Apocalipsis
Jesucristoba Juanmaa unubid̶a
Jesús baara nibad̶a Juanba nau karta b̶ʉsii. Año 95 b̶ʉsii. Griego bed̶ead̶e Apocalipsis jara b̶uu «unubid̶a».
Domitiano abadau año 81 ab̶a 96 Romad̶ebena chi aude mechiu nibasii. Mau ewarid̶e ley ab̶a b̶ʉsid̶au jomaurãba Romad̶ebena chi aude mechiu niimaa biꞌia kʉ̃ria berread̶ai panuu, Dachi Akõremaa biꞌia kʉ̃ria berreabadau kĩra. Maka wauwẽa b̶uu kakua Juan jʉ̃a uru panasid̶au.
Maud̶e Jesucristoba Juanmaa nau karta b̶ʉbisii siete puurud̶ebena ãbarã baita. Jesusba b̶ʉbid̶a Juanmaa joma unubisii. Juanba Jesusd̶e ijãabadaurãmaa unubiasii Jesús biawãra ãchi ome b̶uu maud̶e kãꞌãabariwãed̶e chi kĩramaabadaurã joma poyaai. Jarasii Jesucristo neeruud̶e Dachi Akõreba jʉbawãe nii maud̶e joma ichid̶irã tʉbʉchia kiikaud̶e baakuai. Maud̶e jarasii jʉbawãe niiba Cristod̶erã bearuubʉrã ewaricha Dachi Akõre puurud̶e biꞌia duanad̶ai.
Dachiba nau kʉ̃risia mechiu 2:10 b̶ʉ kub̶uu kĩrabad̶ai panuu: «Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai.a Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai».