kiraagunyoore omugi guyo Ninaawi.
6 OMUKURU Waryubha akaamura ega,
omuti gumere na gukiine.
Yaaguhamba,
naho okumuhaana Yoona ekiiriri kya okumubheera enyanko inú yaaringa nayo.
Yoona yaagujomererwa omuti guyo,
bhukongʼu.
7 Nawe,
orusiku rwa kabhiri hanú bhwakya,
Waryubha akaragirirya erikunde,
rigusarye omuti guyo,
kimwi gukooma.
8 Eryubha hanú ryatura,
Waryubha yaareeta omuyaga omuhaari gwa eribhiira okurwa bhuturira-ryubha,
omubhasu gwamusamba Yoona kumutwe bhukongʼu,
okuhikira akeenda okuhyutuka.
Akagamba ega,
“Kuoni,
nyakara okukwa okukira okubha omuhoru.”
9 Nawe Waryubha akamukeerya Yoona ega,
“Oramanya ega,
orakora bhujomu okujimira omuti guyo?”
Yoona akamukyukya ega,
“Yee.
Ndakora bhujomu okujima,
kora nkwe.”
10 Hayo,
OMUKURU akamukeerya ega,
“Omuti gunu,
gumereri na okukiina kwa obhutiku obhumwi,
obhutiku bhunú bhweemukira gukooma.
Uuwe otaagukorera ekintu kyokyonse,
kora otagoomya.
Ndeegwa oragwabhira?
11 Bhoono,
omugi omunene Ninaawi guuna abhantu eraaki eimwi na mirongo ebhiri,
bhanú bhatamanyiri okwahura amangʼana amajomu na amabhiibhi.
Kweki egintugo ni njaaru!
Oni weeki ntakwenderwa okwabhira omugi guyo?”